భగవంత్ కేసరి చేయొద్దని సలహా ఇచ్చారట..!

టాలీవుడ్ లో వరుస సినిమాలతో దూసుకెళ్తున్న శ్రీ లీల రెండు రోజుల్లో భగవంత్ కేసరి అంటూ రాబోతుంది. ఈ సినిమా ప్రమోషన్స్ లో భాగంగా బాలకృష్ణ హోస్ట్ గా చేస్తున్న అన్ స్టాపబుల్ లిమిటెడ్ ఎడిషన్ కి వెళ్లారు చిత్ర యూనిట్. భగవంత్ కేసరి డైరెక్టర్ అనీల్ రావిపుడి హీరోయిన్స్ శ్రీ లీల, కాజల్ అగర్వాల్ సినిమాలో విలన్ గా నటించిన అర్జున్ రాంపాల్ కూడా ఈ ప్రోగ్రాం లో పాల్గొన్నారు.

అయితే ఈ సందర్భంగా తనను ఈ సినిమా చేయొద్దని చాలామంది సలహా ఇచ్చారని చెప్పి షాక్ ఇచ్చింది శ్రీ లీల. తను పెళ్లిసందడి చేస్తున్న టైం లోనే డైరెక్టర్ అనీల్ ఈ కథ చెప్పారని కాకపోతే కూతురు పాత్ర చేస్తే మళ్లీ హీరోయిన్ గా అవకాశాలు వస్తాయో రావో అన్న డౌట్ ఉండేది. చాలామంది కూడా సినిమా చేయొద్దని అన్నారు. కానీ ఇలాంటి పాత్ర మళ్లీ కెరీర్ లో వస్తుందో రాదో అని చేశానని అన్నారు శ్రీ లీల.

బాలకృష్ణతో స్క్రీన్ షేర్ చేసుకోవడం తన అదృష్టంగా భావిస్తున్న శ్రీ లీల ఆయన్ను చూసి ముందు భయం వేసినా సినిమా చేస్తున్న టైం లో ఆయన మంచితనం తెలిసిందని చెప్పారు. అన్ స్టాపబుల్ లిమిటెడ్ ఎడిషన్ లో భగవంత్ కేసరి టీం అంతా వచ్చి సందడి చేశారు.

ఎపిసోడ్ లో భాగంగా తన పంచ్ డైలాగ్స్ తో సత్తా చాటారు బాలకృష్ణ. సినిమాలో లో డైలాగ్స్ తో పాటుగా వేరే ప్రస్తుతం రాజకీయ పరిణామాల దృష్ట్యా కొన్ని డైలాగ్స్ చెప్పారు. తెలుగులో ఒకేసారి ఎనిమిది సినిమాలతో శ్రీ లీల తన హవా కొనసాగిస్తుంది. స్కంద సినిమా మొదటి షాక్ ఇవ్వగా భగవంత్ కేసరి తో ఎలాగైనా హిట్ కొట్టాలని చూస్తుంది. భగవంత్ కేసరి బాలకృష్ణ కెరీర్ లో డిఫరెంట్ అటెంప్ట్ అని చెప్పొచ్చు. పటాస్ నుంచి ఇప్పటివరకు ఫెయిల్యూర్ లేని దర్శకుడు అనీల్ భగవంత్ కేసరితో కూడా మరో విక్టరీ అందుకుంటాడా లేదా అన్నది చూడాలి. బాలయ్య భగవంత్ కేసరి సినిమా ఈ నెల 19న రిలీజ్ అవుతుంది. దసరా కానుకగా భగవంత్ కేసరితో పాటుగా మాస్ మహరాజా రవితేజ టైగర్ నాగేశ్వర రావు, దళపతి విజయ్ లియో సినిమాలు రిలీజ్ అవుతున్నాయి. 3 సినిమాల మధ్య పోటీ రసవత్తరంగా ఉంటుందని చెప్పొచ్చు.