పొద్దు తిరుగుడు పువ్వులా శ్రీలీల‌!

శ్రీలీల బ్యూటీ గురించి చెప్పేదేముంది. అమ్మ‌డు తొలి సినిమాతోనే త‌న‌లో బ్యూటీని లాంచ్ చేసింది. అదే సినిమాతో త‌నో గొప్ప డాన్స‌ర్ అని ప్రూవ్ చేసింది. న‌టిగా..డాన్స‌ర్ గా..అంద‌గ‌త్తెగా స‌క్సెస్ అయిన త‌ర్వాత అవ‌కాశాలు రాకుండా ఉంటాయా? ఛాన్సుల‌న్నీ గుమ్మం ముంగిట క్యూలో నుంచోవా? వాటిని శ్రీలీల స‌ద్వినియోగం చేసుకుపోదా? ప్ర‌స్తుతం శ్రీలీల కెరీర్ ఎంత గొప్ప‌గా సాగిపోతుందన్న‌ది చెప్పాల్సిన ప‌నిలేదు.

చిన్న సినిమాతో మొద‌లైన అనతి కాలంలోనే స్టార్ హీరోల‌కు ప్ర‌మోట్ అయిన భామ‌. ర‌ష్మిక త‌ర్వాత ఆ రేంజ్ ఫాలోయింగ్ ని ద‌క్కించుకున్న బ్యూటీగా నీరాజ‌నాలు అందుకుంటుంది. ఇటీవ‌లే `గుంటూరు కారం`తో మ‌రో స‌క్సెస్ ని ఖాతాలో వేసుకుంది. ప్ర‌స్తుతం కొత్త అవ‌కాశాలు క్యూలో ఉన్నాయి. ఇక అమ్మ‌డు సోష‌ల్ మీడియాలో మాత్రం మ‌రీ అంత యాక్టివ్ కాదు. అప్పుడప్పుడు మాత్ర‌మే అభిమానుల‌కు ట‌చ్ లో ఉంటుంది.

వాళ్ల‌ని మెప్పించే ఫోటోలు వ‌ద‌లుతుంది. వీలైనంత వ‌ర‌కూ ప‌ద్ద‌తైన దుస్తుల్లోనే క‌నిపిస్తుంది. బేసిక్ గానే ఒంగోలు బ్యూటీ కాబ‌ట్టి అందాలు ఆవిష్క‌రించ‌డంలో మాత్రం కాస్త వెనుకా ముందు ఆలోచిస్తుంది. ఇక్క‌డి ప‌ద్ద‌త‌ల్ని అనుస‌రించి ముందుకెళ్తుంది. అలా ఉండ‌ట ఆమెకి ఇక్క‌డ ప్ర‌త్యేక‌మైన గౌర‌వాన్ని గుర్తింపుని తెచ్చి పెట్టింది. తాజాగా అమ్మ‌డు చీరందంలో పొద్దు తిరుగుడు పువ్వులా విక‌సించింది.

ఇదిగో ఇక్క‌డిలా షోల్డెర్ లెస్ బ్లౌజు అందంలో కుర్ర‌కారులో డ‌బుల్ ఉత్సాహాన్ని నింపేసింది. అంతేనా మ్యాచింగ్ చీర లో అంతే బ్యూటీని ఆవిష్క‌రించింది. ప‌సుపు..సిమెంట్ రంగు చీర‌లో అమ్మ‌డు ఎంతో అందంగా క‌నిపిస్తుంది. చేతిలో మొగ్గ‌లు తొడిగిన క‌మ‌లా మెగ్గ‌లు ప‌ట్టుకుని మ‌త్తెక్కించే చూపుల‌తో కెమెరాకి ఫోజులిచ్చింది. నుదిటిన స‌న్న‌ని బొట్టు..ముక్కుని మ్యాచ్ చేసేలా పెద్దదైన పుడ‌క ధ‌రించింది. బ్యాక్ గ్రౌండ్ లో గ్రీన‌రీ ఆక‌ట్టుకుంటుంది. ప్రస్తుతం ఈ ఫోటో నెట్టింట వైర‌ల్ గా మారింది. ఈ ఫోటోని ఉద్దేశించి ఓ క్యాప్ష‌న్ ఇచ్చేసింది. `సూర్యకాంతిలో స్నానం చేసిన పొద్దు తిరుగుడు పువ్వు`ను నేను అంటూ రాసుకొచ్చింది.