శ్రీదేవి వారసత్వం.. స్పీడ్ పెంచారు!
చలనచిత్ర రంగంలో అతిలోకసుందరి శ్రీదేవికి ఎంతటి ప్రత్యేక స్థానం ఉందో తెలిసిందే. కేవలం నాలుగు సంవత్సరాల వయసులోనే తన సిన్ని జీవితాన్ని ప్రారంభించింది శ్రీదేవి.
By: Tupaki Desk | 22 Nov 2023 6:16 AM GMT
చలనచిత్ర రంగంలో అతిలోకసుందరి శ్రీదేవికి ఎంతటి ప్రత్యేక స్థానం ఉందో తెలిసిందే. కేవలం నాలుగు సంవత్సరాల వయసులోనే తన సిన్ని జీవితాన్ని ప్రారంభించింది శ్రీదేవి. 'కందన్ కరునై' అనే తమిళ చిత్రంతో చైల్డ్ ఆర్టిస్ట్ గా ఎంట్రీ ఇచ్చింది. దాదాపు 5 దశాబ్దాలుగా బాల నటిగా మెప్పించి ఆ తర్వాత అగ్ర హీరోయిన్ గా చిత్ర పరిశ్రమలో చెరగని ముద్ర వేసింది.
ఇక ఇప్పుడు ఆమె కూతుర్లు జాన్వి కపూర్, ఖుషి కపూర్ తల్లి అడుగుజాడల్లోనే నడుస్తున్నారు. పెద్ద కూతురు జాన్వి కపూర్ ఇప్పటికే 'ధడక్' చిత్రంతో బాలీవుడ్ లో హీరోయిన్ గా అడుగు పెట్టింది. ప్రస్తుతం ఎన్టీఆర్ తో కలిసి 'దేవర' సినిమాతో టాలీవుడ్ అరంగేట్రం చేసేందుకు రెడీ అవుతోంది. ఇదిలా ఉంటే శ్రీదేవి రెండో కుమార్తె ఖుషి కపూర్ కూడా బాలీవుడ్ లో హీరోయిన్ గా అడుగు పెట్టబోతోంది.
ఆమె తొలి చిత్రం 'ది ఆర్చీస్' త్వరలోనే నేరుగా నెట్ ఫ్లిక్స్ ఓటీటీలో విడుదల కాబోతోంది. తన మొదటి సినిమా ఇంకా విడుదల కాకముందే ఖుషి కపూర్ కోలీవుడ్ ఎంట్రీపై రకరకాల ఊహాగానాలు వినిపిస్తున్నాయి. ప్రముఖ కోలీవుడ్ నిర్మాణ సంస్థ లైకా ప్రొడక్షన్స్ నిర్మాణంలో అధర్వ సరసన హీరోయిన్ గా నటించేందుకు ఖుషి కపూర్ సిద్ధమవుతున్నట్లు సినీ వర్గాలు సూచిస్తున్నాయి.
ఆకాష్ దర్శకత్వంలో తెరకెక్కనున్న ఈ చిత్రానికి సంగీతం సమకూర్చడానికి కోలీవుడ్ మ్యూజిక్ సెన్సేషన్ అనిరుద్ రవిచంద్రన్ ఎంచుకున్నారు మూవీ టీం. ఓవైపు అక్క జాన్వి కపూర్ తెలుగు సినిమాని ఎంచుకుంటే మరోవైపు చెల్లి ఖుషి కపూర్ తమిళ సినిమా ఎంచుకుంది. వీళ్ళిద్దరు కనుక అభినయంతో ప్రేక్షకులను ఆకట్టుకోగలిగితే రాబోయే రోజుల్లో తల్లిలాగే సౌత్ ఇండస్ట్రీని శాసించడం ఖాయమని చెప్పొచ్చు.
ఇక జాన్వికపూర్ 'దేవర' విషయానికొస్తే, ప్రస్తుతం షూటింగ్ శరవేగంగా జరుగుతుంది. రీసెంట్ గా గోవా షెడ్యూల్లో జాన్వి కపూర్, ఎన్టీఆర్ లపై రొమాంటిక్ సాంగ్ ని చిత్రీకరించినట్లు సమాచారం. ప్రజెంట్ ఈ మూవీ షూటింగ్ హైదరాబాద్లోని అల్యూమినియం ఫ్యాక్టరీలో జరుగుతోంది. కొరటాల శివ తెరకెక్కిస్తున్న ఈ చిత్రం రెండు భాగాలుగా ప్రేక్షకుల ముందుకు రానుంది.
