వెన్నెల కిషోర్ 'శ్రీకాకుళం షెర్లాక్ హోమ్స్'..వచ్చేది ఎప్పుడంటే..

టాలీవుడ్ యాక్టర్ వెన్నెల కిషోర్ ఓవైపు కమెడియన్ గా నటిస్తూనే మరోవైపు హీరోగా మూవీస్ చేస్తున్న విషయం తెలిసిందే. ఇప్పటికే చారి 111 మూవీతో హీరోగా ప్రేక్షకుల ముందుకు వచ్చిన ఆయన.. ఇప్పుడు శ్రీకాకుళం షెర్లాక్ హోమ్స్ చిత్రంతో బిజీగా ఉన్నారు. ఆ సినిమాతో తెలుగు రచయిత మోహ‌న్ డైరెక్టర్ గా మారుతున్నారు.

క్రైమ్ కామెడీ థ్రిల్లర్ గా మోహన్ తెరకెక్కిస్తున్న ఆ చిత్రంలో అనన్య నాగళ్ల హీరోయిన్ గా నటిస్తున్నారు. శ్రీ గణపతి సినిమాస్ బ్యానర్ పై వెన్నపూస రమణా రెడ్డి నిర్మిస్తున్నారు. లాస్య రెడ్డి సమర్పిస్తున్నారు. ఇప్పటికే సినిమా నుంచి మేకర్స్ ఫస్ట్ లుక్ పోస్టర్ తో పాటు సాంగ్స్ ను రిలీజ్ చేయగా.. ఆడియన్స్ నుంచి మంచి రెస్పాన్స్ వచ్చింది.

తాజాగా మేకర్స్ క్రేజీ అప్డేట్ ఇచ్చారు. మూవీ రిలీజ్ డేట్ ను అనౌన్స్ చేశారు. క్రిస్మస్ కానుకగా డిసెంబర్ 25వ తేదీన శ్రీకాకుళం షెర్లాక్ హోమ్స్‌ ను ప్రపంచవ్యాప్తంగా విడుదల చేయనున్నట్లు సోమవారం తెలిపారు. అదే సమయంలో పోస్టర్ కూడా రిలీజ్ చేశారు. అందులో వెన్నెల కిషోర్ గా డిటెక్టివ్ గా కనిపించారు.

వెన్నెల కిషోర్ హ్యాట్ పై ఒక గ్రామం ఉన్నట్లు కనిపిస్తోంది. భారీ వర్షం కురుస్తున్నట్లు ఉంది. దీంతో పోస్టర్ అందరినీ తెగ ఆకట్టుకుంటోంది. కొత్త పోస్టర్ ఇంట్రెస్టింగ్ గా ఉందని నెటిజన్లు చెబుతున్నారు. సినిమాపై పాజిటివ్ బజ్ క్రియేట్ అవుతుందని సోషల్ మీడియాలో కామెంట్లు పెడుతున్నారు.

ఇక సినిమా విషయానికొస్తే.. వెన్నెల కిషోర్, అనన్య నాగళ్లతోపాటు సీయా గౌతమ్‌, స్నేహ గుప్తా, రవితేజ మహద్యం, బాహుబలి ప్రభాకర్‌, మురళీధర్‌ గౌడ్‌ కీలక పాత్రల్లో కనిపించనున్నారు. అనీష్ కురివెళ్ల, నాగ్ మహేష్, మచ్చ రవి, ప్రభావతి, సంగీత, శుభోదయం సుబ్బారావు, శివం మల్హోత్రా ఇతర పాత్రల్లో నటిస్తున్నారు.

మోహన్ దర్శకత్వం వహిస్తున్న ఆ సినిమాకు సునీల్ కశ్యప్ సంగీతం అందిస్తున్నారు. మల్లికార్జున్ సినిమాటోగ్రఫీ, అవినాష్ గుర్లింక్ ఎడిటింగ్ బాధ్యతలు చూసుకుంటున్నారు. రామజోగయ్య శాస్త్రి, కాసర్ల శ్యామ్ సాహిత్యాన్ని అందిస్తున్నారు. సురేష్ ఆర్ట్ డైరెక్టర్‌ గా పనిచేస్తున్నారు. మరి సినిమా ఎలాంటి హిట్ అవుతుందో చూడాలి.