SDT18: సీనియర్ హీరో స్టన్నింగ్ లుక్

సుప్రీమ్ హీరో సాయి దుర్గ తేజ్ చివరగా ‘విరూపాక్ష’, ‘బ్రో’ సినిమాలతో గత ఏడాది ప్రేక్షకులు ముందుకి వచ్చాడు. వీటిలో ‘విరూపాక్ష’ మూవీ బిగ్గెస్ట్ బ్లాక్ బస్టర్ చిత్రంగా నిలిచింది. చాలా లాంగ్ గ్యాప్ తీసుకుని తేజ్ రీసెంట్ గా రోహిత్ కేపీ దర్శకత్వంలో కొత్త సినిమాని సెట్స్ పైకి తీసుకొని వెళ్ళాడు. రీసెంట్ గా ఈ సినిమా షూటింగ్ హైదరాబాద్ లో మొదలైంది. సినిమా కోసం ప్రత్యేకంగా వేసిన విలేజ్ సెట్ లో కీలక సన్నివేశాలను ప్రస్తుతం తెరకెక్కిస్తున్నారు.

హాలీవుడ్ సినిమా స్ఫూర్తితో ఈ సినిమా కథని సిద్ధం చేశారని తెలుస్తోంది. ఇప్పటికే మూవీ నుంచి ఒక ఇంట్రడక్షన్ టీజర్ రిలీజ్ చేశారు. ఈ సినిమాలో సాయి తేజ పవర్ ఫుల్ పాత్రలో కనిపించబోతున్నట్లు ఈ లు బట్టి స్పష్టం అయ్యింది. జగపతిబాబు, సాయికుమార్, శ్రీకాంత్ ఈ సినిమాలో కీలక పాత్రలు చేస్తున్నారు. ఇప్పటికే జగపతిబాబు, సాయికుమార్ పాత్రలకి సంబంధించిన ఫస్ట్ లుక్ లని రిలీజ్ చేశారు.

తాజాగా శ్రీకాంత్ ఫస్ట్ లుక్ పోస్టర్ కూడా ప్రేక్షకుల ముందుకి తీసుకొచ్చారు. ఇందులో అతను చాలా మాసివ్ గా కనిపిస్తూ ఉన్నారు. ‘SDT 18’ వర్కింగ్ టైటిల్ తో ఈ సినిమా తెరకెక్కుతోంది. ఇప్పటి వరకు ఇండియన్ స్క్రీన్ పై రానటువంటి విభిన్నమైన కథని ఈ చిత్రంలో చూపించబోతున్నారున్నారంట. ఇది ఎలా ఉండబోతుందనేది ఇప్పుడు ఆసక్తికరంగా మారింది. ప్రైమ్ సో ఎంటర్టైన్మెంట్స్ బ్యానర్ పై కె నిరంజన్ రెడ్డి, చైతన్య రెడ్డి ఈ చిత్రాన్ని భారీ బడ్జెట్ తో నిర్మిస్తున్నారు.

తేజ్ కెరియర్ లోనే అత్యధిక బడ్జెట్ ఈ సినిమాకి స్పెండ్ చేయబోతున్నట్లు తెలుస్తోంది. ఈ సినిమాలో తేజ్ కి జోడిగా ఐశ్వర్య లక్ష్మి నటిస్తోంది. తమిళనాడులో స్టార్ హీరోయిన్ గా తనకంటూ ప్రత్యేకమైన గుర్తింపుని ఐశ్వర్య లక్ష్మి సొంతం చేసుకుంది. తెలుగులో సత్యదేవ్ ‘గాడ్సే’ సినిమాలో ఆమె నటించింది. అలాగే ‘అమ్ము’ అనే మరో సినిమా కూడా చేసింది. అయితే ఈ సారి భారీ బడ్జెట్ పాన్ ఇండియా సినిమాలో ఉండడం విశేషం.

రోహిత్ కేపీకి దర్శకుడిగా ఇదే మొదటి చిత్రం. అయిన కూడా డిఫరెంట్ బ్యాక్ డ్రాప్ లో మైథలాజికల్ థ్రిల్లర్ కథని తెరపై ఆవిష్కరించే ప్రయత్నం చేస్తున్నారు. విరూపాక్ష తర్వాత తేజ్ మరోసారి అలాంటి జోనర్ కథతోనే ఈ చిత్రం చేస్తున్నాడు. వచ్చే ఏడాది ఆఖరుకి ఈ మూవీ థియేటర్స్ లోకి వచ్చే అవకాశం ఉందని తెలుస్తోంది. మరి ఈ చిత్రం ఏ మేరకు ప్రేక్షకులని మెప్పిస్తుందనేది చూడాలి.