ఏపీ మద్యం.. మరోసారి ఆ యాక్టర్​ సెటైర్

తెలుగులో క్యారెక్టర్​ ఆర్టిస్ట్​గా పలు చిత్రాల్లో నటించి నటుడిగా ఓ గుర్తింపు తెచ్చుకున్న శ్రీకాంత్ అయ్యంగర్.. ఈ మధ్య వివాదాస్పద కామెంట్లతో హాట్​టాపిక్​గా మారుతున్నారు. తాజాగా మరోసారి పరోక్షంగా ఏపీ ప్రభుత్వంపై, అలాగే ఆ రాష్ట్రంలో దొరికే మద్యపానంపై సెటైర్లు​ వేశారు. ఓ వీడియోను రిలీజ్ చేశారు. ప్రస్తుతం ఈ వీడియో సోషల్ మీడియాలో చక్కర్లు కొడుతోంది.

వివరాళ్లోకి వెళితే.. శ్రీకాంత్ అయ్యంగర్​ ఈ మధ్య సోషల్ మీడియాలో చాలా యాక్టివ్​గా ఉంటున్న సంగతి తెలిసిందే. అలాగే రీసెంట్​గా ఏపీలో మందుపై కౌంటర్​ వేస్తూ ఓ సెటైరికల్ వీడియోను రిలీజ్ చేశారు. తాను ఏపీలోని విజయవాడకు వచ్చానని వీడియోలో చెప్పిన ఆయన.. అక్కడి బీర్ తీసుకుని తాగుతున్నట్లు కనపడ్డారు. బూం బూం బీర్​ను చూపిస్తూ.. ఇంట్లో ఎవ్వరికీ చెప్పకుండా ఈ బీర్​ తాగుతున్నానని, ఏం అవుతుందో ఏమో అంటూ భయపడుతున్నట్లు చెప్పారు.

అయితే ఈ సెటైరికల్​ వీడియోను చేసిన శ్రీకాంత్​పై​.. ఏపీ అధికార పార్టీకి సంబంధించిన వాళ్లు ట్రోల్ చేసినట్టు ఉన్నారేమో... దీంతో ఆయన మళ్లీ మరో కౌంటర్ వేస్తూ తాజాగా ఇంకో వీడియోను వదిలారు. ఇందులో ఆయన మాట్లాడుతూ.. అద్భుతమైన విషయం ఏంటంటే బూమ్ బూమ్ గీమ్ గీమ్​ కాదంది, ఒక బ్లాక్ బాస్టర్ హిట్​లో పాల్గొని.. క్రికెట్​లో గోల్ఫర్ షాట్​ ఆడి ప్రెసిడెంట్ మెడల్ తెచ్చుకుంటానని ఇట్లు శ్రీకాంత్ భరత్ అంటూ చెప్పుకొచ్చారు.

నిజానికి ఆయన ఈ వీడియోలో ఏపీలో దొరికే మందు బ్రాండ్ల పేర్లను ఉపయోగించారు. గోల్ఫర్ షాట్, ప్రెసిడెంట్ మెడల్ బ్రాండ్ల పేర్లను చెప్పారు. చూడాలి మరి ఇది ఏ కాంట్రవర్సీకి దారీ తీస్తుందో... అధికార పార్టీకి సంబంధించిన వాళ్లు శ్రీకాంత్​పై ఎలా స్పందిస్తారో..

కాగా, శ్రీకాంత్ అయ్యంగార్ చివరగా బెదురులంక సినిమాలో కనిపించారు. దొంగ జ్యోతిషుడు పాత్రలో అజయ్ ఘోష్​తో కలిసి బాగా నవ్వించారు. ఇక ఈ మూవీ సక్సెస్ మీట్‌లోనూ శ్రీకాంత్.. రివ్యూ రైటర్లపై చేసిన కామెంట్స్ కూడా చర్చకు దారీతీశాయి.