సిద్ధు కోసం వచ్చేసిన KGF పాప.. ఒక్క హిట్టోస్తే..

'టిల్లు స్క్వేర్' ఘన విజయం తర్వాత స్టార్ బోయ్ సిద్ధు జొన్నలగడ్డపై అభిమానులు, ప్రేక్షకుల్లో అంచనాలు మ‌రింత‌గా పెరిగిపోయాయి. ఇప్పటి వరకు ప్రేక్షకులను తన విభిన్నమైన నటనతో మెప్పించిన సిద్ధు, ఇప్పుడు మరో ఆసక్తికరమైన ప్రాజెక్ట్‌తో ప్రేక్షకుల ముందుకు రావడానికి సిద్ధమవుతున్నారు. ఇప్పటివరకు ఒక లెక్క ఇక నుంచి రాబోయే సినిమాలు మరో లెక్క అనేలా సిద్ధు లైనప్ సెట్ చేసుకుంటున్నాడు.

రీసెంట్‌గా ఆయన రవితేజ నటించిన 'మిస్టర్ బచ్చన్' చిత్రంలో ఒక ప్రత్యేక పాత్రలో కనిపించి ప్రేక్షకులను ఆకట్టుకున్నారు. ఇప్పుడు తన తదుపరి చిత్రమైన 'తెలుసు కదా' కోసం సిద్ధమవుతున్నారు. ప్ర‌ముఖ స్టైలిస్ట్ నీరజా కొనా తొలిసారిగా దర్శకత్వం వహిస్తున్న చిత్రం కావడంతో సినిమా మీద ఆస‌క్తి రెట్టింపు అయింది. ఈ సినిమాలో రాశీ ఖన్నా హీరోయిన్‌గా నటిస్తున్న విషయం తెలిసిందే.

ఇక 'కేజీఎఫ్' ఫేమ్ శ్రీనిధి శెట్టి కూడా కీలక పాత్రలో నటించనున్నట్లు గతంలోనే టాక్ వచ్చింది. ఇక ఇప్పుడు ఆమె సినిమా షూటింగ్ లో జాయిన్ అయినట్లు అఫీషియల్ గా క్లారిటీ ఇచ్చేశారు. శ్రీనిధి శెట్టి ఈ చిత్రానికి జాయిన్ కావడం సినిమాపై మరింత హైప్ ను పెంచింది. ఈ ప్రాజెక్ట్ రొమాంటిక్ లవ్ స్టోరీగా తెరకెక్కుతోందని సమాచారం.

ఈ సినిమాతో మంచి సక్సెస్ అందుకొని ట్రాక్ లోకి రావాలి అని శ్రీనిధి శెట్టి భారీ హోప్స్ అయితే పెట్టుకుంది. KGF కమర్షియల్ గా హిట్టయినప్పటికి ఆమెకు మళ్ళీ ఆ రేంజ్ లో అవకాశాలు రాలేదు. ఇక ఇప్పుడు తెలుసు కాదా సినిమాలో కథకు ప్రాధాన్యత ఉన్న క్యారెక్టర్ చేస్తున్నట్లు సమాచారం. అలాగే సినిమాలో నటిస్తున్న రాశి ఖన్నా కూడా గట్టిగానే హోప్స్ పెట్టుకుంది. ఆమె కూడా చాలా కాలంగా ఒక బిగ్ హిట్ కోసం ఎదురుచూస్తోంది. మరి ఈ సినిమా బాక్సాఫీస్ వద్ద ఎలాంటి కలెక్షన్లు అందుకుంటుందో చూడాలి.

ఇక ఈ చిత్రాన్ని ప్రముఖ నిర్మాత టిజి విశ్వ ప్రసాద్ పీపుల్ మీడియా ఫ్యాక్టరీ బ్యానర్ పై నిర్మిస్తున్నారు. వైవా హర్ష ఈ చిత్రంలో కీలక పాత్రలో నటించనున్నాడు. థమన్ ఈ చిత్రానికి సంగీతం అందిస్తున్నారు. సినిమాటోగ్రఫీ బాధ్యతలను గ్నాన శేఖర్ బాబా చేపట్టగా, ఎడిటింగ్ ను జాతీయ అవార్డు గెలుచుకున్న నవీన్ నూలి చేస్తున్నారు.

అలాగే ప్రొడక్షన్ డిజైనర్ గా అవినాష్ కొల్లా పని చేస్తున్నారు. కాస్ట్యూమ్స్ డిజైన్ విషయంలో ప్రముఖ డిజైనర్ షీతల్ శర్మ పని చేస్తున్నారు. ఈ భారీ కాంబినేషన్‌ కారణంగా 'తెలుసు కదా'పై ప్రేక్షకుల్లో భారీ అంచనాలు నెలకొన్నాయి. రొమాంటిక్ లవ్ స్టోరీగా తెరకెక్కుతున్న ఈ సినిమా విడుదలకు ముందే మంచి క్రేజ్‌ను సంపాదించుకుంది.