పార్టీ మారితే టికెట్ ఇస్తార‌నుకున్నా: శ్రీ‌రాపాక

బోల్డ్ సినిమాల్లో బోల్డ్ పెర్ఫామెన్స్ తో కుర్ర‌కారును గుండెల్ని మెలి తిప్పేసిన‌ తెలుగు న‌టి శ్రీ‌రాపాక ఇటీవ‌ల రాజ‌కీయాల్లోను స్పీడ్ గా ఉన్న సంగ‌తి తెలిసిందే. 2019లో వైసీపీ త‌ర‌పున ప్ర‌చార బ‌రిలో నిలిచిన శ్రీ‌రాపాక చివ‌రి నిమిషంలో టికెట్ రాక‌పోవ‌డంతో నిరాశ చెందారు. ఈసారి ఎన్నిక‌ల్లో తెలుగు దేశం పార్టీ త‌ర‌పున ప్ర‌చారం నిర్వ‌హించారు. అయితే త‌న‌కు టికెట్ వ‌స్తుంద‌ని ఆశిస్తే అలా జ‌ర‌గ‌లేద‌ని నిరాశ‌ను వ్య‌క్తం చేసారు శ్రీ‌రాపాక‌. ఈసారి మిస్స‌యినా వ‌చ్చే ఎన్నిక‌ల నాటికి ప‌రిస్థితి మారొచ్చేమోన‌నే ఆశాభావం వ్య‌క్తం చేసారు.

తాను పార్టీ మారే ముందు అచ్చెన్నాయుడు వంటి సీనియ‌ర్ లీడ‌ర్ తో మాట్లాడాన‌ని శ్రీ‌రాపాక అన్నారు. పార్టీ మారితే టికెట్ దక్కుతుందేమోన‌ని చివరి నిమిషం వరకు ఎంతో ఆశ‌గా ఎదురు చూశానని..అయితే గతంలో బరిలో నిలిచిన వ్యక్తికే టికెట్ కేటాయించారని శ్రీ‌రాపాక అన్నారు. టికెట్ దక్కకపోయినప్పటికి కూటమి తరుఫున ప్రచారం చేశానని శ్రీ రాపాక చెప్పారు. నాకంటే పార్టీలో సీనియ‌ర్లు చాలా మంది ఉన్నారు. అందువ‌ల్ల వ‌చ్చే ఎన్నిక‌ల నాటికి అవ‌కాశం ఉంటుందేమోన‌నే ఆశాభావాన్ని కూడా శ్రీ‌రాపాక వ్య‌క్తం చేసారు.

ఇక రాజ‌కీయాల్లోకి వెళ్లాక త‌న వేష‌ధార‌ణ మారింద‌ని, అక్క‌డ అన్నీ క‌ప్పుకోవాల‌ని కూడా అన్నారు. అయితే అది సినిమాల్లో న‌డ‌వ‌ద‌ని మ‌రో ఐదేళ్లకు ఎన్నిక‌లు వ‌చ్చే వ‌ర‌కూ తాను సినీ ప‌రిశ్ర‌మ‌లో కొన‌సాగాల్సి ఉంద‌ని ఈ రంగానికి త‌గ్గ‌ట్టే వ‌స్త్ర‌ధార‌ణ అవ‌స‌ర‌మ‌ని, తాను అదే అనుస‌రిస్తాన‌ని అన్నారు. రాజ‌కీయాల్లోకి వెళ్లిన‌ప్పుడు అక్క‌డికి త‌గ్గ‌ట్టుగానే ఉండాల‌ని కూడా అన్నారు. వివాస్పద దర్శకుడు రామ్ గోపాల్ వర్మ తెరకెక్కించిన నేక్డ్ సినిమాతో శ్రీ రాపాక ఫుల్ పాపులారిటీని సంపాదించుకుంది. మ‌ర‌ణం - ల‌స్ట్ లాంటి చిత్రాల్లోను న‌టించింది. తెలుగులో పలు బోల్డ్ సినిమాల్లో నటించి మెప్పించింది. ఆర్టిస్టుగా బిజీ బిజీగా ఉంది.