శ్రియా రెడ్డి.. 40లో కూడా ఆ అందమేంటి మేడమ్..

సలార్ సినిమా ద్వారా టాలీవుడ్ లో శ్రియా రెడ్డి పేరు మార్మోగింది. ఈ సినిమా తనకు ఇచ్చిన గుర్తింపు ఆమె కెరీర్‌ను మరో స్థాయికి తీసుకెళ్లింది. సలార్ మూవీలో రాధా రామ మన్నార్ పాత్రలో శ్రియా ప్రేక్షకులను మంత్రముగ్దులను చేసింది. పృథ్వీరాజ్ సుకుమారన్ పోషించిన వరదరాజ మన్నార్ కు సోదరిగా నటించిన ఆమె ఇప్పుడు సౌత్ ఇండస్ట్రీలో పవర్ ఫుల్ పాత్రలకు కేరాఫ్ అడ్రస్ గా తీర్చిదిద్దింది.

టాలీవుడ్ లో వరుస చిత్రాలలో నటిస్తున్న శ్రియా, ఇప్పుడు పవన్ కల్యాణ్ నటించిన "ఓజీ"లో కూడా కనిపించనుంది. సుజిత్ దర్శకత్వం వహించిన ఈ సినిమాలో ఆమె పాత్ర చాలా పవర్ ఫుల్ గా ఉండేలా డిజైన్ చేశారని సమాచారం. ఈ పాత్రకు సరిపోయేలా శ్రియా హెవీ వర్కౌట్స్ చేస్తోంది. దీనికి సంబంధించిన ఫొటోలను ఇటీవలే అభిమానులతో పంచుకుంది.

అంతే కాకుండా అమ్మడు తన గ్లామర్ తో కూడా మరింత ఎట్రాక్ట్ చేస్తోంది. నేటితరం గ్లామరస్ బ్యూటీలకు ఏమాత్రం తక్కువ కాకుండా కనిపిస్తోంది. ఆమె వయసు 40 అంటే ఎవరు నమ్మని విధంగా మారుతోంది. రీసెంట్ గా స్టైలిష్ గ్లామరస్ డ్రెస్సులో మెరిసిన తీరు ఫ్యాన్స్ ని అమితంగా ఆకట్టుకుంటోంది.

2002లో స‌మురాయ్ సినిమాతో ఇండస్ట్రీలోకి అడుగుపెట్టిన శ్రియా, టాలీవుడ్ లో అప్పుడప్పుడు డిఫరెంట్ మూవీలతో ప్రేక్షకుల ముందుకు వచ్చేది. విశాల్‌తో చేసిన పొగరు సినిమాతో మంచి పేరు తెచ్చుకుంది. ఈ సినిమాలో ఆమె విలన్ పాత్రలో కనిపించి, సౌత్ లో సూపర్ క్రేజ్ సంపాదించింది. తర్వాత పెళ్లి చేసుకుని కొన్నేళ్ల పాటు సినిమాలకు దూరంగా ఉండి, ఇక రీసెంట్ గా సలార్ మూవీతో మళ్లీ రీఎంట్రీ ఇచ్చింది.

సలార్ రెండో పార్ట్ లో కూడా శ్రియా నటిస్తోంది. రాధా రామ మన్నార్ పాత్రకు మంచి పేరు రావడంతో, మరిన్ని అవకాశాలు ఆమెకు వస్తున్నాయి. మొన్నటివరకు అమెరికాలో ఉన్న శ్రియా, ఇప్పుడు వరుస సినిమాలతో బిజీగా మారిపోవడంతో ఇండియాకు మకాం మార్చింది. 2023లో అమెజాన్ ప్రైమ్ వీడియోలో విడుదలైన సుడల్ వెబ్ సిరీస్ లో కూడా శ్రియా నటించింది.