సూప‌ర్‌స్టార్ కొడుక్కి 'హిందూ-ముస్లిమ్' పేరు వెన‌క
రజత్ శర్మ 'ఆప్ కి అదాలత్‌'లో కనిపించిన సమయంలో షారూఖ్ ను ఒక అభిమాని తన చిన్న కుమారుడికి అబ్రామ్ అని ఎందుకు పేరు పెట్టారు? ఆ పేరుకు అర్థం ఏమిటి? అని అడిగాడు.
By: Tupaki Desk | 23 Sep 2024 5:29 PM GMT
బాలీవుడ్‌లో అత్యంత ప్రజాదరణ పొందిన నటుల్లో షారుఖ్ ఖాన్ ఒకరు. దశాబ్దాలుగా ఆయన హృదయాలను శాసిస్తున్నారు. ఆయ‌న‌కు ముగ్గురు పిల్లలు. సుహానాఖాన్, ఆర్య‌న్ ఖాన్, ఏబి రామ్. ఒక పాత ఇంటర్వ్యూలో సూప‌ర్ స్టార్ షారూఖ్ ఖాన్ తన చిన్న కొడుక్కి 'అబ్రామ్' పేరు పెట్ట‌డం వెనుక ఉన్న అస‌లు కారణాన్ని వెల్లడించాడు. అభిమానులతో చర్చ సందర్భంగా ఖాన్ తాను అలాంటి ప్రత్యేకమైన పేరును ఎందుకు ఎంచుకున్నాడో వెల్లడించాడు.
రజత్ శర్మ 'ఆప్ కి అదాలత్‌'లో కనిపించిన సమయంలో షారూఖ్ ను ఒక అభిమాని తన చిన్న కుమారుడికి అబ్రామ్ అని ఎందుకు పేరు పెట్టారు? ఆ పేరుకు అర్థం ఏమిటి? అని అడిగాడు. దానికి ఖాన్ ప్రతిస్పందించాడు. ''మొదట ఇస్లాంలో హజ్రత్ ఇబ్రహీంని బైబిల్‌లో 'అబ్రహం' అని పిలుస్తారు. జుడాయిజంలో అబ్రామ్. నా భార్య (గౌరీ ఖాన్) హిందువు. నేను ముస్లిం కాబట్టి మా పిల్లలు ఇంట్లో సెక్యులరిజం అనుభూతి చెందాలని మేము కోరుకుంటున్నాము. చాలా మందికి ఇది నచ్చలేదు.. అది వివాదాస్పదమైంది. కానీ మా ఇంట్లో మన దేశంలో ఉన్న లౌకికవాదం ఉందని నేను నమ్ముతున్నాను'' అని స‌మాధానం ఇచ్చారు. దీనిని బ‌ట్టి ఏబి-రామ్ లో హిందూ దేవుడు శ్రీ‌రాముడిని కూడా షారూఖ్ జోడించాడ‌ని అర్థం చేసుకోవ‌చ్చు. బైబిల్ ప్ర‌కారం అబ్రామ్... అయితే రామాయ‌ణం ప్ర‌కారం రామ్ కూడా ఆ చిన్నారి పేరులో ఉన్నాడు. ఇది భిన్న‌త్వంలో ఏక‌త్వాన్ని ప్ర‌తిబింబించే పేరు.
కెరీర్ మ్యాట‌ర్ కి వ‌స్తే.. SRK తదుపరి 'కింగ్'లో న‌టిస్తున్నాడు. ఇందులో ఆయన కుమార్తె సుహానా ఖాన్ కీల‌క పాత్ర‌లో న‌టిస్తుండ‌గా, అభిషేక్ బచ్చన్ మ‌రో ముఖ్య‌మైన పాత్ర‌ను పోషిస్తున్నారు. సుజోయ్ ఘోష్ ద‌ర్శ‌క‌త్వం వ‌హిస్తున్నారు. ఒక పెద్ద హాలీవుడ్ సినిమా చూసిన ప్రేక్షకులతో ఆ ఒక్క భారతీయ సినిమాను చూడాలనేది నా కల.. నేను నటుడిగా, లైట్ మ్యాన్‌గా, నిర్మాతగా, రచయితగా, ప్రెజెంటర్‌గా ప‌ని చేస్తున్న సినిమా ఇది అని ఖాన్ వెల్లడించారు.
