SSMB29: ఫ్యాన్స్ కోరిక అదొక్కటే..

టాలీవుడ్ లో స్టార్ హీరోలలో సూపర్ స్టార్ మహేష్ బాబు తనకంటూ ప్రత్యేకమైన ఇమేజ్ క్రియేట్ చేసుకున్నారు. అలాగే అత్యధిక బ్రాండ్ వాల్యూ ఉన్న నటుడిగా కూడా మహేష్ బాబు ఉన్నారు. కమర్షియల్ యాడ్స్ ద్వారా దేశవ్యాప్తంగా సూపర్ స్టార్ మహేష్ బాబు విశేషమైన గుర్తింపుని దక్కించుకున్నారు. ఇదిలా ఉంటే ప్రస్తుతం సూపర్ స్టార్ మహేష్ బాబు నెంబర్ వన్ డైరెక్టర్ రాజమౌళితో జతకట్టిన సంగతి తెలిసిందే.

వీరిద్దరి కలయికలో SSMB29 మూవీ పాన్ వరల్డ్ చిత్రంగా రానుంది. ఈ సినిమాకి సంబంధించిన ప్రీ ప్రొడక్షన్ వర్క్స్ ప్రస్తుతం జరుగుతున్నాయి. ఇప్పటికే స్క్రిప్ట్ కంప్లీట్ అయ్యిందని తెలుస్తోంది. సూపర్ స్టార్ మహేష్ బాబు కూడా ఈ చిత్రం కోసం స్పెషల్ గా మేకోవర్ అయ్యారు. ఇదివరకు ఎన్నడు కనిపించని లుక్ లో సూపర్ స్టార్ మహేష్ బాబు రాబోయే రాజమౌళి చిత్రంలో ప్రేక్షకులను కనువిందుచేయనున్నారని అర్ధమవుతోంది.

ఇదిలా ఉంటే ఈ సినిమా ఇండియన్ బాక్సాఫీస్ హిస్టరీలో అత్యంత భారీ బడ్జెట్ మూవీగా రాబోతోంది. ఏకంగా 1500 కోట్ల వరకు రాజమౌళి ఈ సినిమా కోసం ఖర్చు చేయనున్నారంట. పాన్ వరల్డ్ మూవీగా అత్యధిక భాషల్లో ఈ చిత్రాన్ని రిలీజ్ చేయడానికి ప్లానింగ్ జరుగుతోంది. ఈ మూవీలో హాలీవుడ్ యాక్టర్స్ కూడా కీలక పాత్రలో కనిపించబోతున్నట్లు తెలుస్తోంది. ప్రస్తుతం క్యాస్టింగ్ ఫైనల్ చేసే పనిలో జక్కన్న ఉన్నారంట. అలాగే సెట్ వర్క్ కు సంబంధించి స్టోరీ బోర్డ్, స్కెచెస్ వేస్తున్నట్లు తెలుస్తోంది.

సూపర్ స్టార్ అభిమానులు రాజమౌళి నుంచి ఈ మూవీ విషయంలో ఒకటి బలంగా కోరుకుంటున్నారు. SSMB29 సూపర్ స్టార్ మహేష్ బాబుని పాన్ వరల్డ్ హీరోగానే చూడాలని ఎక్స్పెక్ట్ చేస్తున్నారు. నెక్స్ట్ అతను నుంచి రాబోయే సినిమాలన్నీ కూడా పాన్ వరల్డ్ రేంజ్ లోనే భారీ బడ్జెట్ కథలతో ఉండాలని కోరుకుంటున్నారు. అలాగే హాలీవుడ్ మేకర్స్ సైతం సూపర్ స్టార్ మహేష్ బాబు హీరోగా మూవీస్ చేస్తే చూడాలని అనుకుంటున్నారు.

రాజమౌళి సినిమాతో ఇవన్నీ సాధ్యమవుతాయని ఫ్యాన్స్ చాలా నమ్మకంగా ఉన్నట్లు తెలుస్తోంది. ఇప్పటివరకు మహేష్ బాబు ఒక్క తెలుగు తప్ప ఇతర భాషలపై పెద్దగా దృష్టి పెట్టలేదు. రీమేక్ సినిమాలు కూడా చేయలేదు. స్ట్రైట్ కథలతోనే ప్రేక్షకుల ముందుకు వచ్చారు. కమర్షియల్ యాడ్స్ ద్వారా మాత్రం దేశవ్యాప్తంగా సూపర్ స్టార్ మహేష్ బాబు గుర్తింపుని సొంతం చేసుకున్నారు. ఈ ఇమేజ్ రాజమౌళితో చేయబోయే సినిమాకి ప్లస్ అవుతుందని భావిస్తున్నారు. ఆగష్టు 9న ఈ సినిమా నుంచి ఇంటరెస్టింగ్ అప్డేట్ రాబోతోందని తెలుస్తోంది. మరి ఫ్యాన్స్ కోరికని రాజమౌళి SSMB29 ఎంతవరకు నెరవేరుస్తారనేది వేచి చూడాలి.