బాలయ్య @50 సెలబ్రేషన్స్.. కుర్ర హీరోలదే అసలు

నందమూరి నటసింహం బాలకృష్ణ నటుడిగా 50 ఏళ్ళు పూర్తి చేసుకోబోతున్నాడు. 1974లో తాతమ్మ కల సినిమాతో బాలకృష్ణ నటుడిగా కెరియర్ స్టార్ట్ చేశాడు. అక్కడి నుంచి యువ నటుడిగా తరువాత కమర్షియల్ హీరోగా సుదీర్ఘ సినీ ప్రయాణంలో ఎన్నో మరుపురాని సినిమాలని ప్రేక్షకులని బాలకృష్ణ అందించాడు. కెరియర్ లో ఎన్నో విభిన్నమైన పాత్రలు చేసి మెప్పించాడు. అప్పటి నుంచి ఎప్పటి వరకు అంతే ఎనర్జీతో బాలయ్య వెండితెరపై సందడి చేస్తున్నారు.

ఇదిలా ఉంటే నటుడిగా బాలకృష్ణ 50 వసంతాల స్వర్ణోత్సవ వేడుకని సెప్టెంబర్ 1న హైదరాబాద్ నోవోటల్ గా గ్రాండ్ గా జరగబోతోంది. ఈ వేడుకని తెలుగు చిత్ర పరిశ్రమ అంతా కలిసి చేస్తోంది. గ్రాండ్ గా జరగబోయే ఈ వేడుకకి ఇప్పటికే చిన్న హీరోల నుంచి స్టార్ యాక్టర్స్ వరకు అందరికి ఆహ్వానాలు అందాయి. సీనియర్ స్టార్స్ అయిన చిరంజీవి, వెంకటేష్, నాగార్జున ఈ వేడుకకి అటెండ్ అవుతున్నారు. అలాగే పాన్ ఇండియా స్టార్స్ కూడా హాజరయ్యే ఛాన్స్ ఉంది.

ఇదే సమయంలో బాలకృష్ణని అమితంగా ఇష్టపడే కుర్ర హీరోలైన సిద్దు జొన్నలగడ్డ, విశ్వక్ సేన్, కార్తికేయ లాంటి వారు ఈ వేడుకలో సందడి చేయబోతున్నారు. ప్రత్యేకంగా డాన్స్ లు, స్కిట్ లతో వేడుకకి వచ్చేవారికి ఎంటర్టైన్మెంట్ అందించాలని అనుకుంటున్నారంట. దీనికోసం రిహార్సల్స్ కూడా స్టార్ట్ చేసారంట. బాలయ్యతో నటించిన చాలా మంది హీరోయిన్స్ ని కూడా ఈ వేడుకకి ఇన్వైట్ చేశారు. వారిలో సీనియర్ కథానాయకిలు వచ్చే అవకాశం ఉందంట.

ఏపీ డిప్యూటీ సీఎం పవన్ కళ్యాణ్ ని కూడా ఈ వేడుక కోసం ఇన్వైట్ చేశారు. ఆయన కూడా రావాలని అనుకున్నారు. అయితే సెప్టెంబర్ 2న పవన్ కళ్యాణ్ బర్త్ డే ఉన్న నేపథ్యంలో హాజరుకాకపోవచ్చని తెలుస్తోంది. ఏపీ ముఖ్యమంత్రి చంద్రబాబు నాయుడు, అలాగే తెలంగాణ ముఖ్యమంత్రి రేవంత్ రెడ్డి బాలకృష్ణ 50 వసంతాల స్వర్ణోత్సవ వేడుకకి వచ్చే అవకాశం ఉందని తెలుస్తోంది.

చిరంజీవి, బాలయ్య చాలా కాలం తర్వాత మరల దగ్గరయ్యారు. ఈ నేపథ్యంలో ఒకే వేదికపై ఒకప్పుడు పోటీ పడ్డ బాక్సాఫీస్ దగ్గర పోటీ పడ్డ స్టార్స్ కనిపిస్తే ఆ దృశ్యం కన్నుల పండుగగా ఉంటుందని ఫ్యాన్స్ అంటున్నారు. ఈ వేడుకని చాలా గ్రాండ్ గా నిర్వహించాలని చిత్ర పరిశ్రమ ప్రముఖులు ఏర్పాట్లు చేస్తున్నారు.