ప్రభాస్ తర్వాత అల్లు అర్జున్.. వాళ్లకి నిద్ర పట్టనివ్వట్లేదు..!

బాహుబలి ముందు వరకు తెలుగు సినిమా అంటే కేవలం మహా అంటే సౌత్ ఇండస్ట్రీ వరకే పరిమితం అనుకున్నారు. కానీ ఎప్పుడైతే బాహుబలి వచ్చిందో అప్పటి నుంచి సౌత్ మొత్తమే కాదు పాన్ ఇండియా లెవెల్ లో తెలుగు సినిమా స్టామినా ఏంటో ప్రూవ్ అయ్యింది. రాజమౌళి దర్శకత్వ ప్రతిభ ప్రభాస్ హీరోయిజం ఇవన్నీ బీ టౌన్ ఆడియన్స్ కు కూడా బాగా ఎక్కేశాయి. బాహుబలి చూపించిన మార్గంలోనే కన్నడ నుంచి కె.జి.ఎఫ్ కూడా పాన్ ఇండియా రేంజ్ లో రికార్డులు కొల్లగొట్టింది.

ఆ తర్వాత స్టార్ సినిమా అంటే పాన్ ఇండియా అనే లెక్కలు వేసుకున్నారు. ఐతే పుష్ప 1 తో మరో పాన్ ఇండియా సెన్సేషన్ సృష్టించింది. సుకుమార్ డైరెక్షన్ లో తెరకెక్కిన పుష్ప సినిమాలో అల్లు అర్జున్ మాస్ యాటిట్యూడ్ బాలీవుడ్ ఆడియన్స్ కి పిచ్చెక్కించేసింది. అందుకే ఆ సినిమా హిట్ చేయడమే కాదు ఆ సీక్వెల్ మీద కూడా భారీ అంచనాలు ఏర్పరచుకున్నారు. పుష్ప 2 మీద బాలీవుడ్ ఆడియన్స్ ఎంత ఆసక్తిగా ఉన్నారన్నది రీసెంట్ గా పాట్నాలో జరిగిన పుష్ప 2 ట్రైలర్ ఈవెంట్ చూస్తే అర్థమౌతుంది.

అంతేకాదు బాహుబలి నుంచి ప్రభాస్ రేంజ్ నేషనల్ లెవెల్ లో అదరగొడుతుండగా నెక్స్ట్ అదే స్థాయిలో అదరగొట్టాలని చూస్తున్నారు మన స్టార్స్. ఈ క్రమంలో అల్లు అర్జున్ నెక్స్ట్ లైన్ లో ఉన్నాడని చెప్పొచ్చు. పుష్ప 1 తోనే పాన్ ఇండియా మొత్తం షేక్ చేసిన అల్లు అర్జున్ పుష్ప 2 తో మరిన్ని సంచలనానికి సిద్ధమయ్యాడు. ఇప్పటికే ప్రభాస్ సినిమాలతోనే బాలీవుడ్ హీరోలకు నిద్ర లేకుండా చేస్తున్న ప్రభాస్ ను చూసే వాళ్లు షేక్ అవుతుంటే ఇప్పుడు అల్లు అర్జున్ ఫాలోయింగ్ చూసి వాళ్లకు నిద్ర పట్టట్లేదు.

ఓ పక్క బాలీవుడ్ సినిమాలకు ఆడియన్స్ నుంచి వస్తున్న నెగిటివిటీకి తోడుగా సౌత్ స్టార్స్ ముఖ్యంగా తెలుగు స్టార్స్ మీద బీ టౌన్ ఆడియన్స్ చూపిస్తున్న ఆసక్తితో అక్కడ బడా స్టార్స్ కి సైతం గుండెల్లో రైళ్లు పరుగెడుతున్నాయి. పుష్ప 2 మాస్ విధ్వంసం చూస్తుంటే ఇదే ఇంపాక్ట్ సినిమా వసూళ్ల మీద స్పష్టంగా కనిపించేలా ఉంది. సో ప్రభాస్, అల్లు అర్జున్ ఇద్దరు కూడా బాలీవుడ్ హీరోలకు చెక్ పెట్టే ప్రయత్నం చేస్తున్నారని చెప్పొచ్చు. మరి పుష్ప 2 బజ్ ఐతే అదిరిపోతుండగా సినిమా హిట్ టాక్ వస్తే మాత్రం మరో పాన్ ఇండియా హిట్ బొమ్మగా పుష్ప 2 సరికొత్త రికార్డులను సృష్టించే ఛాన్స్ ఉంది.