RC16: హై వోల్టేజ్ స్టార్ క్యాస్ట్

గ్లోబల్ స్టార్ రామ్ చరణ్ ‘గేమ్ చేంజర్’ మూవీతో సంక్రాంతికి ప్రేక్షకుల ముందుకి రాబోతున్నారు. శంకర్ లాంటి సౌత్ ఇండియన్ స్టార్ డైరెక్టర్ తో రామ్ చరణ్ మూవీ అనేసరికి ఆరంభంలో దీనిపై మంచి క్రేజ్ ఉండేది. అయితే గత కొన్నేళ్లుగా శంకర్ వరుస ఫెయిల్యూర్స్ మెగా ఫ్యాన్స్ ని కలవరపెడుతున్నాయి. నిర్మాత దిల్ రాజు మాత్రం ఈ సినిమాపై చాలా నమ్మకంతో ఉన్నారు. కచ్చితంగా ఈ సినిమాతో తనకి పాన్ ఇండియా సక్సెస్ వస్తుందని అనుకుంటున్నారు.

మూవీ బిజినెస్ డీల్స్ కూడా ఆల్ మోస్ట్ క్లోజ్ చేసేస్తున్నారు. శంకర్ ఈ సినిమాతో మరల స్ట్రాంగ్ గా బౌన్స్ బ్యాక్ అవ్వాలని ప్రయత్నం చేస్తున్నారు. ‘ఆర్ఆర్ఆర్’ లాంటి బ్లాక్ బస్టర్ తర్వాత రామ్ చరణ్ నుంచి రాబోతున్న పాన్ ఇండియా మూవీ ఇదే కావడంతో ఫ్యాన్స్ కొంత నమ్మకం పెట్టుకున్నారు. అయితే దీనికంటే రామ్ చరణ్ ప్రస్తుతం బుచ్చిబాబు సానా దర్శకత్వంలో చేస్తోన్న ‘RC 16’ సినిమాపైన చాలా కాన్ఫిడెంట్ గా ఉన్నారు.

పీరియాడికల్ జోనర్ లో స్పోర్ట్స్ యాక్షన్ డ్రామాగా తెరకెక్కుతోన్న ఈ సినిమా కాన్సెప్ట్ కాస్తా హైప్ క్రియేట్ చేస్తోంది. ఇప్పటికే మైసూర్ లో ఈ మూవీ రెగ్యులర్ షూటింగ్ మొదలైంది. కచ్చితంగా సినిమా అందరి అంచనాలని మించి ఉంటుందని మెగా ఫ్యాన్స్ భావిస్తున్నారు. ఇదిలా ఉంటే నటీనటుల ఎంపికతో కూడా బుచ్చిబాబు ‘RC 16 పైన పబ్లిక్ అటెన్షన్ పెరిగేలా చేస్తున్నారు.

ఈ సినిమాలో రామ్ చరణ్ కి జోడీగా జాన్వీ కపూర్ నటిస్తోంది. దేవర మూవీతో ఆమె ఇప్పటికే టాలీవుడ్ అరంగేట్రం చేసింది. ఆ మూవీతో సక్సెస్ ని కూడా అందుకుంది. ఇప్పుడు గ్లోబల్ స్టార్ రామ్ చరణ్ తో జాన్వీ జత కట్టడంతో ఈ కాంబినేషన్ పై కొంత హైప్ క్రియేట్ అయ్యింది. ఇక విలక్షణ నటుడు జగపతి బాబు ఈ సినిమాలో కీలక పాత్రలో నటిస్తున్నారు. అలాగే శాండిల్ వుడ్ సూపర్ స్టార్ శివరాజ్ కుమార్ మంచి ప్రాధాన్యత ఉన్న పాత్రలో కనిపించబోతున్నారు.

శాండిల్ వుడ్ లో మంచి మాస్ ఇమేజ్ ఉన్న స్టార్ ‘RC 16’ లో భాగం కావడంతో ఓ విధంగా ఇది మల్టీ స్టారర్ మూవీ ఇమేజ్ తెచ్చుకుంది. అలాగే ‘మీర్జాపూర్’ వెబ్ సిరీస్ తో దేశ వ్యాప్తంగా మంచి ఇమేజ్ సొంతం చేసుకున్న నటుడు దేవేందు శర్మని ఈ సినిమాలో కీలక పాత్ర కోసం బుచ్చిబాబు ఎంపిక చేశారు. ఇలా స్టార్ క్యాస్టింగ్ ని ఈ సినిమా కోసం దర్శకుడు రంగంలోకి దించుతూ ఉండటంతో మూవీ పైన హైప్ పెరుగుతోంది.

మున్ముందు మరికొంత మంది స్టార్స్ కూడా ఈ సినిమాలో భాగస్వామ్యం అయ్యే అవకాశాలు ఉన్నాయనే మాట వినిపిస్తోంది. దీంతో పాటు ఏఆర్ రెహమాన్ లాంటి ఇండియన్ నెంబర్ వన్ మ్యూజిక్ డైరెక్టర్ ‘RC 16’ కి వర్క్ చేస్తున్నాడు. చాలా ఏళ్ళ తర్వాత రెహమాన్ తెలుగులో చేస్తోన్న సినిమా ఇదే కావడంతో ఎక్స్ పెక్టేషన్స్ నెక్స్ట్ లెవల్ కి వెళ్లిపోయాయి. ఇలా క్యాస్టింగ్ తో పాటు క్రూ కోసం కూడా బుచ్చిబాబు స్టార్స్ ని రంగంలోకి దించడం ఆసక్తికరంగా మారింది.