పెళ్లి చేసుకుని..పిల్ల‌ల్ని కంటేనే అవ‌కాశాలా?
ఇప్పుడు పెళ్లిచేసుకుని, పిల్ల‌ల్ని కంటేనే అవ‌కాశాలు వ‌స్తాయా? అన్నంత‌గా బాలీవుడ్ టూ టాలీవుడ్ లో వ‌చ్చిన మార్పును గ‌మ‌నించ‌వ‌చ్చు.
By: Tupaki Desk | 30 May 2024 6:45 AM GMT
ఒక‌ప్పుడు సినీ మార్కెట్ లో పెళ్లికాని భామ‌ల‌కుండే డిమాండ్ గురించి చెప్పాల్సిన ప‌నిలేదు. హీరోయిన్ అవ్వాలంటే క‌చ్చితంగా పెళ్లి కాకూడ‌దు..పిల్ల‌ల్ని క‌న‌కూడ‌దు అనే రూల్ లేక‌పోయినా అదే రూల్ పాటించి హీరోయిన్లు అయ్యేవారు. పెళ్లి చేసుకుంటే హీరోయిన్ అవ‌కాశాలు రావ‌నే బెంగ భ‌యంతో! సినిమాల‌పై మోజు ఉన్నంత కాలం వివాహానికి దూరంగా ఉండేవారు. 35 ఏళ్లు వ‌చ్చిన త‌ర్వాత రిటైర్మెంట్ ఇచ్చి పెళ్లి చేసుకుని సినిమాల‌కు దూర‌మ‌య్యేవారు.
కానీ ఇప్పుడు సన్నివేశం అందుకు రివ‌ర్స్ లో క‌నిపిస్తుంది. ఇప్పుడు పెళ్లిచేసుకుని, పిల్ల‌ల్ని కంటేనే అవ‌కాశాలు వ‌స్తాయా? అన్నంత‌గా బాలీవుడ్ టూ టాలీవుడ్ లో వ‌చ్చిన మార్పును గ‌మ‌నించ‌వ‌చ్చు. ప్ర‌స్తుత సినారేలో పెళ్లి కాని భామ‌ల‌కంటే పెళ్లైన భామ‌ల‌కే ఎక్కువ‌గా డిమాండ్ ఉంది. ఇంకా చెప్పాలంటే పెళ్లైన భామ‌ల నుంచి పెళ్లికాని భామ‌లు పోటీని త‌ట్టుకోలేక‌పోతున్న‌ట్లే సన్నివేశం క‌నిపిస్తుంది. ఈ ఐదారేళ్ల‌లో ఎంతో మంది కొత్త భామ‌లు దిగుమ‌తి అయ్యారు. కానీ పెళ్లైన భామ‌ల ఫాలోయింగ్ ని మాత్రం ఇంత‌వ‌ర‌కూ అందుకుని ఓ రేంజ్ కి వెళ్లిన పెళ్లికాని హీరోయిన్ పేరు ఒక్క‌టి కూడా క‌నిపించ‌దు.
సీనియ‌ర్ భామ‌ల్లో క‌రీనా క‌పూర్ ఇద్ద‌రు పిల్ల‌ల త‌ల్తైనా బాలీవుడ్ ని దున్నేస్తుంది. రాణీ ముఖ‌ర్జీ లేడీ ఓరియేంటెడ్ చిత్రాల‌తో దూసుకుపోతుంది. అలియాభ‌ట్ పెళ్లైన ఏడాదే త‌ల్లి అయింది. అయినా అవ‌కాశాలు ఇంటి ముందు క్యూ క‌డుతున్నాయి. కాజ‌ల్ అగ‌ర్వాల్ కూడా త‌ల్లి అయింది. సీనియ‌ర్ హీరోలంతా ఆమె డేట్ల కోసం ఎదురు చూడాల్సిన సన్నివేశం క‌నిపిస్తుంది. క‌త్రినా కైఫ్..దీపికా ప‌దుకొణే త్వ‌ర‌లో త‌ల్లి కాబోతున్నారు.
స‌మంత, న‌య‌న‌తార, కియారా అద్వాణీ, ప‌రిణితి చోప్రా కూడా వివాహితులే. వీళ్లంతా న‌టీమ‌ణులుగా ఎంతో బిజీగా ఉన్నారు. కొత్త అవ‌కాశాల‌న్నీ వీళ్ల కొంగిట్లోనే ముడి వేసుకున్న‌ట్లు వీళ్ల చుట్టూనే క‌నిపిస్తున్నాయి. ఇలా పెళ్లైన వారు..పిల్ల‌ల్ని క‌న్న వారికే ఎక్కువ‌గా అవ‌కాశాలు వ‌స్తున్నాయి. వీళ్ల పోటీని పెళ్లికాని భామ‌లు త‌ట్టుకోవ‌డం క‌ష్టంగానే క‌నిపిస్తుంది. పెళ్లైన భామ‌ల దూకుడు చూసి పెళ్లి చేసుకుని సినిమాల్లోకి రావ‌డం బెట‌రా? అన్న ఆలోచ‌న సైతం న‌వ‌త‌రం భామ‌ల్లో మెదులుతుంది.
