స్టార్ హీరోయిన్ల‌తో రొమాన్స్..కొట్టారు వీళ్లంతా ఛాన్స్!

స్టార్ హీరోయిన్ల‌తో చిన్న స్థాయి న‌టుల‌కు అవ‌కాశం రావ‌డం అంటే ల‌క్ ఉండాలి. హీరోయిన్ల‌తో రొమాంటిక్ సీన్ల‌లో క‌నిపించిక‌పోయినా? వాళ్ల ప‌క్క‌నే ఓ సినిమా చేస్తే అదో బ్రాండ్ గా హైలైట్ అవుతుంటుంది. ఆ మ‌ధ్య యంగ్ హీరో న‌వీన్ పొలిశెట్టి ఇలాగే ఫీల‌య్యాడు. మిస్ శెట్టి మిస్ట‌ర్ పొలిశెట్టిలో అనుష్క స‌ర‌స‌న న‌టించే ఛాన్స్ అందుకున్న సంగ‌తి తెలిసిందే. ఆమె తో క‌లిసి న‌టిస్తాన‌ని క‌ల‌లో కూడా అనుకోలేదని..అరుదైన అవ‌కాశం వ‌చ్చింద‌ని న‌వీన్ ఎంతో సంతోషాన్ని వ్య‌క్తం చేసాడు.

ఉమెన్ సెంట్రిక్ చిత్రాల్లోనే అలాంటి ఛాన్స్ న‌వ‌త‌రం హీరోల‌కు ద‌క్కుతుం టుంది. తాజాగా కీర్తి సురేష్‌...కాజ‌ల్ అగ‌ర్వాల్..ర‌ష్మిక మంద‌న్న లాంటి స్టార్ హీరోయిన్ల‌తోనూ మ‌రికొంత మంది న‌వ‌త‌రం న‌టులు క‌లిసి ప‌ని చేస్తున్నారు. సుహాస్ - కీర్తి సురేశ్ కాంబినేషన్‍లో ‘ఉప్పు కప్పురంబు’ అనే సినిమా తెర‌కెక్కుతుంది. ఇది నేరుగా ఓటీటీలోనే రిలీజ్ అవుతుంది. సుహాస్ ఇప్ప‌డిప్పుడే ఫేమ‌స్ అవుతున్నాడు. క్యారెక్ట‌ర్ ఆర్టిస్ట్ గా మొద‌లై ఈ మ‌ద్య‌నే హీరో అయ్యాడు. దీంతో వెంట‌నే కీర్తి కిజోడీగా న‌టించే ఛాన్స్ అందుకున్నాడు.

కీర్తి తో న‌టిస్తాడ‌ని సుహాస్ ఎప్పుడు అనుకుని కూడా ఉండ‌డు. మ‌రి కీర్తి లో వ‌చ్చిన మార్పు కార‌ణంగా ఇద్ద‌రి మ‌ధ్య రొమాంటిక్ సన్నివేశాలు ఏవైనా ఉన్నాయా? అన్న‌ది స‌స్పెన్స్. అలాగే చంద‌మామ కాజ‌ల్ అగ‌ర్వాల్ ప్ర‌ధాన పాత్ర‌లో తెర‌కెక్కుతోన్న `సత్య‌భామ` సినిమాలో న‌వీన్ చంద్ర న‌టిస్తున్నాడు. ఇందులో కాజ‌ల్ కి జోడీగానే అత‌ని పాత్ర ఉంటుంది. మ‌రి ఇద్దరి మ‌ధ్య ఆన్ స్క్రీన్ పై ఎలాంటి స‌న్నివేశాలుంటాయో చూడాలి.

మ‌రోవైపు నేష‌న‌ల్ క్ర‌ష్ గా ఫేమ‌స్ అయిన ర‌ష్మిక మంద‌న్న కూడా అలాగే క‌మిట్ అవ‌తుంది. ప్ర‌స్తుతం అమ్మ‌డు ప్ర‌ధాన పాత్ర‌లో `గ‌ర్ల్ ప్రెండ్`..`రెయిన్ బో` చిత్రాలు తెర‌కెక్కుతున్నాయి. `గ‌ర్ల్ ప్రెండ్` లో దీక్షిత్ శెట్టి న‌టిస్తుండ‌గా..`రెయిన్ బో` లో దేవ్ మోహ‌న్ తో న‌టిస్తోంది. ఇలా స్టార్ హీరోయిన్లు అంతా ఉమెన్ సెంట్రిక్ చిత్రాల్లో హీరోల‌తో ప‌నిలేకుండా క‌మిట్ అవుతున్నారు.