సోలోగా బాక్సాఫీస్ ని షేక్ చేసే స‌త్తా మాలోనూ!

ఒక‌ప్పుడు బాలీవుడ్ లో లేడీ ఓ రియేంటెడ్ చిత్రాలంటే చాలా త‌క్కువ‌గానే కనిపించేవి. కానీ ఇప్పుడు ట్రెండ్ మారింది. అక్క‌డా లేడీ ఓరియేంటెడ్ చిత్రాల జోరు పుంజుకుంటుంది. స్టార్ హీరోయిన్లు అంతా సోలో గానూ బాక్సాఫీస్ వ‌ద్ద స‌త్తా చాటుతున్నారు. దీపికా ప‌దుకొణే, క‌రీనా క‌పూర్, రాణీ ముఖ‌ర్జీ, విద్యాబాల‌న్, టబు లాంటి సీనియ‌ర్ భామ‌లు మార్కెట్ లో హీరోల‌కు త‌క్కువేం కాద‌ని నిరూపిస్తున్నారు. ఈ మ‌ధ్య నే యువ నాయిక అలియాభ‌ట్ కూడా వాళ్ల సర‌స‌న స్థానం సంపాందించిన సంగ‌తి తెలిసిందే.

`గంగుబాయి క‌తివాడి`తో దేశాన్నే ఊపేసింది. అంత‌కు ముందు రాజీతోనూ సంచ‌ల‌నం సృష్టించింది. తాజాగా `ఆల్పా` అనే స్పై చిత్రంలోనూ న‌టిస్తోంది. ఆమెతో పాటు శార్వ‌రీ వాఘ్ కూడా న‌టిస్తోంది. ఇద్ద‌ర్నీ మెయిన్ లీడ్స్ లో పెట్టి య‌శ్ రాజ్ ఫిలింస్ ఈ ప్ర‌యోగం చేస్తోంది. ఇప్ప‌టికే ఇద్దరు మార్ష‌ల్ ఆర్స్ట్ లో ట్రైనింగ్ కూడా పూర్తి చేసారు. శివ రావెల్ ఈ సినిమాకి ద‌ర్శ‌క‌త్వం వ‌హిస్తున్నారు. అన్ని ప‌నులు పూర్తి చేసుకుని ఇదే ఏడాది రిలీజ్ చేయ‌నున్నారు.

ఇక మిస్ట‌రీ థ్రిల్ల‌ర్ `దో ప‌త్తీ` లో కాజోల్, కృతిస‌న‌న్ క‌లిసి న‌టిస్తోన్న సంగ‌తి తెలిసిందే. ఈసినిమాని కృతి స‌న‌న్ నిర్మిస్తోంది. ఇప్ప‌టికే షూటింగ్ కూడా పూర్త‌యింది. ఇదొక సైకో థ్రిల్ల‌ర్.శ‌శాంక్ చ‌తుర్వేది తెర‌కెక్కిస్తున్నారు. ఇప్ప‌టికే రిలీజ్ అయిన ప్ర‌చార చిత్రాల‌కు మంచి రెస్పాన్స్ వ‌చ్చింది. త్వ‌ర‌లోనే సినిమా నెట్ ప్లిక్స్ లో రిలీజ్ కానుంది. అలాగే ప్రియాంక చోప్రా, క‌త్రినా కైఫ్, అలియ భ‌ట్ ప్ర‌ధాన పాత్ర‌ల్లో `జీలే జ‌ర` ప‌ర్హాన్ అక్త‌ర్ ద‌ర్శ‌క‌త్వంలో తెర‌కెక్కుతోంది.

ఈ సినిమా ఇప్ప‌టికే ఆల‌స్య‌మ‌వుతోన్న నేపథ్యంలో డిలే చేయ‌కుండా చూడాల‌ని ప‌ర్హాన్ ముందుకు క‌దులు తున్నాడు. అలాగే క‌ళాత్మ‌క చిత్రాల ద‌ర్శ‌కుడు సంజ‌య్ లీలా భ‌న్సాలీ `హీరామండి` సీజ‌న్ -2కి రంగం సిద్దం చేస్తున్నారు. మొద‌టి సీజ‌న్ మంచి విజ‌యం సాధించ‌డంతో అదే నటుల్ని కొన‌సాగిస్తూ..కొత్త న‌టీనుటుల్నీ యాడ్ చేసుకుని సీజ‌న్-2 ప్లాన్ చేస్తున్నాడు. ఇక కీర్తి సురేష్ `అక్క` అనే వెబ్ సిరీస్ తో బాలీవుడ్ లో లాంచ్ అవుతోన్న సంగ‌తి తెలిసిందే. ఈ స‌స్పెన్స్ థ్రిల్ల‌ర్ ని ఆదిత్య చోప్రా నిర్మిస్తున్నారు.