ఓటీటీ : స్టార్‌ హీరోల సినిమాలకే దిక్కు లేదు

స్టార్‌ హీరోల సినిమాలకు కాస్త పాజిటివ్ టాక్‌ వస్తే చాలు భారీగా శాటిలైట్ మరియు ఓటీటీ బిజినెస్ జరుగుతుంది. ఈ మధ్య చిన్న సినిమాలకు కూడా హిట్ టాక్‌ వస్తే భారీ మొత్తంలో ఓటీటీ రైట్స్ రూపంలో నిర్మాతలకు దక్కుతున్న విషయం తెల్సిందే. కానీ కొన్ని స్టార్‌ హీరోల సినిమాలకు దిక్కులేకుండా పోతుంది.

ఇటీవల ఒక స్టార్‌ హీరో సినిమాను పాన్ ఇండియా మూవీ అంటూ విడుదల చేశారు. ఆ సినిమా బాక్సాఫీస్ వద్ద బొక్క బోర్లా పడింది. విడుదలకు ముందే ప్రముఖ ఓటీటీ స్టార్‌ హీరోకు ఉన్న క్రేజ్ నేపథ్యంలో భారీ మొత్తానికి కొనుగోలు చేసేందుకు అడ్వాన్స్ ను కూడా చెల్లించింది.

విడుదల తర్వాత సినిమాకు తీవ్రంగా నిరాశ ఎదురవ్వడంతో ఓటీటీ వారు ఇప్పుడు సినిమాను తీసుకునేందుకు ముందుకు రావడం లేదు. పైగా చాలా తక్కువ మొత్తంలో కోట్‌ చేస్తున్నారని కూడా వార్తలు వస్తున్నాయి. ఎంత పెద్ద హీరో అయినా కూడా ప్రేక్షకులకు నచ్చని సినిమాకు ఎలా అదనంగా ఖర్చు పెట్టగలం అన్నట్లుగా సదరు ఓటీటీ ప్రతినిధులు నిర్మాతలతో అన్నట్లు సమాచారం.

ఈ మధ్య కాలంలో ఇలాంటి సంఘటనలు చాలానే జరిగాయి. ఈ విషయం ప్రస్తుతం నిర్మాతల మండలి వద్దకు వెళ్లింది. అక్కడ నిర్మాతకు మరియు ఓటీటీ ప్రతినిధులకు మధ్య ఒప్పందం జరగలేదు. దాంతో ఈ వివాదం కోర్టుకు వెళ్లే అవకాశాలు కనిపిస్తున్నాయి.

సౌత్‌ లోనే కాకుండా కొన్ని హిందీ సినిమాలకు కూడా ఈ మధ్య కాలంలో ఇలాంటి సంఘటనలు ఎదురయ్యాయి. నిర్మాతలు మొదట కమిట్ అయిన మొత్తంను ఇవ్వాల్సిందే అంటూ పట్టుబట్టడం, ఫ్లాప్‌ మూవీని తీసుకుని ఏం చేస్తామని ఓటీటీ వారు పేచి పెట్టడంతో చాలా సినిమాలు అసలు స్ట్రీమింగ్‌ కాకుండానే ఉన్నాయి.