హార్ట్ బ్రేక్‌పై స్టార్ హీరో భార్య పుస్త‌కం

భ‌ర్త స్టార్ హీరోగా ఒక్కో సినిమాకి 50కోట్లు పైగా అందుకుంటున్నాడు. వంద‌ల కోట్ల ఆస్తుల‌ను కూడ‌బెట్టాడు. అయినా అత‌డి భార్య త‌న ఉనికిని చాటుకోవడానికి తీవ్రంగా శ్ర‌మిస్తోంది. ఇప్ప‌టికే మూడు పుస్త‌కాలు రాసారు. వాటితో బోలెడంత పాపులారిటీ డ‌బ్బు వ‌చ్చాయి. ఇప్పుడు నాలుగో పుస్త‌కం రాసారు. మార్కెట్లోకి రిలీజ్ చేసేందుకు సిద్ధ‌మ‌య్యారు. ఇంత‌కీ ఎవ‌రా న‌టి, ఎవ‌రా స్టార్ హీరో? అంటే వివ‌రాల్లోకి వెళ్లాలి.

ఇదంతా ప్ర‌ముఖ స్టార్ వైఫ్ ట్వింకిల్ ఖ‌న్నా గురించే. ట్వింకిల్ హిందీ చిత్ర‌సీమ‌లో పెద్ద స్టార్. తెలుగులోను న‌టించింది. ఈ భామ హీరోయిన్ గా కెరీర్ ని ముగించే క్ర‌మంలో స్టార్ హీరో అక్ష‌య్ కుమార్ ని పెళ్లాడిన సంగ‌తి తెలిసిందే. కుమార్ ని పెళ్లాడినా కానీ తన ప్ర‌వృత్తిని ఆసక్తుల‌ను ట్వింకిల్ ఎప్పుడూ వ‌దులుకోలేదు. త‌న బ‌ల‌మైన వ్య‌క్తిత్వాన్ని ఆవిష్క‌రిస్తూనే ఉంది. ఇప్పుడు త‌న ర‌చ‌నా కెరీర్ లో నాలుగో పుస్త‌కాన్ని రిలీజ్ చేసేందుకు రెడీ అవుతోంది. రచయితగా మారిన ట్వింకిల్ ఖన్నా తన నాల్గవ పుస్తకం వెల్‌కమ్ టు ప్యారడైజ్‌ని లాంచ్ చేసేందుకు సిద్ధంగా ఉన్నాన‌ని ప్రకటించారు. ఈ పుస్త‌కంలో మాన‌వ‌సంబంధాలు, మోసం, జంట‌ల మ‌ధ్య బ్రేక‌ప్ అనే అంశాల్ని ట్వింకిల్ ట‌చ్ చేసారు. గురువారం నాడు ఇన్‌స్టాగ్రామ్‌లో ట్వింకిల్ తన కొత్త పుస్తకాన్ని పట్టుకుని ఉన్న ఓ ఫోటోని షేర్ చేసింది. ర‌చ‌యిత‌గా తన నాల్గవ పుస్తకం నుండి స్నిప్పెట్‌లను కూడా షేర్ చేసింది. ఈ పుస్త‌కం నవంబర్‌లో విడుదల అవుతుందని వెల్ల‌డించింది.

ఈ పోస్ట్ తో పాటు ఒక క్యాప్ష‌న్ ని షేర్ చేసింది ట్వింకిల్. దాని సారాంశం ఇలా ఉంది. ``స్వర్గానికి స్వాగతం, నా 4వ పుస్తకం హృదయ విదారక సంబంధాలు.. మోసం తాలూకా లోతులను అన్వేషించే కథల సమాహారం. ఈ పాత్రలలో కొన్ని గత ఐదేళ్లుగా నా బుర్ర‌లోనే నివసించాయి. ఇప్పుడు అవి మీ అందరినీ కలవడానికి సిద్ధంగా ఉన్నాయి (స్మైల్ ఎమోజి). ముందస్తు బుకింగ్ లు రేపు ఓపెన‌వుతున్నాయి`` అని తెలిపారు. ఈ పోస్ట్‌పై నటి హుమా ఖురేషి స్పందిస్తూ, ``ఈ పుస్త‌కం చదవడానికి వేచి ఉండలేను (రెడ్ హార్ట్ ఎమోజి). అని అన్నారు. ట్వింకిల్ కొత్త పుస్తకం కోసం అభిమానులు ఉత్సాహంగా వేచి చూస్తున్నారు. ఒక అభిమాని ఇలా వ్యాఖ్యానించాడు, `` ఈ పుస్త‌కం చదవడానికి నేను వేచి ఉండలేను. నా లైబ్రరీలో కూర్చున్న @twinklerkhanna ఇతర రెండు పుస్తకాలు కొత్త భాగస్వామి కోసం వేచి ఉన్నాయి`` అని వ్యాఖ్యానించ‌గా, మరొక వ్యక్తి ఇలా అన్నాడు, ``నేను దీన్ని చదవడానికి వేచి ఉండలేను... డిక్షన్‌ని ఎల్లప్పుడూ ప్రేమించండి. లోతైన అనుభూతిని క‌లిగిస్తూ డెప్త్ ఉన్న‌ సందేశాన్ని ఇష్టపడండి!`` అని వ్యాఖ్యానించారు.

ట్వింకిల్ ఇటీవలే మాస్టర్స్ డిగ్రీ పూర్తి చేసారు. లండన్ నుండి ఫిక్షన్ రైటింగ్‌లో మాస్టర్స్ డిగ్రీని పూర్తి చేసిన ఒక నెల తర్వాత త‌న నుంచి ఈ ప్రకటన వచ్చింది. ట్వింకిల్ ఖ‌న్నా గతేడాది లండన్ యూనివర్సిటీలోని ప్రతిష్టాత్మక గోల్డ్‌స్మిత్స్‌లో మాస్టర్స్ కోర్సు చేసింది. ట్వింకిల్ సెప్టెంబర్‌లో ఇన్‌స్టాగ్రామ్‌లో ఒక వీడియోను షేర్ చేసింది. ఆమె నోట్‌లోని ఒక భాగం ఇలా ఉంది. ``విద్యార్థుల కోసం వారి తల్లిదండ్రులు లాజిస్టిక్‌లను నిర్వహిస్తారు. నా దశలో ఉన్న వ్యక్తుల కోసం మేమే దీనికి నిర్వాహకులం. నేను ఐదు విశ్వవిద్యాలయాలకు దరఖాస్తు చేసాను. ఒక వ‌ర్శిటీ తిరస్కరించింది. కానీ నా మొదటి ఎంపిక నాకు ద‌క్కింది. నేను కఠినమైన బిట్ ప్ర‌శ్న‌ల‌కు జ‌వాబులు రాసాను`` అని తెలిపారు. నా పుస్తకంపై పని చేయడం, నివసించడానికి స్థలాన్ని కనుగొనడం, డాక్టర్లు, ప్లంబర్లు, డెలివరీ యాప్‌లు కొత్త నగరంలో స్నేహితులను సంపాదించడం.. ఇవ‌న్నీ నా స్ట‌డీస్ స‌మ‌యంలో నేను చేసిన‌వి అని ట్వింకిల్ తెలిపారు.