త్వ‌ర‌లో స్ట్రేంజ‌ర్ థింగ్స్ నుంచి కొత్త సీజ‌న్

ఓటీటీ వ‌ర‌ల్డ్ లో సూప‌ర్ హిట్ అయిన వెబ్ సిరీసుల్లో స్ట్రేంజ‌ర్ థింగ్స్ కూడా ఒక‌టి. ఫీల్ గుడ్ వెబ్ సిరీస్ గా పేరొందిన ఈ సిరీస్ లో విచిత్ర ప‌వ‌ర్స్ తో ఉన్న మ‌నుషులు చేసే విన్యాసాలు ఆడియ‌న్స్ ను ఆక‌ట్టుకుంటాయి. అందుకే ఈ సిరీస్ కు సంబంధించి ఎన్ని సిరీస్‌లు వ‌చ్చినా అన్నీ హిట్ అవుతూ వ‌స్తున్నాయి.

స్ట్రేంజ‌ర్ థింగ్స్ నుంచి ఇప్ప‌టికే నాలుగు సీజ‌న్లు రిలీజ్ రాగా, ఆ సిరీస్‌ల‌న్నింటికీ వ‌ర‌ల్డ్ వైడ్ గా మంచి క్రేజ్ వ‌చ్చింది. ప్ర‌స్తుతం ఐదో సిరీస్ షూటింగ్ పూర్తి చేసుకుందని, మొత్తం 650 గంట‌ల ఫుటేజ్ ను షూట్ చేసిన‌ట్టు డైరెక్ట‌ర్లైన డ‌ఫెర్ బ్ర‌ద‌ర్స్ తెలిపారు. స్ట్రేంజ‌ర్ థింగ్స్ కు ఫైన‌ల్ పార్ట్ గా వ‌స్తున్న ఈ ఎపిసోడ్స్ లో యాక్ష‌న్, ఎమోష‌న‌ల్ అంశాలు ఎక్కువ‌గా ఉంటాయ‌ని వారు తెలిపారు.

సైన్స్ ఫిక్ష‌న్ సిరీస్ స్ట్రేంజ‌ర్ థింగ్స్ 5వ సీజ‌న్ లో హాకిన్స్ ర‌హస్యాలు మ‌రింత క్లిష్టంగా మార‌డంతో అందులోని క్యారెక్ట‌ర్ల‌ ఫ్యూచ‌ర్ మ‌రింత విచిత్రంగా మార‌నుంద‌ని ఈ సంద‌ర్భంగా మేక‌ర్స్ చెప్పారు. 5వ సీజ‌న్ షూటింగ్ లో కూడా ఎప్ప‌టిలాగే క్యాస్ట్ అండ్ క్రూ బాగా ఇబ్బందులు ఎదుర్కొన్నార‌ని వారు వెల్ల‌డించారు. వాస్త‌వానికి ఈ సీజ‌న్5 షూటింగ్ ఎప్పుడో పూర్త‌వాల్సింది కానీ హాలీవుడ్ లో జ‌రిగిన స‌మ్మె కార‌ణంగా షూటింగ్ దాదాపు 7 నెల‌లు లేటైంది.

మొత్తానికి చాలా లాంగ్ గ్యాప్ త‌ర్వాత స్ట్రేంజ‌ర్ థింగ్స్ నుంచి కొత్త సీజ‌న్ రిలీజ్ కాబోతుంది. అయితే సీజ‌న్5 లో ఎలాంటి కొత్త పాత్ర‌లు ఉండ‌వ‌ని మేక‌ర్స్ ఇప్ప‌టికే తెలిపారు. సీజ‌న్ 5లో వేగ్నా శాపం మాక్స్ పై ఎలాంటి ఎఫెక్ట్ చూపించింది, దాని వ‌ల్ల ఎలాంటి ప‌రిణామాలు ఏర్పాడ్డాయి లాంటి చూపించ‌నున్నారు. ముందు సీజ‌న్ల‌ను మించి ఈ సీజ‌న్ మ‌రింత ఇంట్రెస్టింగ్ గా ఉంటుంద‌ని అంటున్నారు. ఇప్ప‌టికే నెట్‌ఫ్లిక్స్ స్ట్రేంజ‌ర్ థింగ్స్ ప్ర‌మోష‌న్స్ ప్రారంభించ‌గా, త్వ‌ర‌లోనే దీని రిలీజ్ డేట్ వెల్ల‌డి కానుంది.