50 కోట్ల పెట్టుబడితో 'స్త్రీ 2' బాక్సాఫీస్ మోత

హిందీలో ఆగష్టు 15న రిలీజ్ అయిన హర్రర్ కామెడీ మూవీ స్త్రీ2 బ్లాక్ బస్టర్ టాక్ సొంతం చేసుకొని కలెక్షన్స్ పరంగా రికార్డులు క్రియేట్ చేస్తోంది. కేవలం 50 కోట్ల బడ్జెట్ తో వచ్చిన ఈ సినిమా కాసుల వర్షం కురిపిస్తోంది. ఈ ఏడాది హిందీలో హైయెస్ట్ కలెక్షన్స్ రికార్డ్ ని ఇప్పటికే స్త్రీ2 మూవీ బ్రేక్ చేసింది. కల్కి 2898ఏడీ మూవీ కలెక్షన్స్ పరంగా హిందీలో మొన్నటి వరకు టాప్ లో ఉంది. స్త్రీ మూవీ 8 రోజుల్లోనే కల్కి కలెక్షన్స్ ని బ్రేక్ చేసి 300 కోట్ల వసూళ్లని అందుకుంది.

రెండో వారం వీకెండ్ లో కూడా స్త్రీ2 మూవీ బాక్సాఫీస్ దగ్గర సాలిడ్ గా పెర్ఫార్మ్ చేస్తోంది. శుక్రవారం ఈ సినిమా 18 కోట్ల గ్రాస్ కలెక్షన్స్ అందుకుంటే శనివారం ఏకంగా 100 శాతం అధికంగా 35 కోట్ల గ్రాస్ కలెక్షన్స్ ని స్త్రీ2 మూవీ అందుకుంది. ఇండియన్ బాక్సాఫీస్ హిస్టరీలో రెండో శనివారం అత్యధిక కలెక్షన్స్ అందుకున్న చిత్రంగా స్త్రీ2 నిలిచింది. ఇది వరకు రెండో శనివారం 33 కోట్ల గ్రాస్ కలెక్షన్స్ తో యానిమల్ టాప్ లో ఉండేది. ఈ కలెక్షన్స్ రికార్డ్ ని స్త్రీ2 బ్రేక్ చేసింది.

రెండో శనివారం అత్యధిక కలెక్షన్స్ అందుకున్న సినిమాల జాబితా చూసుకుంటే 35 కోట్లతో స్త్రీ, 33 కోట్లతో యానిమల్, 30 కోట్లతో గధర్ 2, 29 కోట్లతో జవాన్, 26.50 కోట్లతో బాహుబలి 2 సినిమాలు ఉన్నాయి. ఆదివారం కూడా ఇదే స్థాయిలో గ్రాస్ కలెక్షన్స్ ని అందుకునే ఛాన్స్ ఉందనే మాట బిటౌన్ లో వినిపిస్తోంది. 11 రోజుల్లో 360+ కోట్ల కలెక్షన్స్ ని స్త్రీ2 మూవీ అందుకుందని నిర్మాణ సంస్థ ప్రకటించింది.

ఇక కృష్టాష్టమి ఫెస్టివల్ కూడా కలిసి రానున్న నేపథ్యంలో 400 కోట్ల కలెక్షన్స్ ని ఈ మూవీ సోమవారం నాటికి బీట్ చేస్తుందని అంచనా వేస్తున్నారు. ప్రస్తుతం బాలీవుడ్ లో పెద్ద సినిమాలేవీ కూడా రిలీజ్ కి లేకపోవడంతో లాంగ్ రన్ లో స్త్రీ2 మూవీ 600+ కోట్లకి పైగా కలెక్షన్స్ ని అందుకునే ఛాన్స్ ఉందని ట్రేడ్ పండితులు అంచనా వేస్తున్నారు.

మడ్ డోక్ ఫిలిమ్స్ నిర్మాణ సంస్థకి స్త్రీ2 భారీగా ప్రాఫిట్ తీసుకురాబోతోందని ఈ కలెక్షన్స్ జోరు చూస్తుంటే అర్ధమవుతోంది. శ్రద్ధా కపూర్ కి కూడా కెరియర్ లో బిగ్గెస్ట్ హిట్ స్త్రీ2 మూవీతో సొంతం అయ్యిందనే మాట ఇప్పుడు వినిపిస్తోంది. అలాగే మీడియం రేంజ్ హీరోగా ఉన్న రాజ్ కుమార్ రావు క్రేజ్ కూడా స్త్రీ2తో అమాంతం పెరిగిపోతుందని అంచనా వేస్తున్నారు.