సూర్య క‌థ‌లో హీరో మారాడా?

కోలీవుడ్ స్టార్ సూర్య క‌థ‌నాయ‌కుడిగా సుధ‌ కొంగ‌ర ద‌ర్శ‌క‌త్వంలో `పురాణ‌నూరు` అనే చిత్రం లాక్ అయిన సంగ‌తి తెలిసిందే. `ఆకాశ‌మే నీహ‌ద్దురా` త‌ర్వాత ఇద్ద‌రు చేతులు క‌ల‌ప‌డంతో అంచ‌నాలు భారీగా ఏర్పడ్డాయి . మ‌రో ప్ర‌యోగాత్మక చిత్రంతో ప్రేక్ష‌కుల ముందుకు రావ‌డం ఖాయ‌మనుకున్నారు. కానీ ఆ సినిమా ప‌ట్టాలెక్క‌లేదు. `కంగువ` త‌ర్వాత చేసే అవ‌కాశం ఉంద‌ని ప్ర‌చారం సాగింది గానీ సూర్య 44వ చిత్రాన్ని కార్తీక్ సుబ్బ‌రాజ్ తో లాక్ చేయ‌డంతో తాత్కాలికంగా ఆ ప్రాజెక్ట్ ఆగిపోయింద‌ని అర్ద‌మైంది.

అయితే ఇప్పుడా క‌థ‌లో హీరో మారిన‌ట్లు తాజాగా ప్ర‌చారం సాగుతోంది. సుధ కొంగ‌ర అదే చిత్రాన్ని ధ‌నుష్ తో తెర‌కెక్కించాల‌ని ప్లాన్ చేస్తున్నారుట‌. ఇటీవ‌లే ధ‌నుష్ ని క‌లిసి స్టోరీ నేరేట్ చేసార‌ని ఆయ‌న కూడా గ్రీన్ సిగ్నెల్ ఇచ్చిన‌ట్లు కోలీవుడ్ మీడియాలో ప్ర‌చారం సాగుతుంది. దీనిపై మ‌రింత క్లారిటీ రావ‌డానికి మ‌రికొంత‌ స‌మ‌యం ప‌డుతుంద‌ని స‌మాచారం. ప్ర‌స్తుతం సుధ‌కొంగ‌ర బాలీవుడ్ లో అక్ష‌య్ కుమార్ తో `స‌ర్పిరా` చిత్రాన్ని తెర‌కెక్కిస్తోన్న సంగ‌తి తెలిసిందే.

`ఆకాశ‌మే నీ హ‌ద్దురా` చిత్రానికి రీమేక్ రూపం ఇది. సుధ కొంగ‌ర ఈ సినిమా ప‌నుల్లోనే బిజీగా ఉన్నారు. రిలీజ్ అనంత‌రం ప్రీ అయిపోతారు. అటుపై పూర్తి స్థాయిలో కొత్త సినిమా ప‌నుల్లో బిజీ అవుతారు. జాతీయ అవార్డు చిత్రం కావ‌డంతో బాలీవుడ్ లోనూ సినిమాపై మంచి అంచ‌నాలున్నాయి. అలాగే ధ‌నుష్ కూడా ప‌లు త‌మిళ సినిమాలతో బిజీగా ఉన్నాడు. త్వ‌ర‌లో `రాయ‌న్` సినిమాతో ప్రేక్ష‌కుల ముందుకు రానున్నాడు.

మ‌రోవైపు శేఖ‌ర క‌మ్ములా ద‌ర్శ‌క‌త్వంలో `కుభేర` లో న‌టిస్తున్నాడు. ధ‌నుష్ నుంచి రిలీజ్ అవుతోన్న మ‌రో పాన్ ఇండియా చిత్ర‌మిది. ఇందులో కింగ్ నాగార్జున కూడా కీల‌క పాత్ర పోషిస్తున్నారు. దీంతో ఇది మ‌ల్టీ స్టార‌ర్ గా హైలైట్ అవుతుంది. ఇప్ప‌టికే రిలీజ్ అయిన ప్ర‌చార చిత్రాల‌తో క‌మ్ములో త‌న కొత్త యాంగిల్ ని ప‌రిచయం చేస్తున్నాడ‌ని అర్ద‌మైంది.