లైవ్ వేదిక‌పై ఊపిరాడ‌క పాపుల‌ర్ గాయ‌ని గిజ‌గిజ‌

ప్ర‌ముఖ గాయ‌ని లైవ్ వేదిక‌పై ఊపిరాడ‌క ఉక్కిరిబిక్కిరి అయింది. ఆ స‌మ‌యంలో గ‌ట్టిగా ఊపిరి పీల్చుకుంటూ ప‌రిస్థితిని అదుపులోకి తెచ్చేందుకు ప్ర‌య‌త్నించింది. ఆ స‌న్నివేశం చూసిన త‌ర్వాత అభిమానుల్లో కంగారు మొద‌లైంది. గాయ‌నికి స‌డెన్ ఆ ఏమైంది? అంటూ అంతా ఆందోళ‌న చెందారు. ఈ ఎపిసోడ్ లో ప్ర‌ముఖ గాయ‌ని పేరు టేల‌ర్ స్విఫ్ట్ (33).

శుక్రవారం టేలర్ స్విఫ్ట్ బ్రెజిల్ కచేరీ నుండి షేర్ చేసిన‌ అభిమానుల ఫుటేజ్‌లో గాయ‌ని, గేయరచయిత అయిన టేల‌ర్ స్విఫ్ట్ వేదిక‌పై శ్వాస తీసుకోవడానికి కష్టపడుతున్నట్లు క‌నిపించింది. రియో డి జనీరోలో వేదికపై ఈ స‌న్నివేశం ఎదుర్కొంది. నగరంలో అధిక ఉష్ణోగ్రతలు భరించలేనంత ఎత్తుకు చేరుకున్నాయని మిర్ర‌ర్ కో.యుకే నివేదించింది. ఈ అధిక వేడిని స‌ద‌రు గాయ‌ని భ‌రించ‌లేక‌పోయారు.

ఈ వీడియో చూడడానికి చాలా భయం క‌లిగించింది. బాధను క‌లిగించింది. టేలర్ ఎందుకు ఊపిరి పీల్చుకోవడానికి ఇబ్బంది పడుతున్నారు? అంటే.. అధిక‌ వేడి కారణమ‌ని నాకు తెలుసు. కానీ నేను తీవ్ర భయాందోళనకు గురవుతున్నప్పుడు కూడా ఇలాగే ఉంటాను అని సోష‌ల్ మీడియాలో టేల‌ర్ స్విఫ్ట్ వ్యాఖ్యానించారు.

అధిక వేడి వాతావరణం కారణంగా యువ అభిమాని అనా క్లారా బెనెవిడెస్ 22 సంవత్సరాల వయస్సులో మరణించారు. టేల‌ర్ షో వ‌ద్ద‌ క్లారా గుండె ఆగిపోయినట్లు క‌థ‌నాలొచ్చాయి. మృతికి గల కారణాలు ఇంకా తెలియాల్సి ఉంది. విపరీతమైన ఉష్ణోగ్రతల కారణంగా అభిమాని మరణించిన తర్వాత టేలర్ స్విఫ్ట్ రెండవ బ్రెజిల్ షోను రద్దు చేసారు.

Mirror.co.uk ప్రకారం.. సోషల్ మీడియాలో సర్క్యులేట్ అవుతున్న కొత్త ఫుటేజీలో, టేలర్ తన ప్రదర్శన సమయంలో అధిక‌ వేడి తాకిడి, తేమ వాతావ‌ర‌ణంతో పోరాడుతున్నట్లు కనిపిస్తోంది. 2022 ఆల్బమ్ మిడ్‌నైట్స్ -బెజ్వెల్డ్ నుండి ఆమె హిట్ పాడిన తర్వాత టేలర్ గాఢంగా ఊపిరి పీల్చుకుంటూ ప్రశాంతతను పొందేందుకు ప్ర‌య‌త్నించ‌డం వేదికపై కనిపించింది.

సోషల్ మీడియాలో ప్రసారం అవుతున్న వీడియోతో X లో అభిమానులు టేల‌ర్ స‌మ‌స్య‌ను చూసి ఆందోళన చెందారు. ``OMG ఇది చాలా పెద్ద‌ స్థాయిలో ఉంది.. నా హృదయాన్ని బ్రేక్ చేస్తోంది`` అని వ్యాఖ్యానించ‌గా, త‌ను చాలా ప్రొఫెషనల్.. కానీ ఆమెను ఇలా చూస్తుంటే ఇబ్బందిగా ఉంది అని ఒకరు వ్యాఖ్యానించారు. 120 డిగ్రీలలో ఇలా అయింది.. నేను ఆశ్చర్యపోలేదు. ఈ వేదిక పిచ్చిగా ఉంది! అని మరొకరు రాశారు. ఈ వీడియో చూడటానికి చాలా భయానకంగా విచారంగా ఉంది. టేలర్ ఎందుకు ఊపిరి పీల్చుకోవడానికి ఇబ్బంది పడుతున్నాడనే దానికి బహుశా అధిక‌ వేడి కారణమ‌ని నాకు తెలుసు అని వ్యాఖ్యానించారు. అదే రోజు రాత్రి గిగ్‌లో అభిమానులు మంచి నీటి కోసం నిర్వాహ‌కుల‌ను వేడుకోవడం కనిపించింది. తర్వాత, టేలర్ స్వయంగా జనంలోకి వాటర్ బాటిళ్ల‌ను విసిరారు.