సో క్యూట్.. బోయ్ ఫ్రెండ్‌కి స్టార్ డాట‌ర్ బ‌ర్త్‌డే గిఫ్ట్

కింగ్ ఖాన్ న‌ట‌వార‌సురాలు సుహానా ఖాన్- బ‌చ్చ‌న్ ఫ్యామిలీ న‌ట‌వార‌సుడు అగ‌స్త్య నందా మ‌ధ్య ఏదో జ‌రుగుతోంద‌న్న పుకార్లు ఉన్నాయి. ఆ ఇద్ద‌రూ ది ఆర్చీస్ చిత్రీక‌ర‌ణ స‌మ‌యంలో ఒకరిని విడిచి ఒక‌రు ఉండ‌లేని స్థితిలో ఉన్నార‌ని గుస‌గుస‌లు వినిపించాయి. `జంట బావుంది.. జ‌త కుదిరింది` అంటూ హిందీ మీడియా ఒక‌టే ప్ర‌చారం సాగించింది.

ఆస‌క్తిక‌రంగా ఈరోజు అగ‌స్త్య బ‌ర్త్ డే సంద‌ర్భంగా సుహానా అత‌డికి అద్భుత‌మైన రీతిలో శుభాకాంక్ష‌లు తెలిపింది. ది ఆర్చీస్ నుంచి ఒక క్యూట్ ఫోటోగ్రాఫ్ తో సుహానా అత‌డికి విషెస్ తెలియ‌జేసింది. అగ‌స్త్య చెవి ప‌ట్టుకుని గుంజుతున్న సుహానా ఫోటోగ్రాఫ్ ఎంతగానో హ‌త్తుకుంటోంది. ప్రేమికుల మ‌ధ్య ర‌స‌రమ్య‌మైన దృశ్యం అది. ఈ ఫోటో నిజంగా అగ‌స్త్య‌ను మెమ‌రీ లేన్ లోకి తీసుకెళుతుంద‌న‌డంలో సందేహం లేదు.

జోయా అక్తర్ `ది ఆర్చీస్‌`లో సుహానా ఖాన్ - అగస్త్య నంద ప్రేమికులుగా నటించారు. ఇది ఈ అంద‌మైన జోడీకి అరంగేట్రం కూడా. ఈ వెబ్ సిరీస్ 2023లో నెట్‌ఫ్లిక్స్‌లో విడుదలైంది. ఖుషీ కపూర్ - వేదంగ్ రైనా కూడా ఇందులో మ‌రో జంట‌గా న‌టించారు. అగస్త్య నంద తదుపరి ఇక్కిస్‌లో కనిపిస్తారు. ఇందులో ధర్మేంద్ర కూడా కీలక పాత్రలో నటించారు. శ్రీరామ్ రాఘవన్ దర్శకత్వం వహించారు. 1971 నాటి వార్ నేపథ్యంలో సాగే ఈ చిత్రం వాస్తవ సంఘటనల ఆధారంగా తెరకెక్కింది. ఇది రెండవ లెఫ్టినెంట్ అరుణ్ ఖేత్రపాల్ జీవిత క‌థ‌తో తెర‌కెక్కింది. ప్ర‌స్తుతం చిత్రీక‌ర‌ణ సాగుతోంది.

మ‌రోవైపు సుహానా ఖాన్ కూడా తన తండ్రి, సూపర్ స్టార్ షారుఖ్ ఖాన్‌తో కలిసి పెద్ద తెర‌పైకి అడుగుపెట్టనుంది. సుజోయ్ ఘోష్ ద‌ర్శ‌క‌త్వం వ‌హిస్తున్న `కింగ్‌`లో ఇద్దరూ మొదటిసారి స్క్రీన్ స్పేస్‌ను పంచుకోనున్నారు. ఇది గ్యాంగ్‌స్టర్ డ్రామా. ఇందులో అభిషేక్ బచ్చన్ కూడా విలన్‌గా నటిస్తున్నారు.