సుహానా డ్యాషింగ్ లుక్ వైర‌ల్

సుహానా ఖాన్ ఇటీవల తన సోదరుడు ఆర్యన్ ఖాన్ బ్రాండ్ కమర్షియల్ కోసం తన తండ్రి సూపర్ స్టార్ షారుఖ్ ఖాన్‌తో కలిసి పనిచేశారు. ప్రకటనలో న‌ట‌వార‌సురాలు అద్భుతంగా కనిపించింది. కింగ్ ఖాన్ ఫ్రేమ్‌లో ఉన్నా తానే షో స్టాప‌ర్ అని నిరూపించింది. ప్ర‌క‌ట‌న‌లో సుహానా ఆర్య‌న్ బ్రాండ్ జీన్స్ - టాప్ ధ‌రించి డ్యాషింగ్ లుక్ తో కనిపించింది. ఆర్య‌న్ ఇటీవ‌ల సొంత లేబుల్ తో వ‌స్త్ర వ్యాపారంలోకి ప్ర‌వేశించాడు. దానికి త‌న సోద‌రి, తండ్రి ప్ర‌మోష‌న్ చేయ‌డం ఆస‌క్తిని రేకెత్తించింది. ఈ ప్ర‌క‌ట‌న‌కు ఆర్య‌న్ స్వ‌యంగా ద‌ర్శ‌క‌త్వం వ‌హించాడు.

వాణిజ్య ప్ర‌క‌ట‌న‌లో సుహానా జీన్స్ టాప్ తో డ్యాషింగ్ గా క‌నిపించింది. ఇప్పుడు ఇంచుమించు అదే లుక్ తో ఉన్న కొన్ని ఫోటోలు అంత‌ర్జాలంలో వైర‌ల్ గా మారుతున్నాయి. సుహానా రేబాన్ ధ‌రించి జీన్స్- బ్లాక్ టాప్ తో క‌నిపిస్తున్న ఫోటోల‌ను ఇన్ స్టాలో షేర్ చేసారు. సుహానా కూల్ గా న‌వ్వుతూ స్టైలిష్ గా ఫోజులిచ్చిన ఈ ఫోటోలు అభిమానుల్లోకి వైర‌ల్ గా దూసుకెళుతున్నాయి.

కింగ్ ఖాన్ న‌ట‌వార‌సురాలిగా సినీపరిశ్ర‌మ‌లో ప్ర‌వేశించిన సుహానా `ది ఆర్చీస్` సిరీస్ తో తొలిగా అభిమానుల ముందుకు వ‌చ్చింది. గ‌ల్లీ బోయ్ ఫేం జోయా అక్త‌ర్ ఈ సినిమాకి ద‌ర్శ‌క‌త్వం వ‌హించ‌గా, హిందీ చ‌ల‌న‌చిత్ర ప‌రిశ్ర‌మ‌లోని ముగ్గురు న‌ట‌వార‌సులు తెర‌కు ప‌రిచ‌య‌మ‌య్యారు. ఇందులో సుహానా త‌నదైన‌ అద్భుత న‌ట‌న‌తో మంత్ర‌ముగ్ధుల‌ను చేసింది. కొన్ని విమ‌ర్శ‌లు వ‌చ్చినా కానీ డెబ్యూ న‌టిగా సుహానా గ్రేస్ గురించి చ‌ర్చ సాగింది. త‌దుప‌రి సుహానా న‌టించే సినిమా గురించిన అధికారిక ప్ర‌క‌ట‌న రావాల్సి ఉంది. సుహానా ఈసారి త‌న తండ్రి షారూఖ్ తో క‌లిసి భారీ యాక్ష‌న్ చిత్రంలో న‌టిస్తుంద‌ని క‌థ‌నాలొచ్చాయి. కానీ ఆ ప్రాజెక్ట్ గురించి త‌దుప‌రి అప్ డేట్ రాలేదు. ధ‌ర్మ ప్రొడ‌క్ష‌న్స్ లో క‌ర‌ణ్ జోహార్ నిర్ధేశ‌నంలో సుహానా న‌టిస్తుంద‌ని కూడా క‌థ‌నాలొచ్చాయి. అయితే దానిని కూడా అధికారికంగా ధృవీక‌రించాల్సి ఉంది.