స్టార్ డాట‌ర్ హెయిర్ క్లిప్ ధ‌ర‌కు బైక్ కొనొచ్చు

స్టార్ డాట‌ర్ హెయిర్ క్లిప్ ధ‌ర షాకిస్తోంది! ఈ భామ ఉప‌యోగించే హ్యాండ్ బ్యాగ్ ధ‌ర 22 ల‌క్ష‌లు.. కాస్ట్యూమ్స్ ధ‌ర‌లు చుక్క‌ల్లోనే.. తాను ఉప‌యోగించే కార్ ఖ‌రీదు 4 కోట్లు.. ఇలా చెప్పుకుంటూ వెళితే చాలా సంగ‌తులే ఉన్నాయి. ఇటీవ‌లే 20 కోట్ల ఖ‌రీదు చేసే అపార్ట్ మెంట్ లో పెట్టుబ‌డులు పెట్టింద‌ని కూడా క‌థ‌నాలొచ్చాయి. ఇంత‌కీ ఎవ‌రా స్టార్ డాట‌ర్? అంటే చెప్పేదేం ఉంది? ది గ్రేట్ సుహానాఖాన్. కింగ్ ఖాన్ న‌ట వార‌సురాలు.

సుహానా ఖాన్ ఇటీవలి ట్రెండీ లుక్ లో ఓ పార్టీకి అటెండ‌యింది. స‌గం ముడివేసిన జుట్టు, అంద‌మైన‌ ఆభరణాలు ధ‌రించి మెరుపులు మెరిపించిన సుహానా హెర్మేస్ మినీ కెల్లీ హ్యాండ్ బ్యాగ్‌తో స్టైల్ గా క‌నిపించింది. ఈ వేడుక‌లో త‌న‌ హెయిర్‌క్లిప్ .. ఆ డిజైనర్ బ్యాగ్ ధర గురించే ఎక్కువ‌గా ముచ్చ‌టించుకున్నారు.

పార్టీ నైట్ స్టార్ కిడ్ అంద‌మైన‌ బాడీకాన్ దుస్తులలో క‌నిపించింది. త‌న హెయిర్ కోసం ఉప‌యోగించిన క్లిప్ అంతర్జాతీయ బ్రాండ్ ప్రాడా నుండి ఎంపిక చేసిన‌ది. దీని ధర 600 డాల‌ర్లు. అంటే ఇండియ‌న్ క‌రెన్సీలో దాదాపు రూ. 50,238. అలాగే హ్యాండ్ బ్యాగ్ అంద‌రి దృష్టిని ఆక‌ర్షించింది. ఇది గ్రిస్ మౌట్ రంగులో హెర్మేస్ మినీ కెల్లీ 28 బ్యాగ్. ఇది బ్రాండ్ అధికారిక వెబ్‌సైట్‌లో బ్యాగ్ వివిధ వెర్షన్‌లు దాదాపు రూ. 26,570 USD ధరతో ఉన్నాయి. భార‌తీయ క‌రెన్సీలో దీని విలువ‌ దాదాపు రూ. 22 లక్షలు. హెయిర్ క్లిప్ ఖ‌రీదుకు నోరెళ్ల‌బెట్టిన నెటిజ‌నులు దీంతో ఒక బైక్ కొనుక్కోవ‌చ్చు! అంటూ వ్యాఖ్యానిస్తున్నారు.

కెరీర్ మ్యాట‌ర్ కి వ‌స్తే... సుహానా తన తండ్రి SRK చిత్రం `ది కింగ్`తో పెద్ద తెర‌పైకి ప్రవేశించడానికి సిద్ధమవుతోంది. ఈ చిత్రంలో అభిషేక్ బచ్చన్ ప్రధాన ప్రతినాయకుడిగా న‌టిస్తార‌ని సమాచారం. భారీ బడ్జెట్‌తో రూపొందుతున్న యాక్షన్‌ చిత్రమిది. `ది ఆర్చీస్` అనే వెబ్ సిరీస్ లోను సుహానా న‌టించిన సంగ‌తి తెలిసిందే.