అంబాజి పేట.. అక్కడ కూడా హై లెవెల్లోనే..

కలర్ ఫొటో, రైటర్ పద్మభూషణ్ సినిమాలతో హీరోగా సుహాస్ మంచి పేరు సంపాదించుకున్నారు. కంటెంట్ బేస్డ్ సినిమాలే చేస్తారనే మార్క్ ను క్రియేట్ చేసుకున్నారు. ఇప్పుడు అంబాజీపేట మ్యారేజి బ్యాండ్ తో ప్రేక్షకుల ముందుకు వచ్చేందుకు రెడీగా ఉన్నారు. కొత్త దర్శకుడు దుశ్యంత్ కటికినేని ఈ సినిమాను తెరకెక్కించారు.

థియేట్రికల్ ట్రైలర్ విడుదలైన తర్వాత మంచి బజ్ సంపాదించుకున్న ఈ మూవీ ప్రీ రిలీజ్ ఈవెంట్.. నిన్న రాత్రి హైదరాబాద్ లో ఘనంగా జరిగింది. యంగ్ హీరో అడివి శేష్ ముఖ్య అతిథిగా హాజరయ్యారు. సుహాస్‌, శివానిల‌తో క‌లిసి అడివి శేష్ స్టేజ్‌పై స్టెప్పులేశారు. అంబాజీపేట మ్యారేజీ బ్యాండు సినిమాకు ప‌నిచేసిన ప్ర‌తి ఒక్క‌రు కూడా డ్రీమ‌ర్స్ అని, క‌ష్ట‌ప‌డి త‌మ క‌ల‌ల్ని నిజం చేసుకున్నార‌ని అడివి శేష్ చెప్పారు.

అయితే క‌ల‌ర్ ఫోటో, రైట‌ర్ ప‌ద్మ‌ భూష‌ణ్‌ కు మించి ఈ సినిమాలో త‌న యాక్టింగ్ ఉంటుందని హీరో సుహాస్ తెలిపారు. త‌న కెరీర్‌లో బెస్ట్ మూవీ అవుతుంద‌ని చెప్పారు. ఈ సినిమా మంచి విజయం సాధిస్తుందనే నమ్ముతున్నట్లు పేర్కొన్నారు. ఈమధ్యే బాబు పుట్టాడు సో మంచి జరుగుతుందని అనిపిస్తోందంటూ సంతోషాన్ని వ్యక్తం చేశారు.

ప్రపంచవ్యాప్తంగా అంబాజీపేట మ్యారేజ్ బ్యాండ్ సినిమా పెద్ద హిట్ కావాలని ఆకాంక్షిస్తున్నట్లు ఆ చిత్ర నిర్మాత ధీరజ్ మొగిలినేని తెలిపారు. రిలీజ్ కు ముందు రోజు ఫిబ్రవరి 1వ తేదీన తెలుగు రాష్ట్రాల్లో వేయబోయే ప్రీమియర్స్ పట్ల నమ్మకం ఉన్నట్లు తెలిపారు. అమెరికాలో కూడా కొన్ని చోట్ల ప్రీమియర్స్ వేస్తున్నట్లు చెప్పారు నిర్మాత.

ట్రైలర్ తోపాటు మేకర్స్ ప్రమోషనల్ కంటెంట్ వల్ల ఈ సినిమాకు మంచి పాజిటివ్ బజ్ నడుస్తోంది. గీతా ఆర్ట్స్ ఈ చిత్రానికి సపోర్ట్ ఇవ్వడంతో విడుదల సమస్యలు ఎలానో ఉండవు. దీంతో ఈ సినిమా సూపర్ హిట్ అవుతుందని కంప్లీట్ మూవీ టీమ్ భావిస్తోంది. GA2 పిక్చర్స్, మహాయన మోషన్ పిక్చర్స్, ధీరజ్ మొగిలినేని ఎంటర్టైన్మెంట్స్ బ్యానర్స్ పై రూపొందిన ఈ సినిమా ఫిబ్రవరి 2న ప్రేక్షకుల ముందుకు రాబోతోంది.