ఆ స్టార్ తో సుజిత్ కామెడీ ప్రయోగం

రన్ రాజా రన్ సినిమాతో సూపర్ హిట్ కొట్టిన యంగ్ డైరెక్టర్ సుజిత్ రెండో చిత్రంగా యంగ్ రెబల్ స్టార్ ప్రభాస్ తో సాహో సినిమా చేశాడు. ఈ సినిమాని పాన్ ఇండియా రేంజ్ లో బాహుబలి 2 తర్వాత ప్రేక్షకుల ముందుకి తీసుకొచ్చారు. అయితే సినిమా ఆశించిన స్థాయిలో సక్సెస్ కాలేదు. మేకింగ్ పరంగా బాగుందనే టాక్ వచ్చిన కంటెంట్ మాత్రం ప్రేక్షకులకి కనెక్ట్ కాలేదు.

సాహో తర్వాత సుజిత్ చాలా గ్యాప్ తీసుకొని ప్రస్తుతం పవర్ స్టార్ పవన్ కళ్యాణ్ తో ఓజీ మూవీ చేస్తున్నాడు. ఈ మూవీ 25% శాతం షూటింగ్ ఇంకా మిగిలి ఉందంట. సెప్టెంబర్ లో పాన్ ఇండియా లెవల్ లో రిలీజ్ చేయాలని అనుకుంటున్నారు. కచ్చితంగా ఓజీతో కమర్షియల్ సక్సెస్ అందుకుంటాననే నమ్మకంతో సుజిత్ ఉన్నాడు. ఇదిలా ఉంటే సుజిత్ అసోసియేట్ డైరెక్టర్ ప్రశాంత్ రెడ్డి భజే వాయువేగం మూవీతో దర్శకుడిగా మారాడు.

కార్తికేయ ఈ చిత్రంలో హీరోగా నటించాడు. ఈ మూవీ మే 31న థియేటర్స్ లోకి రాబోతోంది. సినిమా ప్రమోషన్స్ లో భాగంగా భజే వాయువేగం టీమ్ ని సుజిత్ ఇంటర్వ్యూ చేశాడు. ఈ సందర్భంగా తన ప్లానింగ్ కూడా షేర్ చేసుకున్నాడు. ఓజీ తర్వాత మళ్ళీ ప్రభాస్ తో మూవీ చేయాలని అనుకుంటున్నట్లు తెలిపాడు. ఈ సారి కంప్లీట్ సీరియస్ కథతో కాకుండా యాక్షన్ కామెడీ జోనర్ లో ప్రభాస్ తో మూవీ చేయాలని ఉందని తెలియజేశాడు.

అలాగే పవన్ కళ్యాణ్, ప్రభాస్ కాంబినేషన్ లో మల్టీ స్టారర్ చిత్రం చేయడం తన డ్రీం అని కూడా మనసులో మాటని పంచుకున్నారు. అయితే సాహోతో సుజిత్ మంచి అవకాశాన్ని మిస్ చేసుకున్నాడు. ఇలాంటి పరిస్థితిలో మరో ఛాన్స్ ని ప్రభాస్ ఇస్తాడా అనేది డౌట్ అనే చెప్పాలి. ఒక వేళ ఓజీ మూవీతో సుజిత్ మళ్ళీ ప్రూవ్ చేసుకుంటే ప్రభాస్ తో చేసే ఛాన్స్ రావొచ్చు.

కానీ ప్రస్తుతం ప్రభాస్ లైన్ అప్ చూస్తుంటే మరో రెండేళ్ల వరకు ఏ దర్శకుడికి అందుబాటులో ఉండేలా కనిపించడం లేదు. ఓజీ తర్వాత సుజిత్ నేచురల్ స్టార్ నానితో ఒక మూవీ ఎనౌన్స్ చేశారు. అయితే ఈ సినిమా ఎప్పుడు స్టార్ట్ అవుతుందనేది క్లారిటీ లేదు. దీని తర్వాత ఏమైనా ప్రభాస్ కి కథ చెబుతాడేమో చూడాలి.