పుష్ప 2: సుక్కూ ప్లానింగే ప్లానింగ్ అబ్బా!

ఐకాన్ స్టార్ అల్లు అర్జున్, జీనియర్ డైరెక్టర్ సుకుమార్ కాంబినేషన్ లో తెరకెక్కుతున్న సినిమా ''పుష్ప 2: ది రూల్". అందరూ ఆసక్తిగా ఎదురుచూస్తున్న ఈ మోస్ట్ అవైటెడ్ పాన్ ఇండియా మూవీ.. డిసెంబర్ 5వ తేదీన గ్రాండ్ గా రిలీజ్ కానుంది. ఈ సినిమాపై అంచనాలు ఏ రేంజ్ లో ఉన్నాయో స్పెషల్ గా చెప్పాల్సిన పనిలేదు. అయితే వీటికి ఏమాత్రం తగ్గకుండా భారీ స్థాయిలో ఈ చిత్రాన్ని రూపొందిస్తున్నారు సుక్కూ అండ్ టీమ్. అంతేకాదు 'పుష్ప 3' కోసం సాలిడ్ లీడ్ ప్లాన్ చేస్తున్నట్టుగా తెలిసింది.

'పుష్ప 1' సినిమా ఊహించని విధంగా నార్త్ మార్కెట్ లో బ్లాక్ బస్టర్ సక్సెస్ సాధించడంతో, 'పుష్ప 2' పై ఎక్స్పెక్టేషన్స్ నెక్స్ట్ లెవల్ కి చేరుకున్నాయి. దీన్ని దృష్టిలో పెట్టుకొని మొదటి భాగానికి మించి ఉండేలా, సెకెండ్ పార్ట్ ను డిజైన్ చేసినట్లు తెలుస్తోంది. హై-ఆక్టేన్ యాక్షన్ సీన్స్, ఎమోషన్స్, ఎలివేషన్స్ మీద ఎక్కువ ఫోకస్ పెట్టినట్లుగా టాక్ వినిపిస్తోంది. పుష్పరాజ్ క్యారక్టర్ అస్సలు తగ్గేదే లే అనే విధంగా ఉంటుందని మేకర్స్ చెబుతూ వస్తున్నారు.

'పుష్ప 2' చిత్రానికి పార్ట్-3 కూడా ఉంటుందని హీరో నిర్మాతలు ఇప్పటికే హింట్ ఇచ్చారు. సెకండ్ పార్ట్ ఎండింగ్ లోనే 'పుష్ప 3' లీడ్ కచ్చితంగా ఉంటుందని క్లారిటీ ఇచ్చారు. అయితే ప్రేక్షకులను షాక్ కు గురిచేసేలా పార్ట్-2 క్లైమాక్స్ ను సుకుమార్ డిజైన్ చేసినట్లుగా తెలుస్తోంది. బాహుబలిని కట్టప్ప ఎందుకు చంపాడు అని ఎంతగా ఎదురు చూశారో, అదే విధంగా పుష్ప ఫ్రాంచైజీలో నెక్స్ట్ పార్ట్ పై ఇంట్రెస్ట్ క్రియేట్ చేసేలా ఈ క్లైమాక్స్ ఉంటుందట. అంతేకాదు ఓ పాపులర్ స్టార్ హీరోని దీంట్లో భాగం చేస్తారని అంటున్నారు.

'పుష్ప' పార్ట్-3 లీడ్ గా 'పుష్ప 2' క్లైమాక్స్ లో కీలక పాత్ర కోసం ఓ ప్రముఖ హీరోని ఎంపిక చేయడానికి సుక్కు అండ్ టీమ్ చర్చలు జరుపుతున్నారట. ఇందులో నిజమెంతో తెలియదు కానీ, ఇది కచ్చితంగా ఆడియన్స్ ను సర్ప్రైజ్ చేస్తుందని చెప్పాలి. నిజానికి పుష్ప అనేది క్యారక్టర్ డ్రివెన్ సినిమా. 'బాహుబలి' మాదిరిగా పెద్ద ట్విస్ట్ ఇచ్చి మొదటి భాగాన్ని ముగించ లేదు. పుష్పరాజ్ పాత్ర సెకండ్ పార్ట్ లో ఎలా రూల్ చేస్తాడు అనే ఆసక్తికరమైన పాయింట్ తో 'పుష్ప 1' ముగిసింది. కానీ 'పుష్ప 2' మాత్రం 'పుష్ప 3' కోసం ఎదురు చూసేలా ముగుస్తుందని నివేదికలు పేర్కొన్నాయి.

'పుష్ప 2' సినిమాలో జాతర ఎపిసోడ్ హైలైట్ గా నిలుస్తుందని చిత్ర వర్గాలు చెబుతున్నాయి. ఇదొక మాస్టర్ పీస్ అని, గూస్ బమ్స్ వస్తాయని ఇటీవల నిర్మాతలు తెలిపారు. 35 రోజుల పాటుగా ఈ సీక్వెన్స్ ను షూట్ చేసినట్లు చెప్పారు. ఇక నవంబర్ 4వ తేదీ నుంచి మిగిలి ఉన్న ఐటెం సాంగ్‌ని చిత్రీకరించేందుకు టీమ్ ప్లాన్ చేస్తోంది. ఇప్పటికే ఫసాఫ్ట్ ను లాక్ చేశారు కాబట్టి, వీలైనంత త్వరగా మిగతా షూటింగ్ పూర్తి చేసి పోస్ట్ ప్రొడక్షన్ మీద దృష్టి పెట్టనున్నారు.

'పుష్ప 2' చిత్రాన్ని ప్రపంచవ్యాప్తంగా ఆరు భాషల్లో కలిపి 11,500 స్ర్కీన్స్‌ లో విడుదల చేయడానికి సన్నాహాలు చేస్తున్నారు. ఇండియాలో 6500 స్ర్కీన్స్‌లో, ఓవర్సీస్‌లో 5000 స్ర్కీన్లలో రిలీజ్ ప్లాన్‌ చేస్తున్నారు. ఈ సినిమా తప్పకుండా మునుపటి రికార్డులన్నింటినీ బద్దలు కొడుతుందని అభిమానులు భావిస్తున్నారు. 1000 కోట్ల క్లబ్ లో చేరే మరో ఇండియన్ సినిమా అవుతుందని ధీమాగా ఉన్నారు.