సుకుమార్ మెప్పు పొందిన యువ దర్శకుడు..!

డైరెక్టర్ గా సుకుమార్ ప్రతిభ ఏంటో అందరికీ తెలిసిందే. పుష్ప ముందు వరకు ఆయన సినిమాలంటే తెలుగు ఆడియన్స్ మాత్రమే ఈగర్ గా ఎదురుచూసే వారు కానీ పుష్ప 1 రిలీజ్ అయ్యాక బీ టౌన్ ఆడియన్స్ కూడా ఆయన సినిమా కోసం ఎదురుచూసేలా చేశాడు. పుష్పరాజ్ నీయవ్వ తగ్గేదేలే అనే హీరో యాటిట్యూడ్ మాస్ ఆడియన్స్ కి బాగా ఎక్కేసింది. అంతకుముందు లవ్ స్టోరీస్, క్లాస్ సినిమాలు తీసే సుకుమారేనా ఇలాంటి మాస్ మూవీ తీసింది అనిపించేలా చేశాడు.

అయితే సుకుమార్ కేవలం దర్శకుడిగానే కాదు నిర్మాతగా కూడా సక్సెస్ అయ్యాడు. సుకుమార్ రైటింగ్ లో ఆయన కథలు అందిస్తూ నిర్మిస్తున్న సినిమాలు కూడా బాక్సాఫీస్ దగ్గర మంచి ఫలితాలు అందుకుంటున్నాయి. తన దగ్గర పనిచేసే టాలెంటెడ్ అసిస్టెంట్స్ కు డైరెక్షన్ ఛాన్స్ ఇస్తూ సుకుమార్ రైటింగ్స్ బ్యానర్ లో సినిమాలు చేస్తుంటాడు సుక్కు. లేటెస్ట్ గా మరో యువ దర్శకుడిని సుకుమార్ ప్రోత్సహిస్తున్నట్టు తెలుస్తుంది.

సిద్ధార్థ్ రాయ్ సినిమాను డైరెక్ట్ చేసిన యశస్వీ అనే దర్శకుడి మీద సుకుమార్ కన్ను పడిందని తెలుస్తుంది. ఆ సినిమా టీజర్ చూసే సుకుమార్ ఆ డైరెక్టర్ ని పిలిపించుకుని మాట్లాడారట. ఆ తర్వాత సుకుమార్ రైటింగ్స్ బ్యానర్ లో యశస్వీకి ఒక సినిమా అవకాశం ఇచ్చినట్టు తెలుస్తుంది. యశస్వీ మొదటి సినిమా సిద్ధార్థ్ రాయ్ సినిమా ఇంకా రిలీజ్ కాలేదు. కానీ అతను ఎంచుకున్న కథ.. అది చెప్పే విధానం సుకుమార్ కి బాగా నచ్చేశాయట. అందుకే వెంటనే తనతో సినిమా చేయాలని ఫిక్స్ అయ్యాడని తెలుస్తుంది.

సుకుమార్ మెప్పు పొందాడు అంటే కచ్చితంగా యశస్వీ టాలెంటెడ్ అన్న విషయం అర్థమవుతుంది. సుకుమార్ తో సినిమా అనగానే యశస్వీ చేసిన సిద్ధార్థ్ రాయ్ మీద కూడా ఆడియన్స్ ఫోకస్ చేస్తున్నారు. నీలో టాలెంట్ ఉండాలే కానీ నీ వంతు కృషి చేస్తే అవకాశం ఎలా అయినా ఎక్కడ నుండైనా రావొచ్చని యశస్వీ సుకుమార్ ఛాన్స్ చూస్తే అర్ధమవుతుంది. మరి ఈ యంగ్ డైరెక్టర్ తో సుకుమార్ ఎలాంటి సినిమా చేస్తాడు. ఈ కాంబో ఎలాంటి సినిమా వస్తుంది అన్నది చూడాలి. ఓ పక్క పుష్ప 2 ని ప్రేక్షకుల ముందుకు తెచ్చే ప్రయత్నం లో ఉన్న సుకుమార్ అతని ప్రొడక్షన్ లో వేరే డైరెక్టర్స్ తో సినిమాలు చేసే ప్రాసెస్ ని కూడా కొనసాగిస్తున్నారు.