తెలియకుండానే బన్నీతో RRR ప్లాన్ చేసిన సుక్కు..!

సుకుమార్ అల్లు అర్జున్ ఇద్దరు కలిసి సినిమా చేశారంటే అది బాక్సాఫీస్ ని షేక్ చేయాల్సిందే. వారి మొదటి సినిమా ఆర్య నుంచి ఇది జరుగుతుంది. ఆర్య, ఆర్య 2, పుష్ప 1 ఇలా తీసిన 3 సినిమాలతో బ్లాక్ బస్టర్స్ అందుకున్న ఈ కాంబో పుష్ప 1 కి కొనసాగింపుగా వస్తున్న పుష్ప 2 తో కూడా అదే రేంజ్ టార్గెట్ పెట్టుకున్నారు. పుష్ప 2 సినిమా విషయంలో సుకుమార్ ప్లానింగ్ నెక్స్ట్ లెవెల్ లో ఉందని తెలుస్తుంది. పుష్ప 2 కూడా సూపర్ హిట్ అయితే అక్కడితో ఆగకుండా పుష్ప 3 ని కూడా ప్లాన్ చేస్తున్నాడట సుకుమార్.

పుష్ప 1 ది రైజ్.. పుష్ప 2 ది రూల్ గా చిత్రీకరిస్తున్న సుకుమార్ పుష్ప 3 పుష్ప రాజ్ రోరింగ్ ని చూపిస్తాడట. సో పుష్ప 1, 2, 3 టైటిల్స్ ని పరిశీలిస్తే రైజ్, రూల్, రోర్ అంటూRRR ని ప్లాన్ చేశాడు సుక్కు. అల్లు అర్జున్ తో RRR అంటూ 3 భాగాలుగా పుష్ప సినిమా చేశాడు. RRR సినిమా ను రాజమౌళి ఒకే భాగంగా చేశాడు. ఎన్.టి.ఆర్, చరణ్ కాంబోలో వచ్చిన ఈ సినిమా పాన్ ఇండియా కాదు ఇంటర్నేషనల్ లెవెల్ లో అదరగొట్టింది.

ఇక ఇప్పుడు అదే ఫార్ములాతో RRR అదే బన్నీతో రైజ్, రూల్, రోర్ అంటూ సుకుమార్ కొత్త స్కెచ్ వేశాడు. అయితే ఇది పుష్ప 2 కి వచ్చిన రెస్పాన్స్ ని బట్టి ఉంటుందని తెలుస్తుంది. పుష్ప 3 రోరింగ్ కూడా పుష్ప ఫ్యాన్స్ ని మెప్పించేలా అదిరిపోతుందని అర్ధమవుతుంది. పుష్ప 2 ఆగష్టు 15న రిలీజ్ ప్లాన్ చేశారు. మైత్రి మూవీ మేకర్స్ భారీ బడ్జెట్ తో పుష్ప 2 ని ఎక్కడ కాంప్రమైజ్ కాకుండా చేస్తున్నారు.

ఈ సినిమా లో అల్లు అర్జున్ మరోసారి తన నెక్స్ట్ లెవెల్ పర్ఫార్మెన్స్ తో మెప్పిస్తాడని అంటున్నారు. పుష్ప 2 రిలీజ్ అనుకున్న డేట్ కే వస్తుందని అంటుండగా సినిమా ఆగష్టు మిస్ అవ్వాల్సి వస్తే దసరా బరిలో దిగుతుందని అంటున్నారు. సాధ్యమైనంత వరకు ఆగష్టు 15న ఎట్టి పరిస్థితుల్లో సినిమాను రిలీజ్ చేయాలని సుకుమార్ అండ్ టీం ప్లాన్ చేస్తున్నట్టు తెలుస్తుంది.