పాన్ ఇండియాలో శీల‌గా స‌న్నిలియోన్!

బాలీవుడ్ న‌టి స‌న్నిలియోన్ ఇప్పుడు సౌత్ సినిమాల్లో బిజీగా ఉన్న సంగ‌తి తెలిసిందే. టాలీవుడ్ మినహా యిస్తే అమ్మ‌డికి దక్షిణాదిన ఇత‌ర‌ భాష‌ల్లో బాగానే అవ‌కాశాలు అందుకుంటుంది. సినిమాల‌తో పాటు వెబ్ సిరీస్ ఛాన్సులు ఒడిసి ప‌ట్టుకుంటుంది. వెబ్ సిరీస్ ల రూపంలో స‌న్నిలియోన్ వ‌రల్డ్ మార్కెట్ ని ఎన్ క్యాష్ చేసుకునే ప్ర‌య‌త్నాలు జోరుగా క‌నిపిస్త‌న్నాయి. తాజాగా స‌న్నిలియోన్ పాన్ ఇండియా సుంద‌రిగా అభిమానుల్ని అల‌రించ‌డానికి రెడీ అవుతోంది.

శీల అనే పాత్ర‌తో స‌న్నిలియోన్ లియోన్ మెయిన్ లో మ‌ల‌యాళంలో ఓ వెబ్ సిరీస్ తెర‌కెక్కిస్తున్నారు. దీనికి స‌తీష్ అనే కొత్త కుర్రాడు ద‌ర్శ‌క‌త్వం వ‌హిస్తున్నాడు. ఇటీవ‌లే రిలీజ్ అయిన ప్ర‌చార చిత్రాలు సైతం ఇంట్రెస్టింగ్ గానే అనిపిస్తున్నాయి. ఈ నేప‌థ్యంలో స‌న్నిలియోన్ సోష‌ల్ మీడియాలో ఓ ఆస‌క్తిక‌ర పోస్ట్ పెట్టింది. `ఉత్కంఠ‌భ‌ర‌తమైన ప్ర‌యాణాన్ని చూడ‌టానికి మిమ్మ‌ల్ని మీరు సిద్దం చేసుకోండి.

స‌న్నీ చేసే మ్యాజిక్ అనుభూతి పొంద‌డానికి సిద్దంగా ఉండండి. ఇది మీ అంద‌రికీ క‌చ్చితంగా న‌చ్చుతుం ది. నా పాత్ర ఎంత‌గా ఆక‌ట్టుకుంటుందో మాట‌ల్లో చెప్ప‌లేను. అది ఎలా ఉంది? అన్న‌ది చూసిన త‌ర్వాత మీరే చెప్పాలి` అంటూ రాసుకొచ్చింది. ప్ర‌స్తుతం ఈ పోస్ట్ వైర‌ల్ గా మారింది. స‌న్నిలియ‌న్ శీల పాత్ర‌లో చూడాటానికి అభిమానులు అంతే ఉత్సాహంతో ఎదురు చూస్తున్నట్లు కామెంట్లు షురూ అయ్యాయి.

మ‌రి స‌న్న‌లియోన్ తో ద‌ర్శ‌కుడు ఎలాంటి సాహ‌సాలు చేయించాడు? స‌న్నికి అనుభ‌వం ఉన్న పాత్ర‌లో న‌టించిందా? కొత్త పాత్ర‌లో ఆవిష్క‌రించాడా? అన్న‌ది చూడాలి. కొన్ని రోజులుగా షూటింగ్ బిజీలో నే ఉండ‌టంతో స‌న్నిలియోన్ సోష‌ల్ మీడియా యాక్టివిటీ కూడా త‌గ్గించిన‌ట్లు క‌నిపిస్తుంది. అమ్మ‌డి ఖాతాలో కొత్త అప్ డేట్లు ఏవీ పెద్ద‌గా క‌నిపించ‌డం లేద‌ని అభిమానులంటున్నారు.