'క్యూజీ' గ్యాంగ్ కూడా 'దండుపాళ్యం' త‌ర‌హాలోనా?

'దండుపాళ్యం' గ్యాంగ్ అప్ప‌ట్లో థియేట‌ర్లో ఎలాంటి సంచ‌ల‌నాలు న‌మోదు చేసిందో తెలిసిందే. సౌత్ లో దండుపాళ్యం ప్రాంచైజీ మంచి స‌క్సెస్ అయింది. మ‌ళ్లీ అలాంటి గ్యాంగ్ నే త‌ల‌పిస్తోంది ఈ 'క్యూజీ' 'కొటేషన్ గ్యాంగ్'. ప్రియమణి, సన్నీ లియోన్‌, జాకీ ష్రాఫ్ ప్రధాన పాత్రల్లో వివేక్‌ కె.కన్నన్ ద‌ర్శ‌క‌త్వంలో తెర‌కెక్కుతోంది. ఇది కూడా భ‌యంక‌ర‌మైన క్రైమ్ స్టోరీ ఆధారంగా తెర‌కెక్కిస్తున్నారు.

ముంబై, కశ్మీర్‌, చెన్నై ప్రాంతాల మధ్య కిరాయి హత్యలు చేసే గ్యాంగ్‌లకు సంబంధించిన కథ ఇది. ఓ హత్య కేసుతో ఈ మూడు ప్రాంతాలకు ఎలా క‌నెక్ట్ అయింది? అన్న‌దాన్ని ఆద్యంతం ఆస‌క్తిక‌రంగా మ‌లుస్తున్నారు. ఇప్ప‌టికే రిలీజ్ అయిన ప్ర‌చార చిత్రాలు ఆక‌ట్టుకుంటున్నాయి. క్రైమ్ అంశాలు ఒళ్లు గ‌గుర్లుపొడిచేలా ఉన్నాయి. స‌న్నివేశాలు అచ్చంగా దండుపాళ్యం గ్యాంగ్ నే త‌ల‌పిస్తున్నాయి.

ఎంతో రియ‌లిస్టిక్ ఫీల్ ని తీసుకొస్తున్నాయి. ఈ సినిమా తెలుగు వెర్ష‌న్ రిలీజ్ రైట్స్ ని రుషికేశ్వ‌ర్ ఫిలింస్ పై ఎం వేణుగోపాల్ రిలీజ్ చేస్తున్నారు. రిలీజ్ కి రెడీ అవుతోన్న ఈ సినిమా గురించి నిర్మాత వేణుగోపాల్ తాజా అప్ డేట్ అందించారు. 'ఫ‌స్ట్ లుక్ పోస్ట‌ర్, టీజ‌ర్ కి మేం అనుకున్న దానికంటే గొప్ప రెస్పాన్స్ వ‌చ్చింది. జాకీ, ప్రియ‌మ‌ణి, స‌న్నిలియోన్ పాత్ర‌లు సినిమాలో పోటాపోటీగా సాగుతాయి.

క్రైమ్ స‌న్నివేశాలు చాలా కొత్త‌గా ఉంటాయి. మునుపెన్న‌డు ఇలాంటి స‌న్నివేశాలు చూసి ఉండ‌రు. కంటెంట్ ఉంటే క‌టౌట్ తో ప‌నిలేద‌ని తెలుగు ఆడియ‌న్స్ రుజువు చేస్తున్నారు. చిన్న సినిమా పెద్ద సినిమా అనే తేడా లేకుండా ప్రేక్ష‌కులు సినిమాని ఆద‌రిస్తున్నారు. అతి త్వ‌ర‌లోనే సినిమా విడుద‌ల చేస్తాం' అని అన్నారు.