పవన్ ప్లానింగ్ తో మహేష్.. సాధ్యమయ్యే పనేనా..?

పవర్ స్టార్ పవన్ కళ్యాణ్ ఇటు సినిమాలు అటు పాలిటిక్స్ ఇలా రెండిటినీ కూడా బ్యాలెన్స్ చేస్తూ వస్తున్నాడు. తన బిజీ షెడ్యూల్ లో పవన్ పర్ఫెక్ట్ ప్లానింగ్ తో సినిమాలు చేస్తున్నాడు. ఆల్రెడీ 3 సినిమాలు లైన్ లో ఉండగా బ్రో సినిమా కోసం నెల రోజులు కేటాయించి సినిమా పూర్తి చేసి రిలీజ్ కూడా చేశాడు పవన్ కళ్యాణ్. ఇంత తక్కువ టైం లో పవన్ చేసిన సినిమా ఇదే అని చెప్పొచ్చు. పవన్ కళ్యాణ్ బ్రో సినిమా ఫ్యాన్స్ కి సూపర్ ట్రీట్ అందిస్తుంది. ఈ సినిమాలో పవన్ సాయి తేజ్ సీన్స్ అద్భుతమైన రెస్పాన్స్ తెచ్చుకుంది.

పవన్ మాత్రమే కాదు ఈ సినిమా కోసం అందరు చాలా ఎక్కువ పనిచేశారు. సినిమాను అనుకున్న విధంగా 3 నెలల్లో పూర్తి చేయాలని పర్ఫెక్ట్ ప్లానింగ్ తో తెరకెక్కించారు. అయితే పవన్ బ్రో నెల రోజుల్లో పూర్తి చేసినట్టుగానే మహేష్ కూడా ఓ సినిమా చేయాలని అనుకుంటున్నాడట. పవన్ కళ్యాణ్ బ్రో తరహాలోనే మహేష్ కూడా నెల రోజులు డేట్స్ ఇచ్చి ఓ ప్రాజెక్ట్ ప్లాన్ చేస్తున్నారట. ప్రస్తుతం మహేష్ త్రివిక్రమ్ డైరెక్షన్ లో గుంటూరు కారం సినిమా చేస్తున్నాడు. ఈ సినిమా 2024 సంక్రాంతికి రిలీజ్ ఫిక్స్ చేశారు.

నెక్స్ట్ ఇయర్ మొదట్లోనే రాజమౌళి సినిమా కూడా సెట్స్ మీదకు వెళ్లనుంది. అయితే ఈ లోగా నెల రోజులు డేట్స్ ఇచ్చి ఒక సినిమా చేస్తే ఎలా ఉంటుంది అన్న ప్లానింగ్ లో ఉన్నాడు మహేష్. అలాంటి కథ ఉంటే తన దగ్గరకు తీసుకురండని చెబుతున్నాడట. త్రివిక్రమ్ సినిమాకు ఒక నెల గ్యాప్ ఇచ్చి మరో సినిమా సింగిల్ షెడ్యూల్ లో ప్లాన్ చేయాలని చూస్తున్నాడు మహేష్. అయితే మహేష్ నెల రోజుల్లో సినిమా పూర్తి చేయగలడా అది సాధ్యమయ్యే పనేనా అని అనుకోవచ్చు.

రాజమౌళి సినిమా 2024 మొదలు పెడితే ఎలా లేదన్నా ఒక రెండేళ్లు మరో సినిమాకు పనిచేసే అవకాశం లేదు. అందుకే ఆ సినిమా సెట్స్ మీదకు వెళ్లకముందే మహేష్ గుంటూరు కారం తో పాటుగా మరో సినిమా చేయాలని అనుకుంటున్నాడు. మహేష్ అలా చేయడానికి ఓకే అనుకున్నా ఇప్పటికిప్పుడు అలాంటి కథ దొరకాలి.. అలా అనుకున్న విధంగా సినిమాను పూర్తి చేసే డైరెక్టర్ కూడా ఫిక్స్ అవ్వాలి. గుంటూరు కారం త్వరగా పూర్తి చేసి మహేష్ రాజమౌళి సినిమా కన్నా ముందు మరో సినిమా చేస్తే మాత్రం సూపర్ స్టార్ ఫ్యాన్స్ పండుగ చేసుకుంటారని చెప్పొచ్చు.