SSMB 29: ఇంకా అంత వరకు రాలేదు

సూపర్ స్టార్ మహేష్ బాబు రాజమౌళి దర్శకత్వంలో మూవీ చేస్తోన్న సంగతి తెలిసిందే. భారీ బడ్జెట్ తో పాన్ వరల్డ్ చిత్రంగా దీనిని సిల్వర్ స్క్రీన్ పై ఆవిష్కరించే ప్రయత్నం చేయడానికి జక్కన్న సిద్ధం అవుతున్నారు. ప్రస్తుతం మూవీ కథ రెడీ అవుతోంది. విజయేంద్రప్రసాద్ కథ తుది దశకి తీసుకొచ్చే పనిలో ఉన్నారు. మొత్తం స్క్రిప్ట్ వర్క్ అంతా కంప్లీట్ అయ్యాక అప్పుడు ప్రీప్రొడక్షన్ యాక్టివిటీస్ స్టార్ట్ చేస్తారు.

సూపర్ స్టార్ మహేష్ బాబు గుంటూరు కారం సినిమాపై ప్రస్తుతం ఉన్నారు. ఈ సినిమాని వీలైనంత వేగంగా కంప్లీట్ చేసి సంక్రాంతికి రిలీజ్ అయ్యేలా చేయాలని అనుకుంటున్నారు. త్రివిక్రమ్ శ్రీనివాస్ కూడా గ్యాప్ లేకుండా షూటింగ్ ఫినిష్ చేయడంపై ఫోకస్ చేశారు. అయితే తాజాగా SSMB29 సినిమాకి సంబందించిన రూమర్ ఒకటి తెరపైకి వచ్చింది.

రాజమౌళి ఈ మూవీ స్టొరీని సూపర్ స్టార్ మహేష్ బాబుకి నేరేట్ చేయడం కోసం సిద్ధమయ్యారని టాక్ నడిచింది. కథ సిద్ధం కావడంతో ఫస్ట్ నేరేషన్ ఇవ్వాలని అనుకున్నారంటూ జోరుగా వార్తలు వినిపించాయి. అయితే వీటిలో ఎలాంటి వాస్తవం లేదంట. ఈ రోజు శంకరపల్లిలో సూపర్ స్టార్ మహేష్ బాబు గుంటూరు కారం మూవీ షూటింగ్ లో బిజీగా ఉండబోతున్నారు.

దీనిని బట్టి రాజమౌళి స్టొరీ నేరేషన్ ఇస్తున్నాడు అనేది కేవలం ఫేక్ ప్రచారం అని తెలుస్తోంది. గుంటూరు కారం మూవీ షూటింగ్ కంప్లీట్ అయిన తర్వాత మహేష్ బాబు టైం చూసుకొని రాజమౌళి కథపై దృష్టి పెట్టనున్నారని తెలుస్తోంది. ఇక రాజమౌళి నేరేషన్ ఏమీ ఆశించకుండా సూపర్ స్టార్ మహేష్ బాబు అతనితో మూవీకి ఒకే చెప్పేశారు.

దీనికి కారణం బాహుబలి సిరీస్, ఆర్ఆర్ఆర్ అని చెప్పొచ్చు. అలాగే జక్కన్న ఏ మూవీ చేసిన అందులో వంద శాతం తాను బలంగా ప్రేమించి చేస్తాడు. చిన్న చిన్న లోపాలకి కూడా అవకాశం ఇవ్వరు. అందుకే మహేష్ బాబు కూడా ఈ సినిమా విషయంలో ఫుల్ కాన్ఫిడెంట్ గా ఉన్నారు. జక్కన్న ఎప్పుడు రెడీ అంటే అప్పుడు షూటింగ్ కి సిద్ధం అనేలా మహేష్ బాబు సిద్ధంగా ఉన్నట్లు తెలుస్తోంది.