గుండు గీయించుకున్న సురేఖ‌వాణి!

క్యారెక్ట‌ర్ ఆర్టిస్ట్ సురేఖా వాణి కుమార్తెతో క‌లిసి తిరుమ‌ల శ్రీవారిని ద‌ర్శించుకుంది. కాలి న‌డ‌క‌న తిరుమ‌ల చేరుకున్న ఆమె అనంత‌రం ఏడుకొండ వెంక‌న్న‌ను ద‌ర్శించుకుని మొక్కులు చెల్లిచింది. ఈ నేప‌థ్యంలో శ్రీవారికి త‌ల‌నీలాలు స‌మ‌ర్పించింది. ద‌ర్శ‌నానంత‌రం సురేఖా వాణి గుండుతో మీడియా కంట ప‌డ్డారు. న‌వ్వుతూ ఆమె కెమెరాకి ఫోజులిచ్చారు. ఆస‌మ‌యంలో కుమార్తె కూడా ప‌క్క‌నే ఉంది.

కుమార్తె మాత్రం కేవ‌లం ద‌ర్శించుకున్న‌ట్లు తెలుస్తోంది. ద‌ర్శ‌నానంత‌రం ఆమెని చూడ‌టానికి భ‌క్తులు ఆస‌క్తి చూపించారు. త‌ల్లీకుమార్తెలిద్ద‌రితో కొంత మంది సెల్పీలు కూడా దిగారు. ప్ర‌స్తుతం సోష‌ల్ మీడియాలో సురేఖ గుండుతో ఉన్న ఫోటోలు వైర‌ల్ అవుతున్నాయి. చీర‌..ర‌విక‌లో సురేఖ ఎంతో సింపుల్ గా క‌నిపిస్తు న్నారు. సురేఖ‌వాణి ఎక్కువ‌గా ఇన్ స్టాలో రీల్స్ చేస్తూ అభిమానుల్ని అల‌రిస్తుంటారు.

అయితే మ‌ళ్లీ రీల్స్ చేయాలంటే? కొన్ని నెల‌లు ఆగాల్సిందేనేమో. ప్ర‌స్తుతం ఆమె గుండుతో ఉన్న నేప‌థ్యంలో రీల్స్ చేసే అవ‌కాశం ఉండ‌క‌పోవ‌చ్చు. ఇక తెలుగు ప‌రిశ్ర‌మ‌లో సురేఖా వాణి జ‌ర్నీ గురించి చెప్పాల్సిన ప‌నిలేదు. ఎన్నో సినిమాల్లో న‌టించి న‌టిగా త‌న‌కంటూ ప్ర‌త్యేక‌మైన గుర్తింపును ద‌క్కించు కుంది. ప్ర‌స్తుతం ఆమె క్యారెక్ట‌ర్ ఆర్టిస్టుల్లో బిజీగా ఉండే న‌టీమ‌ణుల్లో ఆమె ఒక‌రు. స్టార్ హీరోల చిత్రాల్లో అమ్మ పాత్ర‌లు..అక్క‌..వ‌దిన పాత్ర‌ల‌తో ప్రేక్ష‌కుల్ని అల‌రిస్తున్నారు.

సోష‌ల్ మీడియాలోనూ ఎంతో యాక్టివ్ గా ఉంటారు. కుమార్తెతో క‌లిసి వీడియోలు చేస్తుంటారు. అలాగే ఫిట్ నెస్ కి సంబంధించిన ఇంట్రెస్టింగ్ వీడియోలు కూడా అభిమానుల కోసం షేర్ చేస్తుంటారు. అవి నెట్టింట బాగా వైర‌ల్ అవుతుంటాయి. ఇద్ద‌రికి ఇన్ స్టాలో చాలా మంది ఫాలోవ‌ర్స్ ఉన్నారు.