ఆ స్టార్ హీరో యాక్ష‌న్ అండ‌మాన్ జైల్లోనా!

కోలీవుడ్ స్టార్ హీరో సూర్య 44వ చిత్రం కార్తీక్ సుబ్బ‌రాజ్ ద‌ర్శ‌క‌త్వంలో లాక్ చేసిన సంగ‌తి తెలిసిందే. `కంగువ` త‌ర్వాత ఏ ద‌ర్శ‌కుడికి ఛాన్స్ ఇస్తాడ‌ని అంతా ఎగ్జైట్ మెంట్ తో ఎదురు చూస్తోన్న స‌మ‌యంలో అనూహ్యంగా కార్తీక్ సుబ్బ‌రాజ్ ని తెర‌పైకి తెచ్చాడు. తాజాగా ఈ సినిమా తొలి షెడ్యూల్ అండ‌మాన్ లో మొద‌ల‌వుతుంద‌ని చిత్ర వ‌ర్గాలు ప్ర‌క‌టించాయి. ఓ యాక్ష‌న్ ఎపిసోడ్ తో సూర్య మొద‌టి షెడ్యూల్ ప్రారంభించ‌నున్నారు.

దీనిలో భాగంగా అండ‌మాన్ జైల్లో కొన్ని కీల‌క స‌న్నివేశాలు చిత్రీక‌రించ‌నున్నారుట‌. దానికి సంబంధించి అనుమ‌తులు కూడా సంపాదించిన‌ట్లు స‌మాచారం. భారీ యాక్ష‌న్ బ్యాక్ డ్రాప్ లోచిత్రాన్ని హైలైట్ చేస్తున్నారు. ఇందులో ప్ర‌తీ యాక్ష‌న్ సీక్వెన్స్ యూనిక్ గా ఉంటుంద‌ని..ఎలాంటి సెట్లు లేకుండా స‌హ‌జ వాతావ‌ర‌ణంలో వాటి చిత్రీక‌ర‌ణ జ‌రుగుతుంద‌ని చిత్ర వ‌ర్గాల స‌మాచారం. అలాగే ఈ యాక్ష‌న్ స‌న్నివేశాల కోసం విదేశీ స్టంట్ మాస్ట‌ర్ల‌ను రంగంలోకి దించుతున్నారుట‌.

మొత్తానికి అండామ‌న్ యాక్ష‌న్ ఎపిసోడ్ సినిమాకే ప్ర‌త్యేక ఆక‌ర్ష‌ణ‌గా నిలిచేలా ఉంద‌ని తెలుస్తోంది. హీరోయిన్ ఎంపిక ప‌నుల్లో ద‌ర్శ‌కుడు బిజీగా ఉన్నారు. ఈనెల‌ఖ‌రుక‌ల్లా హీరోయిన్ పై ఓ క్లారిటీ వ‌స్తుంది. ఇందులో మ‌ల‌యాళ న‌టుడు జోజు జార్జ్ కీల‌క పాత్ర పోషిస్తున్నారు. ఇక‌ సూర్య ఇప్ప‌టికే కంగువ చిత్రం షూటింగ్ పూర్తి చేసిన సంగ‌తి తెలిసిందే. ప్ర‌స్తుతం ఆ సినిమాకి సంబంధించి పోస్ట్ ప్రొడ‌క్ష‌న్ ప‌నులు జ‌రుగుతున్నాయి.

వాస్త‌వానికి ఇప్ప‌టికే చిత్రాన్ని రిలీజ్ చేయాల‌ని గ్రాఫిక్స్ ప‌నులు డిలే అవ్వ‌డంతో వాయిదా ప‌డింది. అన్ని ప‌నులు పూర్తి చేసి అక్టోబ‌ర్ లో రిలీజ్ చేయ‌నున్నారు. ఇప్ప‌టికే రిలీజ్ అయిన ప్ర‌చార చిత్రాల‌తో కంగువ పై అంచ‌నాలు ఆకాశ‌న్నంటుతున్నాయి. పిరియాడిక్ థ్రిల్ల‌ర్ కి టైమ్ ట్రావెల్ నేప‌థ్యాన్ని జోడించ‌డంతో? ఈ కాంబో కొత్త‌గా ఏదో చెప్ప‌బోతున్నారు? అన్న ఎగ్జైట్ మెంట్ అభిమానుల్లో అంత‌కంత‌కు రెట్టింపు అవుతుంది.