తీవ్ర విషాదం... గుంటూరులో స్టార్ హీరో అభిమానులు మృతి!

తమ హీరోలపై తమకున్న అభిమానాన్ని చాటుకునే క్రమంలో చాలా మంది అభిమానులు తమ ప్రాణాల మీదకు తెచ్చుకుంటారు. ఇదే సమయంలో మరికొంతమంది ప్రమాధవసాత్తు ప్రాణాలు పోగొట్టుకుంటుంటారు. ఇందులో భాగంగా... తాజాగా ఒక స్టార్ హీరో అభిమానులు ఫ్లెక్సీలు కడుతూ మృతి చెందారని తెలుస్తుంది.

అవును... ప్రముఖ సినీ నటుడు, హీరో సూర్య పుట్టినరోజు వేడుకల్లో విషాద ఘటన చోటుచేసుకుంది. అభిమాన హీరో పుట్టినరోజు సందర్భంగా ఫ్లెక్సీ కడుతూ ఇద్దరు యువకులు కరెంట్ షాక్ తగిలి మృతి చెందారు. దీంతో స్థానికంగా తీవ్ర విషాదం నెలకొంది. ఆ యువకుల మృతికి సూర్య ఫ్యాన్స్ తీవ్ర సంతాపం తెలియజేస్తున్నారు.

ఉమ్మడి గుంటూరు జిల్లా నరసరావపేట మండలం కోటప్పకొండ సమీపంలోని మోపువారిపాలెంలో నిషాదం నెలకొంది. సూర్య పుట్టినరోజు సందర్భంగా ముగ్గురు యువకులు ఆదివారం తెల్లవారుజామున ఫ్లెక్సీలు కట్టాలని ఫిక్సయ్యారు. ఈసమయంలో పక్కనే ఉన్న కరెంట్ స్థంభం నుంచి షాక్ కొట్టింది.

ఈ క్రమంలో ఫ్లెక్సీ ఇనుప ఫ్రేమ్‌ అక్కడే పైనున్న విద్యుత్‌ తీగలకు తగలడంతో ఇద్దరు విద్యుదాఘాతానికి గురై అక్కడికక్కడే మృతిచెందారు. ఈ ప్రమాదంలో మరొకరికి తీవ్ర గాయాలు అయ్యాయి. ఈ ఘటనలో నక్క వెంకటేష్ (19), పోలూరి సాయి (20) అనే ఇద్దరు యువకులు మృతి చెందగా.. మరొకరికి తీవ్రగాయాలయ్యాయి. గాయపడిన అతడిని గ్రామస్తులు హుటాహుటిన ఆసుపత్రికి తరలించారు.

మృతులు వెంకటేష్, సాయి డిగ్రీ రెండో ఏడాది చదువుతున్నట్లు తెలుస్తుంది. సమాచారం అందుకున్న పోలీసులు.. ఘటనా ప్రాంతానికి చేరుకుని మృతదేహాలను ప్రభుత్వ ఆసుపత్రికి తరలించి, కేసు నమోదు చేశారు. యువకుల ఆకస్మిక మరణాలతో.. వారి కుటుంబ సభ్యుల రోదనలు మిన్నంటగా.. గ్రామంలో విషాదఛాయలు అలుముకున్నాయి.

కాగా... ప్రసుతం హీరో సూర్య "కంగువా" అనే పీరియాడిక్ మూవీలో నటిస్తున్న సంగతి తెలిసిందే. శివ దర్శకత్వం వహించిన ఈ సినిమాను స్టూడియో గ్రీన్‌ బ్యానర్‌ తో కలిసి యూవీ క్రియేషన్స్‌ సంయుక్తంగా నిర్మిస్తుంది. ఆదివారం సూర్య పుట్టినరోజు సందర్భంగా ఈ మూవీ ఫస్ట్ గ్లింప్స్ రిలీజ్ చేసింది మూవీ టీమ్.