నాని సినిమాలో రజిని మాణిక్యం బాషా..?

న్యాచురల్ స్టార్ నాని వివేక్ ఆత్రేయ కాంబోలో సెకండ్ ప్రాజెక్ట్ గా వస్తున్న సినిమా సరిపోదా శనివారం. ఈ సినిమా లో కోలీవుడ్ స్టార్ ఎస్ జే సూర్య ప్రతినాయకుడిగా నటిస్తున్నారు. ప్రియాంక అరుల్ మోహన్ హీరోయిన్ గా నటించిన ఈ సినిమా ఈ నెల చివరన 29న రిలీజ్ అవుతుంది. ఇక ప్రమోషన్స్ ఇప్పుడిప్పుడే మొదలు పెడుతున్న ఈ సినిమా గురించి ఎస్ జే సూర్య కామెంట్స్ ఇప్పుడు వైరల్ గా మారాయి.

రీసెంట్ గా ఒక ఇంటర్వ్యూలో పాల్గొన్న ఎస్ జే సూర్య సరిపోదా శనివారం కథ లీక్ చేశారు. నాని క్యారెక్టర్ చిన్నప్పటి నుంచి ఎక్కువ కోపం తో కనిపిస్తుంది. ఐతే కొడుకుని దారిలో పెట్టాలని అతని తల్లి వారం మొత్తం కోపం తో కాకుండా ఒక్క శనివారం మాత్రమే కోప్పడేలా మాట తీసుకుంటుంది. తల్లికి ఇచ్చిన మాట కోసం ఆది వారం నుంచి ఫ్రై డే వరకు ఎలాంటి ఆగ్రహాన్ని తెచ్చుకోని హీరో శనివారం తన కసి తీర్చుకుంటాడు.

ఐతే ఈ సినిమా మదర్ సెంటిమెంట్ తో వస్తుందని. తల్లికి ఇచ్చిన మాట కోసమే నాని ఇలా చేస్తాడని సూర్య రివీల్ చేశారు. అంతేకాదు సండే టు ఫ్రై డే వరకు నాని మాణిక్యం ఐతే.. శనివారం మాత్రం బాషా లా మారతాడని చెప్పారు. అంటే రజిని మాణిక్యం, బాషా సినిమాలతో సరిపోదా శనివారం తో పోల్చారు ఎస్ జే సూర్య. సినిమాకు గురించి ఇచ్చిన ఒక ఇంటర్వ్యూలోనే స్టోరీ మొత్తం రివీల్ చేసి షాక్ ఇచ్చారు సూర్య.

ఇక నాని విషయానికి వస్తే ఈ సినిమాతో మరోసారి బాక్సాఫీస్ దగ్గర తన సత్తా చాటాలని చూస్తున్నాడు. లాస్ట్ ఇయర్ దసరా, హాయ్ నాన్న సినిమాలతో హిట్లు అందుకున్న నాని సరిపోదా శనివారంతో ఆ హిట్ మేనియా కొనసాగించాలని చూస్తున్నాడు. నాని మార్క్ ఎంటర్టైన్ మెంట్ ఇస్తూనే మాస్ ఆడియన్స్ ని కూడా మెప్పిస్తుందని అంటున్నారు.

ఇక ఈ ప్రాజెక్ట్ తర్వాత నాని మరోసారి దసరా డైరెక్టర్ శ్రీకాంత్ ఓదెలతో సినిమా చేస్తున్నాడు. ఈ సినిమాపై నాని కాన్ఫిడెన్స్ నెక్స్ట్ లెవెల్ ఉందని తెలుస్తుంది. రీసెంట్ గా జరిగిన ఫిల్మ్ ఫేర్ అవార్డుల్లో నెక్స్ట్ ఇయర్ శ్రీకాంత్ షర్ట్ వెనక ఉన్న కాకి గుర్తు పెట్టుకోండి అన్ని అవార్డులు అదే కొట్టేస్తుందని ముందే చాలా నమ్మకంగా చెప్పి అందరికీ షాక్ ఇచ్చాడు నాని.