సూర్య కంగువ ఆ సీన్స్ నెక్స్ట్ లెవెల్ అట..!

కోలీవుడ్ స్టార్ హీరో సూర్య తమిళ దర్శకుడు శివ డైరెక్షన్ లో చేస్తున్న పీరియాడికల్ మూవీ కంగువ. స్టూడియో గ్రీన్, యువి క్రియేషన్స్ కలిసి నిర్మిస్తున్న ఈ భారీ సినిమాలో సూర్య సరసన దిశా పటాని హీరోయిన్ గా నటిస్తుంది. సినిమాకు దేవి శ్రీ ప్రసాద్ మ్యూజిక్ అందిస్తున్నారు. కోలీవుడ్ నుంచి వస్తున్న ఈ భారీ సినిమాను అక్కడ భారీగా ప్రమోట్ చేస్తున్నారు. సినిమా నుంచి లేటెస్ట్ గా ఒక యాక్షన్ సీన్ గురించి బయటకు వచ్చింది. వీరోచిత రాజుగా విధ్వంసాన్ని సృష్టించే ధీరుడిగా సూర్య పాత్ర ఉండబోతుందని తెలుస్తుంది.

ఈ క్రమంలో సినిమాలో అతని ఎలివేషన్ సీన్స్ హైలెట్ గా ఉంటాయట. ఇందులో భాగంగానే కంగువ సినిమాలో ముసలితో సూర్య ఫైట్ నెక్స్ట్ లెవెల్ లో ఉండబోతుందని అంటున్నారు. సాధారణంగా మన సినిమాల్లో సింహం, పులితో ఫైటింగ్ చూశాం కానీ కంగువ సినిమాలో ప్రత్యేకంగా ముసలితో ఫైట్ ప్లాన్ చేస్తున్నారట. ఈ సీక్వెన్సెస్ అన్ని అద్భుతంగా వచ్చాయని సినిమాకు మేజర్ హైలెట్ గా చెప్పునే వాటిలో ఇది ఒకటని చెబుతున్నారు.

సూర్య కంగువ సినిమాను పాన్ ఇండియా రేంజ్ లో భారీగా రిలీజ్ ప్లాన్ చేస్తున్నారు. సూర్య లుక్స్, వీరోచిత సాహసాలు, యాక్షన్ సీన్స్ అన్నీ సినిమాని నిలబెడతాయని. సినిమా ఆడియన్స్ కి ఒక సరికొత్త ప్రపంచాన్ని తీసుకెళ్తుందని అంటున్నారు. కంగువ నుంచి వచ్చిన టీజర్ కూడా సినిమాపై క్రేజీ ఇంపాక్ట్ క్రియేట్ చేసింది. తప్పకుండా ఈ సినిమా సూర్య కెరీర్ లో బిగ్గెస్ట్ హిట్ గా నిలిచే అవకాశం ఉందని చెప్పొచ్చు.

ఓ పక్క సామాజిక నేపథ్యం ఉన్న సినిమాలతో అలరిస్తున్న సూర్య కమర్షియల్ సినిమాలు భారీతనం ఉన్న సినిమాలతో కూడా తన ఫ్యాన్స్ ని అలరించాలని ఫిక్స్ అయ్యాడు. అందుకే కంగువ సినిమాను చాలా ప్రెస్టీజియస్ గా తీసుకుని చేస్తున్నాడు. తెలుగులో బాహుబలి లాంటి సినిమా పాన్ ఇండియా రేంజ్ లో హిట్ కాగా మణిరత్నం పొన్నియన్ సెల్వన్ సినిమా చేసినా రెండు పార్టులు కూడా తమిళ్ లో తప్ప మిగతా భాషల్లో అలరించలేదు. కానీ కంగువ విషయంలో అలాంటి తప్పు జరగకుండా పాన్ ఇండియా ప్రేక్షకులను అలరించేలా సినిమా తెరకెక్కిస్తున్నారని తెలుస్తుంది. మరి కంగువ ప్రయత్నం ఎంతవరకు సక్సెస్ అవుతుందో చూడాలి.