విజ‌య్ సినిమాకి సూర్య కుమార్ విజిల్ వేయాల్సిందే!

సౌత్ హీరోల‌కు కూడా క్రికెట్ నుంచి ఈ రేంజ్ లో అభిమానులుంటారా? అని ఇప్ప‌డిప్పుడే వెలుగులోకి వ‌స్తోంది. సాధార‌ణంగా అభిమానులంటే బాలీవుడ్ హీరోల‌కు ఎక్కువ‌గా క‌నిపిస్తారు. కానీ సౌత్ సినిమాలో పాన్ ఇండియాలో స‌త్తా చాట‌డంతో సీన్ మొత్తం మారిపోతుంది. అక్క‌డ‌చూపించాల్సిన అభిమాన‌మంతా సౌత్ హీరోల‌పై ట‌ర్న్ అయిపోతుంద‌నిపిస్తుంది. ఇప్ప‌టికే తార‌క్-కొహ్లీ మంచి ప్రెండ్స్ అని తేలింది.

ర‌జ‌నీకాంత్ ని ధోనీ విప‌రీతంగా అభిమానిస్తాడు. ఐకాన్ స్టార్ అల్లు అర్జున్ కోసం ఆల్ రౌండ‌ర్ ర‌వీంద్ర జ‌డేజా కూడా ఫ్యాన్ అయ్యాడు. బ‌న్నీ లుక్ ని కాపీ కొట్టేంత‌గా ఇన్ స్పైర్ చేసాడు. తాజాగా హిట్ట‌ర్ సూర్య కుమార్ యాద‌వ్ కి త‌ల‌పతి విజ‌య్ అంటే మాములు అభిమానం కాద‌ని తెలుస్తోంది. ఆ క‌థ ఏంటో కుమార్ మాట‌ల్లోనే... `సాధార‌ణంగా జ‌ర్నీల్లో నిద్ర‌ప‌ట్ట‌దు. అందుకే మ్యాచ్ ల‌కోసం విదేశాల‌కు వెళ్లాల్సి వ‌స్తే ముందుగానే సినిమాల‌న్నీ డౌన్ లోడ్ పెట్టుకుంటా.

ముఖ్యంగా పాత కామెడీ సినిమాలు ఎక్కువ‌గా చూస్తాను. అవి పోగొట్టుకుని ఒత్త‌డి నుంచి రీచార్జ్ అవుతా. త‌ల‌ప‌తి విజ‌య్ నా అభిమాన హీరో. ఆయ‌న యాక్ష‌న్ సినిమాలు అస్స‌లు మిస్ కాను. కాలేజీ రోజుల్లో విజ‌య్ సినిమాల్లో థియేట‌ర్లో మిస్ అయ్యేవాడిని కాదు. న‌చ్చితే విజిల్స్ వేసేవాడిని. ఇప్పుడు కుద‌ర‌క ఓటీటీలో చూస్తున్నా. వంశీ పైడిప‌ల్లి తీసిన `వారుసుడు` అంటే ఎంతో ఇష్టం. అమ్మ సెంటిమెట్ తో వ‌చ్చిన ఆ సినిమా ఎన్నిసార్లు చూసినా మ‌ళ్లీ మ‌ళ్లీ చూడాల‌నిపిస్తుంది.

ఒక‌సారి ఆ సినిమా ప్లైట్ చూస్తూ కేరింత‌లు కొడుతుంటే ఎవ‌రో వీడియో తీసి సోష‌ల్ మీడియాలో పోస్ట్ చేసారు. అది వైర‌ల్ అవ్వ‌డంతో చూసి ఎంత‌గానో న‌వ్వుకున్నాను` అని అన్నాడు. మొత్తానికి టాలీవుడ్ హీరోల‌కు ఇండియ‌న్ క్రికెట‌ర్స్ లో క్రేజ్ మామూలుగా లేద‌నిపిస్తుంది. అంతా పాన్ ఇండియా చిత్రాల మ‌హిహ‌.