సుస్మితా సేన్ వ‌న్ ఉమెన్ షో తో షేక్ చేస్తోంది

మాజీ విశ్వ‌సుంద‌రి సుస్మితా సేన్ హిట్ సంగ‌తి ప‌క్క‌న‌బెడితే అవ‌కాశాలే రావ‌డం లేదు. ద‌శాబ్దం క్రిత‌మే సినిమాల ప‌రంగా సుస్మిత సేన్ కెరీర్ కి బ్రేక్ ప‌డింది. చివ‌రిగా అమ్మ‌డు 'నో ప్రోబ్ల‌మ్' అనే సినిమాలో న‌టించింది. ఆ త‌ర్వాత 'ఫాల్ట్' అనే చిత్రంలో స్పెష‌ల్ అప్పిరియ‌న్స్ ఇచ్చింది. అటు పై 'నీర్బాక్' అనే బెంగాలీ చిత్రంలో న‌టించింది. ఇలా అవ‌కాశాలు రాని స‌మ‌యంలో కొన్ని టీవీ సిరీస్ ల్లో న‌టించింది. అవేమి పెద్ద‌గా ఫేమ‌స్ కాలేదు. ఆ ర‌కంగా సుస్మితా సేన్ కెరీర్ కి అది పెద్ద బ్రేక్ అని చెప్పాలి.

ఆ త‌ర్వాత సోష‌ల్ మీడియాలో ఫోటోలు..ల‌లిత్ మోదీతో ప్రేమాయ‌ణం అనే అంశాల‌తో నెట్టింట పాపుల‌ర్ అయింది. అంత‌కు మించి సుస్మితాసేన్ ఈ ద‌శాబ్ధంలో సాధించిందంటూ ఏమీ లేదు. అయితే ఇదంతా నిన్న‌..మొన్న‌టి లేక్క‌. నేడు ఆ లెక్క మారింది. సుస్మితా సేను మ‌రోసారి పాన్ ఇండియానే త‌న‌దైన పెర్పార్మెన్స్ తో షేక్ చేస్తోంది. ఆమె న‌టించిన 'తాలీ 'వెబ్ సిరీస్ రిలీజ్ అయిన సంగ‌తి తెలిసిందే.

ఇందులో ట్రాన్స్ జెండ‌ర్ పాత్ర‌లో న‌టించి ఇండియానే షేక్ చేస్తోంది. ట్రాన్స్ జెండర్స్ హక్కుల కోసం పోరాడిన మరో ట్రాన్స్ జెండర్ 'గౌరీ సావంత్' జీవితం ఆధారంగా రవి జాదవ్ తెర‌కెక్కించిన సిరీస్ లో సుస్మితా సేన్ న‌ట విశ్వ‌రూపం చూపించింది. ఇండియా మొత్తం ఆమె గురించి మాట్లాకునే రేంజ్ లో న‌టించింది అంటే అతిశ‌యోక్తి కాదు. తాలీకి ఫ‌స్ట్ క్లాస్ వెస్ సైట్స్ అన్ని మంచి రేటింగ్స్ ఇచ్చాయి.

ఈ మ‌ధ్య కాలంలో ఏ వెబ్ సిరీస్ కి ఇంత పాజిటివ్ టాక్ రాలేదు. సుస్మితా సేన్..న‌ట‌న‌..ఆహార్యం గురించి ప్ర‌త్యేకంగా పోస్టులే ద‌ర్శ‌న‌మిస్తున్నాయి. స‌మాజంలో ట్రాన్స్ జెండర్స్ జీవిన విధానం ఎలా ఉంటుంది. ఒక హిజ్రాని సొసైటీ ఎలా చూస్తుంది? ట్రాన్స్ జెండర్స్ గా మారడానికి ఎలాంటి అవస్థలు పడతారు? వాళ్లు ఎదుర్కునే ఇబ్బందులు .. సమస్యలు .. అవమానాలు ఎలా ఉంటాయి? క‌న్న‌త‌ల్లిదండ్రులు ఇలాంటి పిల్ల‌ల‌పై ఎలా ఉంటారు? వంటి ప్ర‌తీ అంశాన్ని ద‌ర్శ‌కుడు క‌ళ్ల‌కు క‌ట్టారు. ప్ర‌తీ సన్నివేశంలో ఎంతో ఎమోష‌న్ క‌నిపిస్తుంది. గౌరీ పాత్ర‌లో సుస్మితా సేన్ వ‌న్ ఉమెన్ షో తో అద‌ర‌గొట్టింది. సుస్మితాసేన్ కెరీర్ లో గొప్ప వెబ్ సిరీస్ గా దీన్ని చెప్పొచ్చు.