తంబీలకు గుడ్ న్యూస్.. హిట్టు సీరీస్ నుంచి క్రేజీ అప్డేట్..!

తెలుగు, మలయాళ వెబ్ సీరీస్ లకు ఉన్నంత బజ్ తమిళ వెబ్ సీరీస్ లకు కనిపించదు. దానికి కారణాలు ఏంటన్నది తెలియదు కానీ అక్కడ వెబ్ సీరీస్ లపై ఆడియన్స్ అంత ఆసక్తి చూపించరు. ఐతే రెండేళ్ల క్రితం వచ్చిన సుజల్ సీరీస్ ని మాత్రం అలరించారు. అమేజాన్ ప్రైమ్ లో 2022 లో రిలీజైన సుజల్ సీరీస్ సూపర్ హిట్ గా నిలిచింది. ఈ సీరీస్ ను బ్రహ్మ, సర్జన్ డైరెక్ట్ చేయగా.. పార్తిబన్, కథిర్, ఐశ్వర్య రాజేష్, నివేదా సతీష్ లు ఇంపార్టెంట్ రోల్ లో నటించారు.

మిగతా భాషలతో పోలిస్తే తమిళ ఆడియన్స్ ఇంకా వెబ్ సీరీస్ లకు అంతగా కనెక్ట్ అవ్వలేదని చెప్పొచ్చు. బాలీవుడ్, టాలీవుడ్ అందులో ముందు వరుసలో ఉన్నాయి. ఐతే సుజల్ సీరీస్ మాత్రం తమిళంలో మంచి రెస్పాన్స్ తెచ్చుకుంది. కాలిపట్టణం లో అష్టకాలి ఫెస్టివల్ నేపథ్యంతో తెరకెక్కిన ఈ క్రైం థ్రిల్లర్ సీరీస్ ప్రేక్షకులను ఇంప్రెస్ చేసింది. ఐతే సీజన్ 1 ఒక రేంజ్ లో హిట్ అయ్యింది కాబట్టి ఈ సీరీస్ సీజన్ 2 ని భారీ ప్లానింగ్ తో తెరకెక్కిస్తున్నారు.

ఇప్పటికే సుజల్ సీజన్ 2 ని తెరకెక్కిస్తున్నట్టు తెలుస్తుండగా అమేజాన్ ప్రైమ్ లో ఈ ఇయర్ డిసెంబర్ లేదా 2025 జనవరిలో రిలీజ్ చేసే ప్లానింగ్ లో ఉన్నారు. మలయాళంలో క్రైం అండ్ మిస్టీరియస్ సీరీస్ లకు ఏమాత్రం తీసిపోకుండా ఆద్యంతం ఆసక్తికరంగా సాగుతుంది సుజల్ సీరీస్. ఐతే తమిళ్ లో ఈ సీరీస్ సీక్వల్ ప్రకటించగానే ఆ సీరీస్ లవర్స్ అంతా కూడా చాలా సంతోషంగా ఉన్నారు. తమిళ ఆడియన్స్ కు సుజల్ సీజన్ 2 క్రేజీ సర్ ప్రైజ్ అవ్వనుందని తెలుస్తుంది.

అంతేకాదు సీజన్ 2 మీద ఉన్న అంచనాలకు ఏమాత్రం తగ్గకుండా తెరకెక్కిస్తున్నారు మేకర్స్. ముఖ్యంగా థ్రిల్లర్ అంశాల్లో సీట్ ఎడ్జ్ ఉండే సస్పెన్స్ ని మెయింటైన్ చేసేలా చూస్తున్నారు. మరి సుజల్ ది వోర్ టెక్స్ సీజన్ 2 ఎలా ఉండబోతుందో చూడాలి. ఏదైనా సీరీస్ సూపర్ హిట్ అయితే దానికి కొనసాగింపు మీద కూడా భారీ హైప్ ఉంటుంది. ఐతే దానికి తగినట్టుగానే ఉంటే మాత్రం మళ్లీ అది సూపర్ హిట్ అయ్యే ఛాన్స్ ఉంటుంది.

సుజల్ సీజన్ 2 కోసం ఆ సీరీస్ ని ఇష్టపడ్డ ఆడియన్స్ అంతా ఎదురుచూస్తున్నారు. మరి సుజల్ సీరీస్ ఎలా ఉండబోతుందో అది స్ట్రీమింగ్ అయితేనే గానీ తెలియదు. ఐతే ఆ సీరీస్ కు ఉన్న బజ్ చూస్తుంటే మళ్లీ డిజిటల్ ఫ్లాట్ ఫాం మీద అది నెక్స్ట్ లెవెల్ క్రేజ్ తెచ్చేలా ఉంది.