బడా స్టార్స్ పై తాప్సీ మరో పంచ్..!

తెలుగులో ఝుమ్మందినాదం సినిమాతో పరిచయమై ఇక్కడ కొన్ని సినిమాలు చేసి వర్క్ అవుట్ అవ్వట్లేదని బాలీవుడ్ షిఫ్ట్ అయ్యింది తాప్సీ పన్ను. బాలీవుడ్ లో ఇంపాక్ట్ ఉన్న సినిమాలు చేస్తూ సత్తా చాటింది. తను చేస్తున్న సినిమాలే కాదు బాలీవుడ్ కి వెళ్లాక తాప్సీ చేస్తున్న కామెంట్స్ కూడా బోల్డ్ గా ఉన్నాయి. బాలీవుడ్ స్టార్స్ పై కంగనా తర్వాత ఆ రేంజ్ లో టార్గెట్ చేస్తూ కామెంట్ చేసే తాప్సీ లేటెస్ట్ గా మరోసారి వారిపై పంచ్ వేసింది. బడా స్టార్స్ సినిమాల్లో కథానాయిక ఎంపిక వారి ఇష్టమే అని అన్నది తాప్సీ.

అంతేకాదు స్టార్స్ ని ఓవర్ షాడో చేసే హీరోయిన్స్ కు వారు ఛాన్స్ ఇవ్వరని బాంబ్ పేల్చింది. ఏ స్టార్ అయినా సినిమాలో తమకన్నా ఎక్కువ నటించే లేదా తమని దాటి అభినయించే నటీమణిని వద్దంటాడా సినిమాకు ఏది అవసరమో అది తీసుకుంటారు కద. మరి తాప్సీ ఈ కామెంట్స్ తనకు ఎదురైన అనుభవాల వల్ల చెప్పిందేమో కానీ సినిమాకు ఉపయోగపడే అలాంటి విషయాల్లో స్టార్స్ అలా చేస్తారంటే నమ్మేలా లేదు.

ఇక తాప్సీ చేసిన జుడ్వా, డుంకీ సినిమాలో కూడా ఎక్కువ రెమ్యునరేషన్ తీసుకోలేదని. ఎందుకంటే స్టార్ సినిమాల్లో నటిస్తే ఎక్కువ రెమ్యునరేషన్ ఇచ్చారు కాబట్టి నటించింది అన్న పేరు తనకు వద్దని రెమ్యునరేషన్ తను ఎప్పుడు తీసుకునేంత తీసుకున్నానని అన్నది తాప్సీ. ఎక్కువ రెమ్యునరేషన్ ఇచ్చి వాళ్లు మళ్లీ తనని మాట అనేలా చేసుకోకూడదని తాప్సీ అలా చేసిందని అంటుంది.

ఏది ఏమైనా తన మాటల్లో కరుకుదనం చూస్తుంటే తాప్సీకి బాలీవుడ్ స్టార్స్ నుంచి బాద అనుభవించిందని అనిపిస్తుంది. ఐతే తాను చెప్పాలనుకున్న మాటని ఎలాంటి మొహమాటం లేకుండా చెప్పే తాప్సీ ప్రస్తుతం సినిమాల విషయాల్లో కూడా ఆచి తూచి అడుగులేస్తుంది. బాలీవుడ్ పరిశ్రమ గురించి అక్కడ బడా హీరోయిన్స్ కూడా మాట్లాడటానికి వ్యతిరేకిస్తారు కానీ కంగన రనౌత్, తాప్సీ లాంటి వారు మాత్రం అక్కడ జరుగుతున్న విషయాలను కచ్చితంగా చెప్పాలని చూస్తారు. అందుకే ఇలాంటి వారికి అక్కడ మంచి ఫ్యాన్ బేస్ ఉంటుంది.

సౌత్ నుంచి బాలీవుడ్ వెళ్లి సక్సెస్ అయిన వారిలో తాప్సీ ఒకరు. అందుకే ఆమె అక్కడే సినిమాలు చేస్తూ కెరీర్ కొనసాగిస్తున్నారు. కమర్షియల్ సినిమాల్లో నటించడం కన్నా తమకు నచ్చిన కథల్లో నటించడం ముఖ్యమని భావించే వారిలో తాప్సీ ఒకరు. అందుకే బాలీవుడ్ లో ఆమెకు స్పెషల్ క్రేజ్ ఏర్పడింది.