తాప్సీ రియ‌ల్ స్టంట్స్ పిచ్చెక్కించేలా!

బాలీవుడ్ లో తాప్సీ న‌ట‌ పోరాటం కొన‌సాగుతోన్న సంగ‌తి తెలిసిందే. స్టార్ హీరోల చిత్రాల్లో న‌టిస్తూనే...సోలోగానూ స‌త్తా చాటే ప్ర‌య‌త్నాలు చేస్తుంది. మ‌రోవైపు నిర్మాత‌గానూ ప్రూవ్ చేసుకునే దిశ‌గా అడుగులు వేస్తోంది. అయితే న‌టిగా మాత్రం తాప్సీ పాత్ర‌లు ఎప్పుడూ స‌వాల్ విసురుతూనే ఉన్నాయి. బ‌ల‌మైన పాత్ర లో ఎంపిక‌తో త‌న మార్క్ వేస్తుంది. సినిమా స‌క్సెస్ అయినా? ఫెయిలైనా శ‌క్తివంత‌మైన పాత్ర‌ల్లో క‌నిపిస్తూ విమ‌ర్శ‌కుల ప్ర‌శంస‌లు అందు కుంటుంది.

ఈ విష‌యంలో తాప్సీని మెచ్చుకోవాల్సిందే. ప్ర‌స్తుతం ఉన్న ట‌ఫ్ కాంపిటీష‌న్ మ‌ధ్య స‌క్సెస్ లేకుండా లాంగ్ కెరీర్ ని కొన‌సాగించ‌డం అంత ఈజీ కాదు. కానీ ఈ విష‌యంలో తాప్సీ స‌క్సెస్ అయింది. ఆశించిన స్థాయిలో స‌క్సెస్ లు లేక‌పోయినా త‌న‌దైన బ్రాండ్ వేసింది. ప్ర‌స్తుతం `గాంధారీ` అనే మ‌రో యాక్ష‌న్ థ్రిల్ల‌ర్ తో ప్రేక్ష‌కుల ముందుకు రావ‌డానికి రెడీ అవుతోంది. ఈ చిత్రం కోసం అమ్మ‌డు ఎలాంటి డూప్ లేకుండా యాక్ష‌న్ స‌న్నివేశాల్లో న‌టించిన‌ట్లు రివీల్ చేసింది.

కిడ్నాప్ అయిన త‌న కుమార్తెని ర‌క్షించుకోవ‌డం కోసం ఓ త‌ల్లి చేసిన పోరాట‌మే ఈ చిత్రం. తాప్సీ తొలిసారి మామ్ పాత్ర పోషిస్తుంది. ఇంత‌వ‌ర‌కూ ఈత‌ర‌హా పాత్ర అమ్మ‌డు పోషించ‌లేదు. తెలుగులో చాలా సినిమాల్లోన‌టించింది. కానీ మామ్ పాత్ర ఇక్క‌డ కూడా పోషించ‌లేదు. కానీ ఇప్పుడా చాన్స్ గాంధారీ ద్వారా ద‌క్కింది. దీంతో అమ్మ‌డు సంతోషంగా వ్య‌క్తం చేసింది. మామ్ పాత్ర‌ల గొప్ప‌ద‌నాన్నిచెప్పే ప్ర‌య‌త్నం చేసింది. `జీవితంలో ఇలాంటి పాత్ర‌లు పోషించే అవ‌కాశం అన్నిక‌థ‌లు ఇవ్వ‌లేదు.

కొన్ని స్టోరీల‌కే అది సాధ్య‌మ‌వుతుంది. మామ్ పాత్ర‌ని ఆధారంగా చేసుకుని చేసిన సినిమాల‌కు స‌మాజంలో ప్ర‌త్యే క‌మైన గుర్తింపు ఉంటుంది. ఈ చిత్రం ఎంద‌రో త‌ల్లుల్లో స్పూర్తినింపుతుంద‌ని ఆశిస్తున్నాను అంది. దేవాశిశ్ మఖిజా తెర‌కెక్కిస్తున్నారు. ఈ సినిమా రిలీజ్ తేదిని త్వ‌ర‌లో ప్రేక్ష‌కుల ముందుకు తీసుకురానున్నారు. క‌థా పిక్చర్స్ ప‌తాకంపై క‌నికా థిల్లాన్ నిర్మిస్తున్నారు.