నోరా ఛాన్స్ త‌మ‌న్నా త‌న్నుకుపోయిందే!

బాలీవుడ్ హీరోయిన్ శ్ర‌ద్ధా క‌పూర్ ప్ర‌ధాన పాత్ర‌లో అమ‌ర్ కౌశిక్ ద‌ర్శ‌క‌త్వంలో తెర‌కెక్కిన `స్త్రీ`అప్ప‌ట్లో ఎలాంటి విజ‌యాన్ని న‌మోదు చేసిందో తెలిసిందే. కామెడీ హార‌ర్ లో శ్ర‌ద్దా కపూర్ పాత్ర ఆద్యంతం ఆక‌ట్టుకుంది. న‌టిగా శ్ర‌ద్దా క‌పూర్ ని మ‌రో మెట్టు పైకెక్కించిన చిత్ర‌మ‌ది. క‌మ‌ర్శియ‌ల్ గా సినిమా భారీ వ‌సూళ్ల‌ను సాధించింది. 18 కోట్ల‌తో నిర్మించిన చిత్రం 180 కోట్ల‌కు పైగా వ‌సూళ్లను సాధించింది.

ఈ సినిమాకి సీక్వెల్ గా `స్త్రీ-2`ని కూడా ప‌ట్టాలెక్కించిన సంగ‌తి తెలిసిందే. య‌ధావిధిగా శ్ర‌ద్దా ప్ర‌ధాన పాత్ర‌లో కొన‌సాగుతోంది. ఆమెకి జోడీగా రాజ్ కుమార్ రావు న‌టిస్తున్నాడు. తొలి రోజే హీటెక్కించే స‌న్ని వేశంతో షూటింగ్ షురూ చేసారు. ఇద్ద‌రి మ‌ధ్య బెడ్ రూమ్ సీన్ చిత్రీక‌ర‌ణ‌తో మొద‌లైంది. విర‌హ‌వేద‌న‌తో ర‌గిలిపోతున్న ఓ దెయ్యం స‌న్నివేశానికి సంబంధించిన సీన్ ఇది.

తాజాగా ఈ ప్రాజెక్ట్ లోకి మిల్కీ బ్యూటీ త‌మ‌న్నా కూడా చేరింది. ఇందులో అమ్మ‌డు ఓ హాట్ ఐటం నంబ‌ర్లో పెర్పార్మెన్స్ ఇస్తుంది. మాస్ కి క‌నెక్ట్ అయ్యేలా ఈ పాట‌ని ఏ రేంజ్ లో హైలైట్ చేస్తారో చెప్పాల్సిన ప‌ని లేదు. త‌మ‌న్నా ఎంట్రీ సినిమాకి అద‌న‌పు అస్సెట్ గానూ చెప్పొచ్చు. ఈసినిమాని పాన్ ఇండియాలో ప్లాన్ చేస్తున్న‌ట్లు తెలుస్తోంది. త‌మ‌న్నాని ఎంట్రీ వెనుక కూడా ఈ కార‌ణం క‌నిపిస్తుంది

అమ్మ‌డికి అన్ని భాష‌ల్లోనూ మంచి క్రేజ్ ఉంది. అందుకే ఏరికోరి మ‌రీ తీసుకుంటున్న‌ట్లు తెలుస్తోంది. మొద‌టి భాగంలో నోరా ప‌టేహీ త‌మ‌న్నా రోల్ లో క‌నిపించింది. కానీ ఈసారి నోరా త‌ప్పించి ఆ ఛాన్స్ త‌మ‌న్నాకి ఇస్తున్నారు. త‌మ‌న్నా కూడా నోరాకి ఏమాత్రం త‌గ్గ‌కుండా మెప్పిస్తుంది అన‌డంలో ఎలాంటి సందేహం లేదు. ఇప్ప‌టికే ఐటం పాట‌ల్లో మిల్కీ సైతం త‌న‌ద‌మైన ముద్ర వేసిన సంగి తెలిసిందే.