భోళాపై తమన్నా కాన్ఫిడెన్స్ ఏ లెవెల్లో ఉందంటే..

మెగాస్టార్ భోళా శంకర్ ప్రేక్షకుల ముందుకు రావడానికి రెడీ అవుతున్నాడు. ఈ ఏడాది మొదట్లో వాల్తేరు వీరయ్యతో బ్లాక్ బస్టర్ హిట్ అందుకున్న ఆయన, ఇప్పుడు ఈ భోళా శంకర్ తో మరో హిట్ అందుకోవాలని అనుకుంటున్నారు. ఇప్పటికే ఈ మూవీ పై మంచి బజ్ క్రియేట్ అవుతోంది. మూవీ విడుదలకు దగ్గరపడుతుండటంతో, పాటలు విడుదల చేస్తూ, హైప్ క్రియేట్ చేస్తున్నారు.

ఈ మూవీలో చిరు సరసన ఈ మూవీలో చిరు సరసన మిల్కీ బ్యూటీ తమన్నా నటిస్తున్న విషయం తెలిసిందే. కాగా, ఈమూవీ వేదాళం మూవీకి రీమేక్ అన్న విషయం కూడా అందరికీ సుపరిచితమే. అయితే, రీమేక్ అనగానే ఫ్యాన్స్ చాలా భయపడ్డారు. రీమేక్ మూవీ అంటే, మక్కీటూ మక్కీ దింపి ఉంటారని చాలా మంది భావిస్తున్నారు. ఈ క్రమంలో ఈ విషయంపై తాజాగా తమన్నా స్పందించింది.

వేదాళం మూవీని సీన్ టూ సీన్ కాపీ చేయలేదని తమన్నా చెప్పడం విశేషం. దర్శకుడు మెహర్ రమేష్ ఈ మూవీని మొత్తం రీక్రియేట్ చేశారని, వేదాళం మూవీ చూసిన అనుభూతి కలగదు అని చెప్పింది. తెలుగు ప్రేక్షకులకు నచ్చేలా, ఈ మూవీని తెరకెక్కించారని తమన్నా చెప్పింది. తమన్నా ఈ మాట చెప్పిన తర్వాత చాలా మంది ఊపిరి పీల్చుకున్నారు.

ఈ మూవీ పూర్తిగా సిస్టర్ సెంటిమెంట్ తో సాగుతుంది. ఈ మూవీలో చిరుకి సోదరిగా కీర్తి సురేష్ నటిస్తుండటం విశేషం. ఆగస్టు 11న ఈ మూవీ ప్రేక్షకుల ముందుకు రానుంది. ఇటీవల ట్రైలర్ విడుదల చేయగా, అది ఆకట్టుకుంటోంది. మరి, ఈ మూవీ ప్రేక్షకులను ఎంత వరకు ఆకట్టుకుంటుందో చూడాలి.

ఇక, ఈ మూవీ తర్వాత చిరు సోగ్గాడే చిన్ని నాయన ఫేమ్ కళ్యాణ్ కృష్ణ తో ఓ సినిమా చేస్తున్నారు. ఈ మూవిని పీపుల్స్ మీడియా ఫ్యాక్టరీ నిర్మించనుంది. నిర్మాతగా సుస్మిత పేరు మాత్రం ఉంటుందని తెలుస్తోంది. అయితే, తెర వెనుక పెట్టుబడి పెట్టి నడిపించేది అంతా పీపుల్‌ మీడియా ఫ్యాక్టరీనే అనే ప్రచారం జరుగుతోంది. గుడ్‌ విల్‌ పేరిట, లాభాల్లో కొంత వాటా సుస్మితకు ఇవ్వడానికి పీపుల్‌ మీడియా సంస్థ సుముఖంగా ఉందనే ప్రచారం జరుగుతోంది.