తమన్నాకి ఆ స్టార్‌ తో డేట్‌ డ్రీమ్‌..!

మిల్కీ బ్యూటీ తమన్నా ఇండస్ట్రీలో అడుగు పెట్టి రెండు దశాబ్దాలు అవుతున్నా కూడా ఏమాత్రం జోరు తగ్గలేదు. ఈ మధ్య వరుసగా వెబ్ సిరీస్ లు, సినిమాలు చేయడం ద్వారా వార్తల్లో నిలుస్తుంది. తాజాగా తమిళ క్రేజీ మూవీ అరణ్మనై 4 లో నటించింది.

తమిళనాట అరణ్మనై మూవీ ఏకంగా రూ.100 కోట్ల వసూళ్లు నమోదు చేసిన నేపథ్యంలో తమన్నా మరింతగా బిజీ అవ్వబోతుందని అభిమానులు కామెంట్స్ చేస్తున్నారు. అరణ్మనై సినిమాలో తమన్నా తో పాటు రాశి ఖన్నా కూడా నటించిన విషయం తెల్సిందే.

రాశి తో పోల్చితే తమన్నా కి ఈ సినిమా మరింత క్రేజ్‌ ను తెచ్చి పెట్టింది అనడంలో సందేహం లేదు. తాజాగా సినిమా ప్రమోషన్ లో భాగంగా ఏర్పాటు చేసిన మీడియా సమావేశంలో మాట్లాడుతూ ఆసక్తికర వ్యాఖ్యలు చేసింది.

హర్రర్‌ సినిమా అయిన అరణ్మనై 4 ను ఎవరితో కలిసి చూడాలి అనుకుంటున్నారు అంటూ మీడియా వారు ప్రశ్నించిన సమయంలో అంతా కూడా ఆమె ప్రియుడు విజయ్ వర్మతో కలిసి చూడాలి అనుకుంటున్నాను అనే సమాధానం చెప్పే అవకాశం ఉందని అంతా భావించారు.

కానీ తమన్నా మాత్రం అనూహ్యంగా తనకు బాలీవుడ్‌ స్టార్‌ షారుఖ్‌ ఖాన్‌ తో సినిమా డేట్‌ కి వెళ్లాలని ఉంది, ఆయనతో కలిసి ఈ హర్రర్‌ సినిమా చూసే అవకాశం వస్తే చాలా హ్యాపీ అన్నట్లుగా చెప్పుకొచ్చింది. ప్రియుడు విజయ్‌ వర్మ తో కాకుండా సినిమా డేట్‌ కి షారుఖ్‌ ఖాన్‌ తో వెళ్లాలని తమన్నా డ్రీగ్‌ గా తెలుస్తోంది.