తమన్నా ఇదే రిపీట్ అయితే

స్టార్ హీరోయిన్ తమన్నాకు ఎలాంటి క్రేజ్ ఉందో అందరికీ తెలిసిందే. కొన్నేళ్లుగా హీరోయిన్ గా తన సత్తా చాటుతున్న అమ్మడు.. స్పెషల్ సాంగ్స్ తోనూ ఓ రేంజ్ లో అందరినీ అలరిస్తోంది. హీరోయిన్స్ లో తమన్నా కాస్త గ్రేస్ ఫుల్ డ్యాన్సర్ అనే చెప్పాలి. ఆమె ఐటెం సాంగ్ చేస్తే మూవీకి ఎక్స్ ట్రా మైలేజీ వస్తుంది. అందరి దృష్టి సినిమాపై పడుతుంది. కెరీర్ పీక్స్ లో ఉన్నప్పుడు బెల్లంకొండ సాయి శ్రీనివాస్ అల్లుడు శీను మూవీలో లబ్బర్ బొమ్మ పాటలో డ్యాన్స్ ఇరగదీసింది తమన్నా.

అ తర్వాత జై లవకుశ, గని, స్పీడున్నోడు సినిమాల్లో స్పెషల్ సాంగ్స్ తో అలరించింది. అయితే ప్రతి సాంగ్ కూడా సూపర్ డూపర్ హిట్టే. ఇక రీసెంట్ గా కోలీవుడ్ సూపర్ స్టార్ రజినీకాంత్ జైలర్ సినిమాలో నువ్వు కావాలయ్యా పాటతో ఓ ఊపు ఊపేసింది. గ్లామర్ డోస్ పెంచేసి మరీ స్టెప్పులేసింది. ఇప్పటికే ఈ పాట ట్రెండింగ్ లోనే ఉంటుంది. జైలర్ మూవీకి రిలీజ్ కు ముందు క్రియేట్ అయిన హైప్.. తమన్నా వల్లే వచ్చిందని చెప్పడంలో ఎలాంటి డౌట్ అక్కర్లేదు.

ఇప్పుడు తమన్నా మరో ఐటెం సాంగ్ తో వచ్చేస్తున్న విషయం తెలిసిందే. బాలీవుడ్‌ స్త్రీ 2 మూవీలో ఆజ్ కా రాత్ స్పెషల్ సాంగ్ తో సందడి చేయనుంది అమ్మడు. 2018లో వచ్చిన స్త్రీ మూవీలో నోరా ఫతేహి ఐటెం సాంగ్ చేయగా.. ఇప్పుడు సీక్వెల్ లో తమన్నా చిందులేసింది. అందుకు సంబంధించిన వీడియో సాంగ్ ను మేకర్స్ రీసెంట్ గా రిలీజ్ చేశారు. పాటలో తన డ్యాన్స్ తో అందరినీ ఆకట్టుకుంటోంది మిల్కీ బ్యూటీ. గ్లామర్ బొనాంజాతో బీటౌన్ ఆడియన్స్ ను అలరిస్తోంది.

తమన్నా డ్యాన్స్ చూసి బాలీవుడ్ సినీ ప్రియులు ఆశ్చర్యపోతున్నారు. ఆమె లుక్స్ కు ప్రశంసల వర్షం కురిపిస్తున్నారు. ఇప్పటికే చేసిన ఐటెం సాంగ్స్ కంటే.. ఆజ్ కా రాత్ పాటలో తమన్నా మరింత గ్లామర్ షో చేసింది. తన స్కిన్ టోన్ తోపాటు అందాలతో అలరించింది. అయితే కొందరు మాత్రం కంటిన్యూగా గ్లామర్ షోతో స్పెషల్ సాంగ్స్ చేయడం కరెక్ట్ కాదని చెబుతున్నారు. వరుస గ్లామర్ ట్రీట్స్.. ఆడియన్స్ కు బోర్ తెప్పించే అవకాశం ఉందని అంటున్నారు.

అయితే సిమ్రాన్, ఇలియానా వంటి పలు హీరోయిన్లు తమ గ్లామర్ షోతో ఓ రేంజ్ లో అలరించారు. కానీ ఒక్కసారిగా డౌన్ అయిపోయారు. కాబట్టి తమన్నా అలా జరగకుండా చూసుకోవాలని సజ్జెస్ట్ చేస్తున్నారు. స్పెషల్ సాంగ్స్ చేయడం తప్పులేదని.. కానీ అన్నీ గ్లామర్ షోతోనే ఉంటే కెరీర్ కు ఇబ్బంది వచ్చే అవకాశం ఉందని అంటున్నారు. మరి తమన్నా ఈ విషయంలో ఎలాంటి నిర్ణయం తీసుకుంటుందో చూడాలి. ప్రస్తుతం తమన్నా.. ఓదెల2తో పాటు పలు చిత్రాల్లో నటిస్తోంది.