సునీల్.. ఇన్నాళ్ళకు మళ్ళీ బిజీబిజీగా..

సీనియర్ నటుడు సునీల్ కెరీర్ జ‌ర్నీ గురించి అందరికీ తెలిసిందే. క‌మెడియ‌న్​గా కెరీర్ పీక్స్ స్టేజ్​లో ఉండ‌గా హీరోగా అవ‌కాశాలు రావ‌డం వల్ల రూట్​ మార్చి తన అదృష్టాన్ని ప‌రీక్షించుకునే ప్ర‌య‌త్నించాడు. కానీ అది బోల్తా కొట్టింది. 'అందాల రాముడు', 'మర్యాదరామన్న', 'పూల రంగడు' చిత్రాలతో హీరోగా ఒక దశ వరకు పర్వాలేదనిపించేలా సాగిన ఆయన కెరీర్ ఆ తర్వాత అమాంతం ఫ్లాప్​లతో కెరీర్​ డౌన్ స్టేజ్​కు వెళ్లిపోయారు.

క‌మెడియ‌న్​గా స‌క్సెస్ అయినంత రేంజ్​లో హీరోగా సక్సెస్​ అందుకోలేకపోయాడు సునీల్​. ఓ దశలో అటు హీరోగా సెట్​ అవ్వలేక.. ఇటు కామెడీ పాత్రలను ఒప్పుకోలేక చాలా ఇబ్బందే పడ్డాడు. దీంతో మళ్లీ రూటు మార్చిన సునీల్​ విలక్షణ నటుడిగా ఎదిగేందుకు ప్రయత్నాలు చేశాడు. ఈ క్రమంలోనే తనకు వచ్చిన అవకాశాలను సద్వినియోగం చేసుకున్నాడు. అలా కెరీర్​ సెకండ్ ఇన్నింగ్స్​లో త్వరగానే కుదురుకున్నాడు.

తెలుగులో కీలక రోల్స్​, ఎక్కువగా విలన్ పాత్రలను చేస్తూ జోరందుకున్నాడు. అలా ఫామ్​ అందుకున్న అతడికి సౌత్ ఇండస్ట్రీలోని ఇతర భాషల నుంచి ఆఫర్స్​ ఎక్కువయ్యాయి. ముఖ్యంగా తమిళ ఇండస్ట్రీ నుంచి ఎక్కువగా ఛాన్స్​లు దక్కుతున్నాయి. తమిళ సినిమాల్లో యాక్టింగ్ పరంగానే కాకుండా, లుక్స్​ విషయంలోనూ వేరియేషన్ చూపిస్తూ దూసుకెళ్తున్నారు. జైలర్​, మావీరన్​, మార్క్ ఆంటోని చిత్రాలు చూస్తే ఈ విషయం పక్కాగా అర్థమవుతుంది. ఆయన నటనకు, లుక్స్​కు మంచి మార్కులు పడ్డాయి. ఇక కార్తి జపాన్ సినిమాలోనూ నటించారు.

ఒకరంగా చెప్పాలంటే కోలీవుడ్​ ఆయనకు మంచి పాపులారిటీ, స్టార్​డమ్​ను తెచ్చిపెట్టింది. సునీల్​ రెమ్యునరేషన్​ కూడా భారీగా పెరిగిపోయిందని తెలిసింది. ఇక పుష్ప 2తో పాన్ ఇండియా యాక్టర్​గా కూడా మారిపోనున్నాడు సునీల్​. వచ్చే ఏడాది పంద్రాగస్ట్​కు ఈ సినిమా రిలీజ్ కానుంది. ఈ చిత్రంలో ఆయన పాత్రకు మంచి స్కోప్ దక్కితే సునీల్ కెరీర్ గ్రాఫ్ మరింత మారిపోతుంది.

మరిన్ని పాన్ చిత్రాల్లో నటించే అవకాశాలు రావడం ఖాయమే! మొత్తంగా సునీల్ కెరీర్ జర్నీని గమనిస్తే.. రీజనల్​ యాక్టర్​ అనే ట్యాగ్ లైన్​ను బ్రేక్ చేసుకుని.. పాన్ సౌత్ యాక్టర్​గా మారిపోయారని పక్కాగా చెప్పొచ్చు. ప్రస్తుతం సునీల్ సినిమాల విషయానికొస్తే.. ఆయన కార్తి జపాన్​, అల్లు అర్జున్ పుష్ప 2, ఈగాయ్​, రామ్​ చరణ్ గేమ్​ ఛేంజర్​, మహేశ్ బాబు గుంటూరు కారం చిత్రాల్లో నటిస్తున్నారు. ఈ చిత్రాలన్నీ వచ్చే ఏడాది రిలీజ్ అయ్యే అవాకశాలు ఉన్నాయి.